نازل الاسبوع الجي اجيب صني من احمد مرعي، اجيب شكل قديم ولا جديد؟؟

السلام عليكم
ازيكم يا وحوش
زي ما بيقول العنوان كدة نازل بامر الله اجيب الاسبوع الجي صني من احمد مرعي في اسكندرية
سالت بالتليفون وقالي الشكل الجديد استلام بعد شهرين ونازله ب109.5 والاستلام الفوري زيادة 3 بواكي
الشكل القديم عامل 112 استلام فوري على حسب اللون لو متوفر تستلم على طول، لو طلبت لون مختلف هتستني شهر

المهم الفرق ما بينهم مش كبير وانا محتار اجيب الجديد ولا القديم

كل اللي راكب الصني قالي خليك في القديم ملوش مشاكل
الجديد مليان عيوب
من فرامل لكاوتش بيلم ظلط لصاج ضعيف لثبات وحش لتكييف ضعيف الخخخخخ
دة من كلام ملاك للعربية الشكل الجديد

عيب الشكل القديم الوحيد انه عفا عليه الزمان وبقاله مدة في الشوارع زي اللانسر البومة كدة

بالنسبالي الشكل مش هيفرق في اي حاجة
انا كان معايا اوكتافيا 2005 وبعتها علشان فتحت بقا وفتيسها باظ، وقطع غيارها قسمت وسطي وانا راجل فاتح بيت
فكل اللي محتاجة في العربية اني احط بنزين وزيت وشكرا مش عاوز وجع قلب مع الصنايعية تاني
وحدود فلوسي 110 + او - 2 بالكتير
فياريت تفيدوني اجيب الشكل القديم ولا الجديد
مع اني ميال اكتر للقديم حاليا
وشكرا للشباب مقدما

والله انا كنت في التوكيل بتاع نيسان و سئلت مهندس صيانه هناك واعرفه معرفه شخصيه و سئلته السؤال ده و كان رده الشكل القديم احسن بس بصراحه استهلاكها في البنزين عالي شويه لو سواقتك رياضيه و بتقرص على الموتور

بص اكبر مشكله في الصني الجديد فراملها مش موضوع الصوت لا موضوع المشوار اللي محدش عارف يفسره هي بصراحه الفرامل بتقف و كل حاجه بس مش منطقي كل مره لما تدوس علي الفرامل تلاقيها بنتيجه شكل
في ناس بتقول ان نظام ال ba هو السبب و ان احنا لازم ندرب علبه
عموما محدش اشتكي انه جه يوقف العربيه و موقفتش بس في نفس الوقت كلنا قلقانين ان ده يحصل لو تعرف تبعد عن نيسان قديم او جديد يبقي احلي اصل برضه في واحد اشتري شكل قديم و طلعلتله شويه مشاكل غريبه بصراحه مش قادر اديك رأي نهائي لو تعرف تضغط علي نفسك و تجيب تيدا هترتاح

اقتباس:

---

المشاركة الأصلية كتبت بواسطة s0144862631

والله انا كنت في التوكيل بتاع نيسان و سئلت مهندس صيانه هناك واعرفه معرفه شخصيه و سئلته السؤال ده و كان رده الشكل القديم احسن بس بصراحه استهلاكها في البنزين عالي شويه لو سواقتك رياضيه و بتقرص على الموتور

---

مهما كان استهلاكها للبنزين مستحيل هيتقارن بالاوكتافيا
الاسكودا عامتا بتاكل بنزين ياما علشان وزنها وحجمها وخصوصا ال a5
والهبابة اللي عندي كانت بتخلص التفويلة في مشوارين تلاتة، فأكيد اي عربية تانية هيكون استهلاكها ببنزين ولا حاجة قصاد العك اللي انا كنت فيه

اقتباس:

---

المشاركة الأصلية كتبت بواسطة mmohamed15

بص اكبر مشكله في الصني الجديد فراملها مش موضوع الصوت لا موضوع المشوار اللي محدش عارف يفسره هي بصراحه الفرامل بتقف و كل حاجه بس مش منطقي كل مره لما تدوس علي الفرامل تلاقيها بنتيجه شكل
في ناس بتقول ان نظام ال ba هو السبب و ان احنا لازم ندرب علبه
عموما محدش اشتكي انه جه يوقف العربيه و موقفتش بس في نفس الوقت كلنا قلقانين ان ده يحصل لو تعرف تبعد عن نيسان قديم او جديد يبقي احلي اصل برضه في واحد اشتري شكل قديم و طلعلتله شويه مشاكل غريبه بصراحه مش قادر اديك رأي نهائي لو تعرف تضغط علي نفسك و تجيب تيدا هترتاح

---

والله صعب عليا ازود عن المبلغ دة
وقصادي اوبترا مانيوال بس خايف من موضوع السرقة بتاعها
وكدة كدة كل العربيات فيها مشاكل بس انا بدور على الافضل نسبيا في الحدود دي ونفس الفئة

خليك في الجديدة علشان التكنولوجيا بتعتها حديثة في توفير البنزين و الامان
فيها عوامل امان كتير جدا و مش موجودة في القديمة و كمان حرام تدفع فرق استلام فوري في الشكل القديم حوالي 10000 جنيها
دة مجرد راي و عاوزك تسال تاني

بصراحة اسواء شكل للنيسان شوفته فى حياتى هو الصنى الشكل الجديد خسارة فيه الفلوس الشكل القديم احلى بكتير جدا ده راى متواضع لى

اقتباس:

---

المشاركة الأصلية كتبت بواسطة احمد رشدي

السلام عليكم
ازيكم يا وحوش
زي ما بيقول العنوان كدة نازل بامر الله اجيب الاسبوع الجي صني من احمد مرعي في اسكندرية
سالت بالتليفون وقالي الشكل الجديد استلام بعد شهرين ونازله ب109.5 والاستلام الفوري زيادة 3 بواكي
الشكل القديم عامل 112 استلام فوري على حسب اللون لو متوفر تستلم على طول، لو طلبت لون مختلف هتستني شهر

المهم الفرق ما بينهم مش كبير وانا محتار اجيب الجديد ولا القديم

كل اللي راكب الصني قالي خليك في القديم ملوش مشاكل
الجديد مليان عيوب
من فرامل لكاوتش بيلم ظلط لصاج ضعيف لثبات وحش لتكييف ضعيف الخخخخخ
دة من كلام ملاك للعربية الشكل الجديد

عيب الشكل القديم الوحيد انه عفا عليه الزمان وبقاله مدة في الشوارع زي اللانسر البومة كدة

بالنسبالي الشكل مش هيفرق في اي حاجة
انا كان معايا اوكتافيا 2005 وبعتها علشان فتحت بقا وفتيسها باظ، وقطع غيارها قسمت وسطي وانا راجل فاتح بيت
فكل اللي محتاجة في العربية اني احط بنزين وزيت وشكرا مش عاوز وجع قلب مع الصنايعية تاني
وحدود فلوسي 110 + او - 2 بالكتير
فياريت تفيدوني اجيب الشكل القديم ولا الجديد
مع اني ميال اكتر للقديم حاليا
وشكرا للشباب مقدما

---

[SIZE="7"]ولا الشكل الجديد ولا الشكل القديم :10_1_104v[1]:
مع احترامى لكل ملاك الصنى الشكلين وانا واحد منهم بلاش
تحياتى

شوف بيجو 301 او كيا ريو
ممكن تزود شوية وشوف التيدا
لكن صني اليومين دول فيها عك جامد خصوصا في الاسعار اللي مزوداها المعارض عن سعر الشركة

بلاش الإتنين بص على التيدا و البيجو ال301 و الريو طبقاً لمتطلباتك من السيارة .

اسوأ تصميم للصنى بتاع السنه دى - والشكل الل قبلها كان البدايه لنزول مستوى المصممين لديهم و بانت قوى انهم مش عارفين يطوروا و خلوها شبه اللانسر من قدام- وجت السنه دى و باظت خالص و بقى شكلها شبه الدولفين وراح روح نسيان صنى للاسف - بقت تايهه وسط التصميمات
لو مش مصمم على نيسان - ممكن تفكر فى الريو فعلا
كيا ابتدت تعمل لنفسها شييب معين يحافظ على هويتها و الشيب اساسا شكله حلو جدا
لو مصمم على نيسان يبقى شكل قديم
تحياتى

بوص لو طلبت معاك صني انا معايا الشكل القديم 2011 بوص عربيه جميله بتحس بقوه المحرك و العربيه عاليه على المطبات و واسعه من جوه هو في ناس بتقول ضيقه شويه من ورا بس انا شيفها معقوله حوار الفرامل بتاع الجديده في ناس بتقول علشان فيها ba القديمه فيها ba و بضرو ممتازه ثبات اكثر من رائع بالرغم من ارتفاع العربيه بالنسبه لتمنها طبعا في ثبات اكتر من كده بكتير بس يكفي اك ممكن تبقى ماشي على 180 و حاسس بامان شوف عيوب النيسان القديمه الاتي و موش هتكلم على النيسان الجديده علشان مفتيش :
1- العزل مقبول هو موش حلو و موش وحش
2- شكلها قديم كلاسك يعني بس انا شيفها احلى من الجديده بحس انها شبه الضفضعه
3-صوت المحرك عالي شويه انا بحطلها زيت كاسترول بينعم صوتها عن موبيل و توتال انا حطيت 3 انواع دول بس كاسترول احسنهم
4-و ده عيب خطير معرفش اتصلح ولا لا الضفيره فيه عيب بيظهر بعد 38000 كم ان الماكنه بتعلق على السلانسيه بتعلى شويه حوالي 1500 لفه وده بيتصلح في التوكيل و موش هيظهر تاني
5-بتاكل بنزين شويه لو انت بتمشي على سرعت عاليه140 او 160او بتقفل العداد
6-العفش ناشفه شويه بس ده امر طبيعي علشان العربيه عاليه فمينفعش تبقى طريه هتحس انك راكب عوامه علشان كده العفشه ناشفه علشان تديك ثبات حلو بس الصراحه الطريق بيسمع في العربيه
و قبل كل ده نسيت اقول لحضرتك كل عام و حضرتك بخير رمضان كريم

لو مش هتقدر تجيب تيدا
يبقي الشكل القديم
مجرد رأي فقط ..

اقتباس:

---

المشاركة الأصلية كتبت بواسطة hano_elbeh

[size="7"]ولا الشكل الجديد ولا الشكل القديم :10_1_104v[1]:
مع احترامى لكل ملاك الصنى الشكلين وانا واحد منهم بلاش
تحياتى

---

طب بلاش لية يا باشا يا ريت تفيدنا لو عندك معلومة شاركنا بيها
واجيب اية ب110 لو بلاش الصني

اقتباس:

---

المشاركة الأصلية كتبت بواسطة ahmednaeem

شوف بيجو 301 او كيا ريو
ممكن تزود شوية وشوف التيدا
لكن صني اليومين دول فيها عك جامد خصوصا في الاسعار اللي مزوداها المعارض عن سعر الشركة

---

اقتباس:

---

المشاركة الأصلية كتبت بواسطة mohjarr

بلاش الإتنين بص على التيدا و البيجو ال301 و الريو طبقاً لمتطلباتك من السيارة .

---

غالي عليا يا باشا الاتنين
وانا حدودي 110 او 112 اخري
انا خسران في الاوكتافيا بتاع 25 الف

في موديلات تانية في الحدود دي غير الصني او حتى عربيات تانية ؟

اقتباس:

---

المشاركة الأصلية كتبت بواسطة mikology

اسوأ تصميم للصنى بتاع السنه دى - والشكل الل قبلها كان البدايه لنزول مستوى المصممين لديهم و بانت قوى انهم مش عارفين يطوروا و خلوها شبه اللانسر من قدام- وجت السنه دى و باظت خالص و بقى شكلها شبه الدولفين وراح روح نسيان صنى للاسف - بقت تايهه وسط التصميمات
لو مش مصمم على نيسان - ممكن تفكر فى الريو فعلا
كيا ابتدت تعمل لنفسها شييب معين يحافظ على هويتها و الشيب اساسا شكله حلو جدا
لو مصمم على نيسان يبقى شكل قديم
تحياتى

---

زي ما قولت للرجالة قبل كدة المشكلة في حدود فلوسي مش اكتر
ومش لاقي حاجة تانية اجيبها غير الصني في حدود 110

اقتباس:

---

المشاركة الأصلية كتبت بواسطة ahmed salah90

بوص لو طلبت معاك صني انا معايا الشكل القديم 2011 بوص عربيه جميله بتحس بقوه المحرك و العربيه عاليه على المطبات و واسعه من جوه هو في ناس بتقول ضيقه شويه من ورا بس انا شيفها معقوله حوار الفرامل بتاع الجديده في ناس بتقول علشان فيها ba القديمه فيها ba و بضرو ممتازه ثبات اكثر من رائع بالرغم من ارتفاع العربيه بالنسبه لتمنها طبعا في ثبات اكتر من كده بكتير بس يكفي اك ممكن تبقى ماشي على 180 و حاسس بامان شوف عيوب النيسان القديمه الاتي و موش هتكلم على النيسان الجديده علشان مفتيش :
1- العزل مقبول هو موش حلو و موش وحش
2- شكلها قديم كلاسك يعني بس انا شيفها احلى من الجديده بحس انها شبه الضفضعه
3-صوت المحرك عالي شويه انا بحطلها زيت كاسترول بينعم صوتها عن موبيل و توتال انا حطيت 3 انواع دول بس كاسترول احسنهم
4-و ده عيب خطير معرفش اتصلح ولا لا الضفيره فيه عيب بيظهر بعد 38000 كم ان الماكنه بتعلق على السلانسيه بتعلى شويه حوالي 1500 لفه وده بيتصلح في التوكيل و موش هيظهر تاني
5-بتاكل بنزين شويه لو انت بتمشي على سرعت عاليه140 او 160او بتقفل العداد
6-العفش ناشفه شويه بس ده امر طبيعي علشان العربيه عاليه فمينفعش تبقى طريه هتحس انك راكب عوامه علشان كده العفشه ناشفه علشان تديك ثبات حلو بس الصراحه الطريق بيسمع في العربيه
و قبل كل ده نسيت اقول لحضرتك كل عام و حضرتك بخير رمضان كريم

---

وحضرتك بالصحة والسلامة
كل العيوب دى بالنسبالي تمام ماعدا ضفيرة الكهربا ودج بدل هتتحل في الضمان خلاص مفيش مشاكل

اقتباس:

---

المشاركة الأصلية كتبت بواسطة s o p h o s

لو مش هتقدر تجيب تيدا
يبقي الشكل القديم
مجرد رأي فقط ..

---

وفعلا شكلها هترسي على كدة
الف شكر يا رجالة

ممكن تفكر في لوجان ب 90 الف اتوماتيك وخلي بئيت فلوس معاك مجرد رأي

سلامو عليكو
انا كان معايا صنى 2011 قعدت معايا تلات سينين و لسة بايعها ..... العربية مجملا كويسة جدا بالنسبة لسعرها بس العيب الاكبر ى النيسان القديمة الهفشة الى زى الزفت بيقولك عفشة ناشفة علشان تستحمل المطبات بس هية للاسف اقل ما يقال عليها انك طول ما انت ماشى بتتهبد و الى بيركب معاك بيتقرف من كتر الهبد و الرزع
فيه ملحوطة مهمة ان موديلات من بعد 2011 فيها حساس بنزين علشان العربية دى سفاحة بنزين بس برده مع الحساس استهلاكها عالى فى رأيى
انا لما اشتريتها كنت عاوز عربية زيك كده تكون زيرو و احط المفتاح فى العربية تدور و تمشى و مش عاوز مشاكل حساسات و لا كلام فاضى عاوز عربية تمشى كويس و تكيف كويس و اسافر بيها ماتعملش معايا مواقف مهببة و للامانة العربية كانت تمام و انا كنت محافظ على الصيانة بتاعتها
نصيحتى لو دى امكانياتك و عاوز عربية عملية و ةتقدر تستغنى عن الحبشتكانات الى بتشوفها فى العربيات التانية و تقعد اربع سنين زيت و بنزين هاتها و اتكل على الله

اقتباس:

---

المشاركة الأصلية كتبت بواسطة dr_ahmed80

سلام عليكم
انا كان معايا صنى 2011 قعدت معايا تلات سينين و لسة بايعها ..... العربية مجملا كويسة جدا بالنسبة لسعرها بس العيب الاكبر ى النيسان القديمة الهفشة الى زى الزفت بيقولك عفشة ناشفة علشان تستحمل المطبات بس هية للاسف اقل ما يقال عليها انك طول ما انت ماشى بتتهبد و الى بيركب معاك بيتقرف من كتر الهبد و الرزع
فيه ملحوطة مهمة ان موديلات من بعد 2011 فيها حساس بنزين علشان العربية دى سفاحة بنزين بس برده مع الحساس استهلاكها عالى فى رأيى
انا لما اشتريتها كنت عاوز عربية زيك كده تكون زيرو و احط المفتاح فى العربية تدور و تمشى و مش عاوز مشاكل حساسات و لا كلام فاضى عاوز عربية تمشى كويس و تكيف كويس و اسافر بيها ماتعملش معايا مواقف مهببة و للامانة العربية كانت تمام و انا كنت محافظ على الصيانة بتاعتها
نصيحتى لو دى امكانياتك و عاوز عربية عملية و ةتقدر تستغنى عن الحبشتكانات الى بتشوفها فى العربيات التانية و تقعد اربع سنين زيت و بنزين هاتها و اتكل على الله

---

لو على عيب نشوفية العفشة والبنزين سهلة
الاوكتافيا عندي عفشتا بروضو نشفة اوي
وغول بنزين علشان حجمها ووزنها
التفويلة بتخلصهم في 380 كيلو
ودي تفيولتها 55 لتر

ربنا يكرمك علي النصيحة ياباشا الف شكر

بص يا باشا احنا شعب عشري وبنحب اللي احنا اتعودنا عليه واللي متجرب زي ما بيقولوا....وجهة نظري ماتشتريش زيرو عربية الموديل بتاعها اتغير ونزل منه تصميم جديد ..خصوصا من متابعتي في المنتدي فهمت ان الشكل القديم بيتصنع دلوقتي في مصنع مصر بس ....الشكل الجديد مشكلته الاساسية الصاج ضعيف جدا و.مشكلة الفرامل..ودي التوكيل بيغيرها في الضمان....نصيحتي ليك لو عايز الشكل القديم شوفلك عربية كسر زيرو..بحالة نضيفة...تريحك في الاستخدام ومتخسركش كتير لما تبيع

لو معاك تزود ونجيب تيدا توكل ع الله لو ميكملش يبقي صني الشكل القديم كفايه ان العربيه موتور وفتيس وعفشه ياباني وكاوتشات بريدج استون ياباني صاج محمل وقوي جدا ثبات ممتاز من الاخر عربيه محترمه واعتماديه جدا قطع غيار منتشره سعر اعاده بيع كويس جدا والعربيه منتشره انتشار كبير وامكانياتها كويسه تكييف قوي بس طبعا هي مش احسن عربيه في السوق في احسن منها بس طبعا سعرها اعلي وزي مقلت لحضرتك معاك امكانيات تزود وتجيب تيدا يبقي افضل مش يكمل يبقي توكل علي الله وهاتها وربنا يوفقك للخير

لو غاوى نيسان يبقى خليك فى الشكل القديم احسن بكتير

انا معايا الشكل القديم 2010 بصراحة هى عربية ممتازة جدا وموتور قوى وثبات عالى جدا على السرعات العاليه وتكيفها تلاجه وانصحك بيها

مين فات قديمه تاااااااااااااااه خليك فى القديم زى ماقولتلك قبل كده على التليفون من حوالى شهرين ولا نسيتنى ؟

التيدا اول فئه سيدان ب 120 الف تقريبا وفيها abs+ebd+ba
واتنين ايرباج
توكل على الله ولو موجوده هاتها

قصه منقوله
من قسم تانى مش انا صاحب المشكله

ﺗﺠﺮﺑﺘﻲ ﻣﻊ ﺍﻟﺴﻴﺎﺭﺓ ﺷﻴﻔﻮﺭﻟﻴﻪ
ﺃﻭﺑﺘﺮﺍ :
ﻳﻮﻡ ﺍﻷﺭﺑﻊ ﺍﻟﻤﺎﺿﻲ ﺳﺎﻓﺮﺕ ﻟﻸﺳﻜﻨﺪﺭﻳﺔ ﻭﻧﺰﻟﺖ ﻋﻨﺪ
ﺃﺣﺪ ﺃﻗﺎﺭﺑﻲ ﻭﺭﻛﻨﺖ ﺍﻟﺴﻴﺎﺭﺓ ) ﺍﻟﺸﻴﻔﻮﺭﻟﻴﻪ ﺃﻭﺑﺘﺮﺍ
(2010 ﻭﻗﻔﻠﺖ ﺍﻟﺴﻨﺘﺮ ﻭﺳﻮﺟﺮﺕ ﺍﻟﻄﺎﺭﺓ ﻭﻛﻠﻪ ﺗﻤﺎﻡ
ﺍﻟﺘﻤﺎﻡ ﻭﻃﻠﻌﺖ ﺃﻧﺎﻡ .
ﻭﺑﻌﺪ ﺣﻮﺍﻟﻲ 4 ﺳﺎﻋﺎﺕ ﻧﺰﻟﺖ ﻭﺃﺫﺍ ﺑﺎﻟﻌﺮﺑﻴﺔ ﻣﺶ
ﻣﻮﺟﻮﺩﺓ ) ﻳﺎﻧﻬﺎﺭ ﺃﺳﻮﺩ .(
ﺯﻱ ﺃﻱ ﺣﺪ ﺟﺮﻳﺖ ﻋﻠﻰ ﺍﻟﻘﺴﻢ ﻋﻤﻠﺖ ﻣﺤﻀﺮ ﻭﺑﻠﻐﺖ
ﺍﻟﻨﺠﺪﺓ ﻭﻛﻞ ﻣﺎ ﻳﻠﺰﻡ ﻣﻦ ﺃﺟﺮﺍﺀﺍﺕ ﻗﺎﻧﻮﻧﻴﺔ .
ﺍﻟﻤﻬﻢ ﺩﻩ ﻛﻠﻪ ﻣﺎ ﻓﺎﺩﻧﻴﺶ ﺑﺤﺎﺟﺔ .
ﻭﺑﻌﺪ ﺍﻟﻔﻄﺎﺭ ﻟﻘﻴﺖ ﻭﺍﺣﺪ ﺑﻴﺘﺼﻞ ﺑﻴﺎ ) ﻷﻥ ﻋﻠﺒﺔ
ﺍﻟﻜﺮﻭﺕ ﺑﺘﺎﻋﺘﻲ ﻛﺎﻧﺖ ﻓﻲ ﺍﻟﻌﺮﺑﻴﺔ ( ﻭﺑﻴﻘﻮﻟﻲ ﻫﺎﺕ
35000ﺟﻢ ﻭﺧﺪ ﻋﺮﺑﻴﺘﻚ .
ﻭﺑﻌﺪ ﻣﻔﺎﻭﺿﺎﺕ ﻭﺻﻠﺖ ﻝ 15000ﺟﻢ ﻭﻏﺼﺐ ﻋﻨﻲ
ﺩﻓﻌﺘﻬﻢ ﻭﺍﻟﺤﻤﺪ ﻟﻠﻪ ﺃﺧﺪﺕ ﻋﺮﺑﻴﺘﻲ )ﻣﺘﻨﻔﻀﺔ( ﻣﻔﻴﺶ
ﺃﺳﺘﺒﻦ - ﻣﻔﻴﺶ ﻛﺎﺳﻴﺖ - ﻣﻔﻴﺶ ﻛﻮﺭﻳﻚ - ﻣﻔﻴﺶ
ﻛﻮﻧﺘﺎﻛﺖ - ﻣﻔﻴﺶ - ﻣﻔﻴﺶ - ﻣﻔﻴﺶ ........
ﻭﺩﻩ ﻃﺒﻌﺎ ﺑﻌﺪ ﻓﻴﻠﻢ ﻫﻨﺪﻱ ﺷﻮﻓﺘﻪ ﻓﻲ ﺍﻟﺘﻌﺎﻣﻞ ﻣﻊ
ﻋﺼﺎﺑﻪ ﺗﺤﺖ ﺗﻬﺪﻳﺪ ﺍﻟﺴﻼﺡ ) ﺍﻟﺤﻤﺪ ﻟﻠﻪ ﺃﻧﻬﻢ
ﻣﺎﻗﺘﻠﻮﻧﻴﺶ .(
ﻭﻫﻨﺎ ﺍﻟﻤﻔﺎﺟﺄﺓ!!!!!!!!!!!!!
ﺍﻟﻌﺮﺑﻴﺔ ﻣﺶ ﻣﻜﺴﻮﺭ ﺃﺯﺍﺯﻫﺎ ﺃﻭ ﻓﻴﻬﺎ ﺃﻱ ﻋﻼﻣﺎﺕ
ﻋﻨﻒ.
ﺟﺮﻳﺖ ﻋﻠﻰ ﺍﻟﺘﻮﻛﻴﻞ ﻭﺳﺄﻟﺖ ﺃﺯﺍﻱ ﺍﻟﻌﺮﺑﻴﺔ
ﺃﺗﻔﺘﺤﺖ؟؟؟؟
ﻭﺃﺯﺍﻱ ﺍﻷﻧﺰﺍﺭ ﻣﺎ ﺿﺮﺑﺶ؟؟؟؟
ﻭﺃﺯﺍﻱ ﺍﻟﻄﺎﺭﺓ ﺃﺗﻔﻜﺖ؟؟؟؟
ﻭﺃﺯﺍﻱ ﺍﻟﻌﺮﺑﻴﺔ ﺩﺍﺭﺕ؟؟؟؟
ﻭﺃﺫﺍ ﺑﺎﻟﺒﺎﺷﺎ ﻓﻲ ﺍﻟﺘﻮﻛﻴﻞ ﺑﻴﻘﻮﻟﻲ :
))) ﺍﻟﻌﺮﺑﻴﺔ ﻣﺎﻓﻴﻬﺎﺵ ﺃﻱ ﻭﺳﺎﺋﻞ
ﺃﻣﺎﻥ ﺿﺪ ﺍﻟﺴﺮﻗﺔ ﻭ ﺑﺘﺘﻔﺘﺢ ﺑﺄﻱ ﻣﻔﻚ
ﺭﻓﻴﻊ ﻭﺑﺘﺪﻭﺭ ﺑﻨﻔﺲ ﺍﻟﻤﻔﻚ ﻭﺩﻩ ﻛﻞ
ﻏﻴﺮ ﺳﻬﻮﻟﺔ ﺗﻌﻄﻴﻞ ﺍﻷﻧﺬﺍﺭ (((
ﻣﻦ ﺍﻷﺧﺮ ﺃﺳﻬﻞ ﻣﻦ ﺍﻝ 128 ﻓﻲ
ﺳﺮﻗﺘﻬﺎ .
ﻣﺶ ﺑﺨﻮﻓﻜﻢ ) ﺑﺲ ﻧﺼﻴﺤﺔ ﻣﻨﻲ ﻣﺤﺪﺵ ﻳﻔﻜﺮ ﻳﻀﻴﻊ
ﻓﻠﻮﺳﻪ ﻓﻲ ﻋﺮﺑﻴﺔ ﻳﺤﺰﻥ ﻋﻠﻴﻬﺎ ﺑﻌﺪ 5 ﺩﻗﺎﻳﻖ .(

ﻭﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻲ
ﻣﻨﺼﻮﺭ ﻭﺃﻟ
انا




بالنسبه الى انا كنت زيك كده من حوالى اربع او خمس شهور
وكان واحد صاحبى معاه نيسان الشكل القديم وكانت عجبانى جدأ
ركلبتها منه اتفرج بقى يا معلم
والناس كلها عارفه كده
طأره دلكسيون ناشفه جدأ لدرجه ان كل شويه اشيل ايدي واريح
عامله زي العربيه النصر النقل
العفشه ناشفه جدأ
المهم جبتت الجديده
استهلاك ببنزين بالنسبه للجديده الفرق ممش كتير

عاوز هات تيدا
او الشكل الجديد ح عيوبه فى صاجه الفرامل انت وتظبيطك

علي فكره في احد الاعضاء قال النيسان القديمه فيها ba لكن مش صحيح هي فيها abs بس
يعني موضوع طو لبدال الفرامل ده لازم نقارنه بعربيه فيها ba زي النيسان الجديد و برضه زي ما بقولك لو تعرف تجيب تيدا افضل و لو متعرفش اخرج من نيسان صني سواء قديم او جديد

اقتباس:

---

المشاركة الأصلية كتبت بواسطة mmohamed15

علي فكره في احد الاعضاء قال النيسان القديمه فيها ba لكن مش صحيح هي فيها abs بس
يعني موضوع طو لبدال الفرامل ده لازم نقارنه بعربيه فيها ba زي النيسان الجديد و برضه زي ما بقولك لو تعرف تجيب تيدا افضل و لو متعرفش اخرج من نيسان صني سواء قديم او جديد

---

معلش يا جماعه اسف الصني القديمه ال super saloon فيها ba انا اتأكدت من المعلومه و حبيت اصحح الخطأ

أنا يا أفندم كنت مكانك فى المقارنة دى من حوالى 9 شهور تقريبا . وحسمت الأختيار على شكل قديم أوتوماتيك 2013 لون رمادى فرش بيج وكانت على شهر 10 2012 عاملة 97 وأنتظرت حوالى شهر وأسبوع تقريبا . وأستلمت
المميزات . أحسن عربية فى السوق فى حدود السعر دة يعنى حاسس أنى أحسنت الأختيار . موتور قوى . عزل معقول . عفشة فعلا ناشفة شوية لكن دة يرجع كمان لشوارعنا الجميلة . بنزين مش حاسس أنة عالى قوى . صاج أقوى من الجديد . شكل سواء برة أو جوة أحلى من الجديد . السحب كويس . والثبات تمام . بطن العربية عالى ودة مهم علشان مطابتنا الجبلية
العيوب . كان فى تسريب فى الفريون وتم الأصلاح فى التوكيل كان فى عيب فى التجميع . ومن حوالى شهر ظهر عندى سخونة زيادة يعنى المؤشر كان هيعدى النصف وبعد الحوار مع التوكيل اكتشفنا أن العيب فى غطاء الردياتير قولت الحمدلله خدت العين والحمدلله كلة دلوقتى كويس

الشكل القديم بالسعر الرسمي موجود عند ifg وده موزع معتمد نيسان وليه فرعين في السويس والاسماعيليه هيقولك الاستلام بعد 3 شهور حد اقصي وهيجبهالك فعليا بعديها ب شهر هو بيقول 3 شهور بيامن نفسه علشان المشاكل. ولا تدفع اوفر برايس 10000 للتجار الجشعين.

انا كنت محتار زيك والحمدلله جبت الشكل القديم .عريبة تحفة .بصراحة مكنتش متخيل انها كده.الكوتشات برجستون ياباني.الفرامل رائعة جدا.مقارنة بالشكل الجديد. كوتشات معرفش ايه.

ممكن اعرف يا جماعة اجيب منين الشكل القديم فى القاهره بالسعر الرسمى

اقتباس:

---

المشاركة الأصلية كتبت بواسطة amr011111

التيدا اول فئه سيدان ب 120 الف تقريبا وفيها abs+ebd+ba
واتنين ايرباج
توكل على الله ولو موجوده هاتها

---

اقتباس:

---

المشاركة الأصلية كتبت بواسطة gold_777

قصه منقوله
من قسم تانى مش انا صاحب المشكله

ﺗﺠﺮﺑﺘﻲ ﻣﻊ ﺍﻟﺴﻴﺎﺭﺓ ﺷﻴﻔﻮﺭﻟﻴﻪ
ﺃﻭﺑﺘﺮﺍ :
ﻳﻮﻡ ﺍﻷﺭﺑﻊ ﺍﻟﻤﺎﺿﻲ ﺳﺎﻓﺮﺕ ﻟﻸﺳﻜﻨﺪﺭﻳﺔ ﻭﻧﺰﻟﺖ ﻋﻨﺪ
ﺃﺣﺪ ﺃﻗﺎﺭﺑﻲ ﻭﺭﻛﻨﺖ ﺍﻟﺴﻴﺎﺭﺓ ) ﺍﻟﺸﻴﻔﻮﺭﻟﻴﻪ ﺃﻭﺑﺘﺮﺍ
(2010 ﻭﻗﻔﻠﺖ ﺍﻟﺴﻨﺘﺮ ﻭﺳﻮﺟﺮﺕ ﺍﻟﻄﺎﺭﺓ ﻭﻛﻠﻪ ﺗﻤﺎﻡ
ﺍﻟﺘﻤﺎﻡ ﻭﻃﻠﻌﺖ ﺃﻧﺎﻡ .
ﻭﺑﻌﺪ ﺣﻮﺍﻟﻲ 4 ﺳﺎﻋﺎﺕ ﻧﺰﻟﺖ ﻭﺃﺫﺍ ﺑﺎﻟﻌﺮﺑﻴﺔ ﻣﺶ
ﻣﻮﺟﻮﺩﺓ ) ﻳﺎﻧﻬﺎﺭ ﺃﺳﻮﺩ .(
ﺯﻱ ﺃﻱ ﺣﺪ ﺟﺮﻳﺖ ﻋﻠﻰ ﺍﻟﻘﺴﻢ ﻋﻤﻠﺖ ﻣﺤﻀﺮ ﻭﺑﻠﻐﺖ
ﺍﻟﻨﺠﺪﺓ ﻭﻛﻞ ﻣﺎ ﻳﻠﺰﻡ ﻣﻦ ﺃﺟﺮﺍﺀﺍﺕ ﻗﺎﻧﻮﻧﻴﺔ .
ﺍﻟﻤﻬﻢ ﺩﻩ ﻛﻠﻪ ﻣﺎ ﻓﺎﺩﻧﻴﺶ ﺑﺤﺎﺟﺔ .
ﻭﺑﻌﺪ ﺍﻟﻔﻄﺎﺭ ﻟﻘﻴﺖ ﻭﺍﺣﺪ ﺑﻴﺘﺼﻞ ﺑﻴﺎ ) ﻷﻥ ﻋﻠﺒﺔ
ﺍﻟﻜﺮﻭﺕ ﺑﺘﺎﻋﺘﻲ ﻛﺎﻧﺖ ﻓﻲ ﺍﻟﻌﺮﺑﻴﺔ ( ﻭﺑﻴﻘﻮﻟﻲ ﻫﺎﺕ
35000ﺟﻢ ﻭﺧﺪ ﻋﺮﺑﻴﺘﻚ .
ﻭﺑﻌﺪ ﻣﻔﺎﻭﺿﺎﺕ ﻭﺻﻠﺖ ﻝ 15000ﺟﻢ ﻭﻏﺼﺐ ﻋﻨﻲ
ﺩﻓﻌﺘﻬﻢ ﻭﺍﻟﺤﻤﺪ ﻟﻠﻪ ﺃﺧﺪﺕ ﻋﺮﺑﻴﺘﻲ )ﻣﺘﻨﻔﻀﺔ( ﻣﻔﻴﺶ
ﺃﺳﺘﺒﻦ - ﻣﻔﻴﺶ ﻛﺎﺳﻴﺖ - ﻣﻔﻴﺶ ﻛﻮﺭﻳﻚ - ﻣﻔﻴﺶ
ﻛﻮﻧﺘﺎﻛﺖ - ﻣﻔﻴﺶ - ﻣﻔﻴﺶ - ﻣﻔﻴﺶ ........
ﻭﺩﻩ ﻃﺒﻌﺎ ﺑﻌﺪ ﻓﻴﻠﻢ ﻫﻨﺪﻱ ﺷﻮﻓﺘﻪ ﻓﻲ ﺍﻟﺘﻌﺎﻣﻞ ﻣﻊ
ﻋﺼﺎﺑﻪ ﺗﺤﺖ ﺗﻬﺪﻳﺪ ﺍﻟﺴﻼﺡ ) ﺍﻟﺤﻤﺪ ﻟﻠﻪ ﺃﻧﻬﻢ
ﻣﺎﻗﺘﻠﻮﻧﻴﺶ .(
ﻭﻫﻨﺎ ﺍﻟﻤﻔﺎﺟﺄﺓ!!!!!!!!!!!!!
ﺍﻟﻌﺮﺑﻴﺔ ﻣﺶ ﻣﻜﺴﻮﺭ ﺃﺯﺍﺯﻫﺎ ﺃﻭ ﻓﻴﻬﺎ ﺃﻱ ﻋﻼﻣﺎﺕ
ﻋﻨﻒ.
ﺟﺮﻳﺖ ﻋﻠﻰ ﺍﻟﺘﻮﻛﻴﻞ ﻭﺳﺄﻟﺖ ﺃﺯﺍﻱ ﺍﻟﻌﺮﺑﻴﺔ
ﺃﺗﻔﺘﺤﺖ؟؟؟؟
ﻭﺃﺯﺍﻱ ﺍﻷﻧﺰﺍﺭ ﻣﺎ ﺿﺮﺑﺶ؟؟؟؟
ﻭﺃﺯﺍﻱ ﺍﻟﻄﺎﺭﺓ ﺃﺗﻔﻜﺖ؟؟؟؟
ﻭﺃﺯﺍﻱ ﺍﻟﻌﺮﺑﻴﺔ ﺩﺍﺭﺕ؟؟؟؟
ﻭﺃﺫﺍ ﺑﺎﻟﺒﺎﺷﺎ ﻓﻲ ﺍﻟﺘﻮﻛﻴﻞ ﺑﻴﻘﻮﻟﻲ :
))) ﺍﻟﻌﺮﺑﻴﺔ ﻣﺎﻓﻴﻬﺎﺵ ﺃﻱ ﻭﺳﺎﺋﻞ
ﺃﻣﺎﻥ ﺿﺪ ﺍﻟﺴﺮﻗﺔ ﻭ ﺑﺘﺘﻔﺘﺢ ﺑﺄﻱ ﻣﻔﻚ
ﺭﻓﻴﻊ ﻭﺑﺘﺪﻭﺭ ﺑﻨﻔﺲ ﺍﻟﻤﻔﻚ ﻭﺩﻩ ﻛﻞ
ﻏﻴﺮ ﺳﻬﻮﻟﺔ ﺗﻌﻄﻴﻞ ﺍﻷﻧﺬﺍﺭ (((
ﻣﻦ ﺍﻷﺧﺮ ﺃﺳﻬﻞ ﻣﻦ ﺍﻝ 128 ﻓﻲ
ﺳﺮﻗﺘﻬﺎ .
ﻣﺶ ﺑﺨﻮﻓﻜﻢ ) ﺑﺲ ﻧﺼﻴﺤﺔ ﻣﻨﻲ ﻣﺤﺪﺵ ﻳﻔﻜﺮ ﻳﻀﻴﻊ
ﻓﻠﻮﺳﻪ ﻓﻲ ﻋﺮﺑﻴﺔ ﻳﺤﺰﻥ ﻋﻠﻴﻬﺎ ﺑﻌﺪ 5 ﺩﻗﺎﻳﻖ .(

ﻭﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻲ
ﻣﻨﺼﻮﺭ ﻭﺃﻟ
انا




بالنسبه الى انا كنت زيك كده من حوالى اربع او خمس شهور
وكان واحد صاحبى معاه نيسان الشكل القديم وكانت عجبانى جدأ
ركلبتها منه اتفرج بقى يا معلم
والناس كلها عارفه كده
طأره دلكسيون ناشفه جدأ لدرجه ان كل شويه اشيل ايدي واريح
عامله زي العربيه النصر النقل
العفشه ناشفه جدأ
المهم جبتت الجديده
استهلاك ببنزين بالنسبه للجديده الفرق ممش كتير

عاوز هات تيدا
او الشكل الجديد ح عيوبه فى صاجه الفرامل انت وتظبيطك

---

اقتباس:

---

المشاركة الأصلية كتبت بواسطة mmohamed15

علي فكره في احد الاعضاء قال النيسان القديمه فيها ba لكن مش صحيح هي فيها abs بس
يعني موضوع طو لبدال الفرامل ده لازم نقارنه بعربيه فيها ba زي النيسان الجديد و برضه زي ما بقولك لو تعرف تجيب تيدا افضل و لو متعرفش اخرج من نيسان صني سواء قديم او جديد

---

اقتباس:

---

المشاركة الأصلية كتبت بواسطة mmohamed15

معلش يا جماعه اسف الصني القديمه ال super saloon فيها ba انا اتأكدت من المعلومه و حبيت اصحح الخطأ

---

اقتباس:

---

المشاركة الأصلية كتبت بواسطة مانويل مايكل

أنا يا أفندم كنت مكانك فى المقارنة دى من حوالى 9 شهور تقريبا . وحسمت الأختيار على شكل قديم أوتوماتيك 2013 لون رمادى فرش بيج وكانت على شهر 10 2012 عاملة 97 وأنتظرت حوالى شهر وأسبوع تقريبا . وأستلمت
المميزات . أحسن عربية فى السوق فى حدود السعر دة يعنى حاسس أنى أحسنت الأختيار . موتور قوى . عزل معقول . عفشة فعلا ناشفة شوية لكن دة يرجع كمان لشوارعنا الجميلة . بنزين مش حاسس أنة عالى قوى . صاج أقوى من الجديد . شكل سواء برة أو جوة أحلى من الجديد . السحب كويس . والثبات تمام . بطن العربية عالى ودة مهم علشان مطابتنا الجبلية
العيوب . كان فى تسريب فى الفريون وتم الأصلاح فى التوكيل كان فى عيب فى التجميع . ومن حوالى شهر ظهر عندى سخونة زيادة يعنى المؤشر كان هيعدى النصف وبعد الحوار مع التوكيل اكتشفنا أن العيب فى غطاء الردياتير قولت الحمدلله خدت العين والحمدلله كلة دلوقتى كويس

---

اقتباس:

---

المشاركة الأصلية كتبت بواسطة ramylanos

الشكل القديم بالسعر الرسمي موجود عند ifg وده موزع معتمد نيسان وليه فرعين في السويس والاسماعيليه هيقولك الاستلام بعد 3 شهور حد اقصي وهيجبهالك فعليا بعديها ب شهر هو بيقول 3 شهور بيامن نفسه علشان المشاكل. ولا تدفع اوفر برايس 10000 للتجار الجشعين.

---

اقتباس:

---

المشاركة الأصلية كتبت بواسطة lol656

انا كنت محتار زيك والحمدلله جبت الشكل القديم .عريبة تحفة .بصراحة مكنتش متخيل انها كده.الكوتشات برجستون ياباني.الفرامل رائعة جدا.مقارنة بالشكل الجديد. كوتشات معرفش ايه.

---

الف شكر يا رجالة على كل واحد قدملي نصيحة بخصوص الصني
الحمد لله استلمتها النهاردا
http://www.nilemotors.net/Nile/37238...post3875124122

اقتباس:

---

المشاركة الأصلية كتبت بواسطة khaledshaheen

مين فات قديمه تاااااااااااااااه خليك فى القديم زى ماقولتلك قبل كده على التليفون من حوالى شهرين ولا نسيتنى ؟

---

استاذ خالد
لا طبعا منسيتكش
عامل اية يا كبير
خلاص استلمتها النهاردا وعملت بنصيحتك
الف شكر ليك ولكل رجالة المنتدي
http://www.nilemotors.net/Nile/37238...post3875124122