السلام عليكم ورحمة الله وبركاتة
ازيك يا شباب , كل عام وانتم بخير ,
عندي مشاكل فى العربيه هى كليو 2004 1200cc
1 - السياره وهى واقفه مؤشر rbm مبيثبتش كل شوية بينزل تحت واحيانا بتتكتم وعلى وشك انها تطفي . ولما ببتدي اطلع على الاول احيانا بتتطفى , بس لما بتمشى المؤشر بيظبط .
2- ريحة العادم سيئه وتحس ان فيها بنزين لم يحرق .
3- رحت غيرت طقم دبرياج وشيكت على العفشه وبعد ما خلصت طلع صوت جديد فى السياره من ادام صوت ونه بيختفى لما ادوس بنزين ولما برفع رجلى من على الدواسه بيظهر تانى .
4- مشكلة الحراره ( انا غيرت الكوع والترمستات فى الكوع من شهرين او اكتر ) ( مره من شهر زودت مياه فى القربه ونسيت اغطيها ومكتشفتش الا تانى يوم ) من اسبوع تقريبا كنت واقف ومشغل التكييف لقيت الحراره زادن ووصلت عند الشرطة الى قبل الاخيره رحت طافى السياره ورحت ابص على المروحه لقيتها شغاله وبعد شويه شغلت السياره ومشيت الحراره مظبوطه وبالليل وانا ماشي لقيت الحراره بتزيد ووصلت للشرطة القبل الاخيره وبعد بدقيقه راحت نازله تاني فى الطبيعي رحت لميكانيكى قالى العربيه واخده هواء وظبط الماء وقالي كده تمام بعد ما سبته ومشيت بربع ساعه رجعت الحراره تزيد تانى وترجع للطبيبعى رحت لميكانيكى تانى عمل نفس الى عمله الميكانيكى الاول فتح الردياتير وفتح غطاء الكوع وزود ماء فى القربه وقالى كده تمام وفضل دايس على البنزين والسياره واقفه علشان يشوف الحراره لقاها تمام خدتها ومشيت واتكرر نفس الموضوع رجعتله تانى قالي كده يبقا لازم تسلك الردياتير لانه شكله مسدود وبعد كده لو فضلت الحراره بتعلى يبقا كده طرمبه الماء فى مشكله .
الغريب فى الموضوع ان مؤشر الحراره بيطلع فى ثانيه وينزل بعدها على طول وكمان فى حاجه غريبه موضوع استهلاك البنزين زاد دلوقتى جدا لدرجة اني مشيت 320 كيلو ب 45 لتر تقريبا
--- انا الان مش عارف اعمل ايه اسلك الريدياتير ولا اجيب عبوة لتسليك الردياتير بتتباع فى محطات البنزين ولا اروح اسلكه عند واحد ويفكه ويسلك ولا ده عيب ايه ؟؟؟؟؟؟؟؟؟؟؟؟؟
نسيت اقول ان كل فتره الماء فى القربه بينقص حاجه بسيطه كل اسبوع تقريبا او اكثر