عرض للطباعة
السلام عليكم ورحمة الله وبركاته
كان عندى استفسار بخوص مركز خدمة اسبيرانزا انا جبت عربية a113 جديدة والشهر الجاي هيكون بقالها 3 شهور ان شاء الله معايا فكنت بتكلم مع واحد صاحبي على مركز الخدمة موجود عندى فى طنطا عشان صيانة ال 1000 كيلو او 3 شهور قالي ما تروحش وغير الزيت برة احسن عشان توفر فكنت محتاج مساعدة من أهل الخبرة انهم يفيدونى اني اروح صيانة ال 1000 كيلو بس وابقى اغير زيت وفلاتر برة مثلا بعد كده ولا اكمل مع المركز وشكرا مقدما وكل عام وأنتم بخير
للاسف صاحبك غلطان
انت كده هاتخرج من الضمان
لكن لو انت مش عايز الضمان فعلا اعمل كده
انا واحد من ملاك العربيه ما بروحش التوكيل وخرجت من الضمان بدري
اوعي اوعي اوعي تسمع كلام صاحبك هتطلع العربية من الضمان حرام وهية لسة جديدة انت لو بتفكر تطلع من الضمان يبقي بعد اول سنة من شراء العربية عشان العيوب بتطلع في اول سنة ولو ظهر حاجة هتغيرها علي حسابك وصيانة الالف مش غالية يعني 300 جنية بالكتير تغيير زيوت وتربيط العفشة ومراجعة السوائل وعلي فكرة مفيش فيها مصنعية يعني دي الفلوس الي هتدفع برة الضمان لو رحت لاي حد لان صيانة الالف بتكون مجانا وبالنسبة لمراكز الصيانة في طنطا عندك عيسي بعد المعرض شوية علي طريق القاهرة الزراعي قبل داخلة قحافة
شكرا يا Mido ,hugan على الرد السريع طيب انا مش يسافر كتير بالعربية من الافضل اخلى الصيانة بعد كده كل 3000 ولا 5000 تنصحونى بايه
الصيانة بتكون كل 5000 كيلو او 3 شهور ايهما اقرب والافضل انك متخرجش العربية برة الضمان نهائي وان كان اسعار قطع الغيار في التوكيل اغلي شوية من برة بس علي الاقل بيدوك ضمان علي قطع الغيار و تكون ضامن ان الصنايعي الي هناك مش هيصلح حاجة ويخرب حاجة عشان ترجعلة تاني زي برة لان لو حاجة باظت في التوكيل ملزومين يصلحوها ببلاش فهيشتغلو بزمة عشان مترجعش تاني وتوجع دماغهماقتباس:
المشاركة الأصلية كتبت بواسطة mohamed57
شكرا على ردك يا mido تعبتك معايا :)
بس لازم وضروري صيانه ال 1000 الاولي
لانها تشمل تغيير زيت موبيل 1
ومراجعه زيت الفتيس ان كان ناقص
وتربيط عفشه
ولو في اي شكوي من العربيه
شكرا على رد حضرتك :)اقتباس:
المشاركة الأصلية كتبت بواسطة hugan
الشكر لله وحدة يا باشا وتعبك راحةاقتباس:
المشاركة الأصلية كتبت بواسطة mohamed57
مهم الضمان للعربيه ..
للتصحيح .. الصيانه كل 5000 كيلو أو ( 6 شهور ) وليس 3 شهور .. أنا معايا 516 ودائم الصيانه ف التوكيل .اقتباس:
المشاركة الأصلية كتبت بواسطة m i d o
أنا كنت في أبو رواش يوم السبت اللي فات بعمل صيانة الالف لل 516
هما هناك غيروا زيت و فلتر و عملوا تشيك اب علي العربية .. و حطوا موبيل1 10000 كيلو
و لما سألت الراجل هناك قالي الصيانة كل 6 شهور أو 10000 كيلو لاننا حاطينلك زيت 10000
قاللي كمان صيانة ال 5000 بتبقي تشيك مش أكتر لو انت عندك مشاكل لكن ممكن متجيش فيها
شكرا على الردود bassemali ،shetoshandasa :)
مشكور للتصحيح وانا اعرف انها كانت كل 3 شهور او 5000 كيلو و اتغيرت للانفي بقت كل 6 شهور او 10000 الاف ماعرفش انهم غيروها لكل الموديلاتاقتباس:
المشاركة الأصلية كتبت بواسطة bassemali
كتاب الضمان اللي كان بينزل مع العربية اتغير و بقي فيه الشروط الجديدة كل 6 شهور أو 10000 كيلو و صيانة الخمسات دي بتبقي أوبشنال .. يعني تروح أو متروحش علي حسب احساسك بالعربيةاقتباس:
المشاركة الأصلية كتبت بواسطة m i d o
دي حاجة ممتازة و هتوفر للعملاء فلوس كتيراقتباس:
المشاركة الأصلية كتبت بواسطة shetoshandasa