بقيت من ملاك البولو اخيرا

**عبدالرحمن-جبر** · 02-08-2013 07:08 PM

انا روحت نهاردة عند مركز المهندس اللى قدام مستشفى مصر الجديدة الراجل دا كنت بتعامل معاه من ايام الاوبل عملت سيرفيس كامل و اشتريت الحاجات دى
1-سير كاتينة و بلية 480 جنيه
2-سير دينامو 45 جنيه
3- فلتر هوا 60
4-فلتر تكييف 80
5-فلتر بنزين 60
فلتر زيت 40
بوجيهات شمعة 80
زيت فالفولين 15w-50 ب180 جنبه الراجل قعد يشكرلى فيه و فالى يستحمل لحد 8000 و هو نص تخليقى و علبته ذهبى بس ابن الجازمة الصنايعى حط الاربعة لتر كلهم قلتله يا عم هى بتاخد 3 و نص قعد يقولى الفلتر هياخد النص دا بس انا هبص عليها لما تبرد و هشيل الزيادة
بعد ما خلصنا الشغل طلعت اجرب الفرق مش كبير اولا و موضوع الrpm لسة بيعلى و يوطى مع التكييف قلتله طب نضف البوابة قالى شكلها نضيفة مش محتاجة و قعد يقولى التكييف دا راكب مش بتاعها قلتله يا عم ازاى بس هى ال99 كانت بتنزل مكيفة و بعدين حط العربية عالكومبيوتر قريت حساس الاكسجين و مسح العطل و قالى خلاص كدة فسيبته و مشيت من غير ما احل المشكلة اللى انا رايح عشانها و عايز ادور على حد يفهم فى كهربة العربية يعرف يظبط الموضوع دا
و عندى سؤال بسيط العربية بتاخد زيت فتيس كام؟ عشان اكشف عليه و ازوده
و هل فعلا البولو 99 كانت بتنزل فاضية يعنى التكييف دا متركب ولا الصلى بتاعها ؟
و زيت الموتور بتاخد كام لتر بالفلتر عشان انزل الزيادة و هل لو سيبت الزيادة دا غلط عالموتور ؟

**عبدالرحمن-جبر** · 02-08-2013 07:12 PM

المشاركة الأصلية كتبت بواسطة ra3d

الف مبروك يا باشا
انا بردو معايا بولو 1998 1000 سي سي و عندي نفس المشكلة و روحت لسيد عبده قالي هيا كدة عشان 1000 سي سي
حسيتو مش بيفهم فا لو لقيت حد عنده ضمير قولي انا من مصر الجديدة جنبك

انا برضه اللى روحتله برضه قعد يبرر و يقولى دا مش التكييف الاصلى بتاعها و معرفش يعملها و فالى ابقى اديها بنزين و انت واقف

**عبدالرحمن-جبر** · 02-08-2013 07:24 PM

المشاركة الأصلية كتبت بواسطة maged wahba

1000 مبروك على البولو وعقبالي
انا معايا جولف 2000 سي سي كنت بتعامل مع دكتور كهربائي مواتير في الحرافيين اسمه رشاد ت/ 01114195060
مشهور جدا جدا
مواعيدة من الساعه واحده بالليل لسابعة الصبح
وسؤال لان نفسي اجيب بولوا 2001
السحب عامل ايه وخاصة مع تشغيل التكييف

العربية سحبها كويس و هى وزنها خفيف كمان و التكييف بياثر عالسحب عالاول و التانى بس مش بيموتها اوى لكن عالسرعات العالية مش هتحس بيه و ادائه و التسقيع بيزيد بس انا لسة عندى مشكلة بقفل الكومبريسور و انا طالع و اولعه لما اجمع سرعة

**Mo Saleh** · 03-08-2013 12:58 AM

بتحصل معايا و دى من البنزين اللى مش نظيف
نظف البوابة و الحوار هيتظبط .. و للأسف المشكلة دى مالهاش حل غير تغيير البوابة
و مبروك عليك العربية :)

**عبدالرحمن-جبر** · 03-08-2013 02:20 AM

المشاركة الأصلية كتبت بواسطة mohamed_abboud

بتحصل معايا و دى من البنزين اللى مش نظيف
نظف البوابة و الحوار هيتظبط .. و للأسف المشكلة دى مالهاش حل غير تغيير البوابة
و مبروك عليك العربية :)

يعنى البوابة عمرها قصير و بتحتاج تتغير ولا فى نوع بوابة تانية افضل مع التكييف
و هل حضرتك عندك خلفية البولو ال99 بتنزل بتكييف ولا بيبقى متركب لان المهندس بيقولى التكييف بيبقى متركب و الكنترول بتاع العربية مش مستحمله و مش بيعلى الموتور لما بيشتغل بس انا الكلام دا مش داخل دماغى بس انا هحاول ان شاء الله انضفها بنفسى و اخلص

**ra3d** · 03-08-2013 02:42 AM

ياباشا انا المشكلة دي في الغالب اتحات عندي النهاردة حتيط stp منظف للانجكشن و حسيت بالفرق شوية
و بالنسبة للبولو 1999 في بينزل بور بس او تكيف و بس او فاضية
انا 1998 تكيف و بور و مركب زجاج كهرباء
بالمنسبة اسعار قطع الغيار غالية اوي لو من سيد عبده يبقي اكييد غالية و انا مجرب

**عبدالرحمن-جبر** · 03-08-2013 04:26 AM

المشاركة الأصلية كتبت بواسطة ra3d

ياباشا انا المشكلة دي في الغالب اتحات عندي النهاردة حتيط stp منظف للانجكشن و حسيت بالفرق شوية
و بالنسبة للبولو 1999 في بينزل بور بس او تكيف و بس او فاضية
انا 1998 تكيف و بور و مركب زجاج كهرباء
بالمنسبة اسعار قطع الغيار غالية اوي لو من سيد عبده يبقي اكييد غالية و انا مجرب

انا جبتها من فتح الباب فى شارع عملت فيها فنط و لفيت عند كذا واحد بتاع فولكس كله قالى روح لفتح الباب انا ان شاء الله هفضل ورا المشكلة دى لحد م اعرف اخرها ايه او المشكلة منين اهو اصل اكيد ليها حل انا كان فى بالى بعد ما انضف البوابة اخلط شوية 95 بالبنزين او احط منظف الانجكشن بس مخلى الحل دا للاخر و افهم من كلامك ان منزلش منها كاملة

ياما بور بس ياما تكييف بس طب ممكن اعرف حضرتك ايه اللى راكب عندك فبريكة ة ايه اللى حضرتك مزوده لان فى واحد قالى ان البور بيكون كهرباء و بيركب فى الدركسيون زى الكورسا ال1000 بس انا التعبت من فتى الصنايعية بصراحة