نازل الاسبوع الجي اجيب صني من احمد مرعي، اجيب شكل قديم ولا جديد؟؟

**A.Roushdy** · 30-07-2013 01:19 AM

السلام عليكم
ازيكم يا وحوش
زي ما بيقول العنوان كدة نازل بامر الله اجيب الاسبوع الجي صني من احمد مرعي في اسكندرية
سالت بالتليفون وقالي الشكل الجديد استلام بعد شهرين ونازله ب109.5 والاستلام الفوري زيادة 3 بواكي
الشكل القديم عامل 112 استلام فوري على حسب اللون لو متوفر تستلم على طول، لو طلبت لون مختلف هتستني شهر

المهم الفرق ما بينهم مش كبير وانا محتار اجيب الجديد ولا القديم

كل اللي راكب الصني قالي خليك في القديم ملوش مشاكل
الجديد مليان عيوب
من فرامل لكاوتش بيلم ظلط لصاج ضعيف لثبات وحش لتكييف ضعيف الخخخخخ
دة من كلام ملاك للعربية الشكل الجديد

عيب الشكل القديم الوحيد انه عفا عليه الزمان وبقاله مدة في الشوارع زي اللانسر البومة كدة

بالنسبالي الشكل مش هيفرق في اي حاجة
انا كان معايا اوكتافيا 2005 وبعتها علشان فتحت بقا وفتيسها باظ، وقطع غيارها قسمت وسطي وانا راجل فاتح بيت
فكل اللي محتاجة في العربية اني احط بنزين وزيت وشكرا مش عاوز وجع قلب مع الصنايعية تاني
وحدود فلوسي 110 + او - 2 بالكتير
فياريت تفيدوني اجيب الشكل القديم ولا الجديد
مع اني ميال اكتر للقديم حاليا
وشكرا للشباب مقدما

**s0144862631** · 30-07-2013 01:53 AM

والله انا كنت في التوكيل بتاع نيسان و سئلت مهندس صيانه هناك واعرفه معرفه شخصيه و سئلته السؤال ده و كان رده الشكل القديم احسن بس بصراحه استهلاكها في البنزين عالي شويه لو سواقتك رياضيه و بتقرص على الموتور

**mmohamed15** · 30-07-2013 02:11 AM

بص اكبر مشكله في الصني الجديد فراملها مش موضوع الصوت لا موضوع المشوار اللي محدش عارف يفسره هي بصراحه الفرامل بتقف و كل حاجه بس مش منطقي كل مره لما تدوس علي الفرامل تلاقيها بنتيجه شكل
في ناس بتقول ان نظام ال ba هو السبب و ان احنا لازم ندرب علبه
عموما محدش اشتكي انه جه يوقف العربيه و موقفتش بس في نفس الوقت كلنا قلقانين ان ده يحصل لو تعرف تبعد عن نيسان قديم او جديد يبقي احلي اصل برضه في واحد اشتري شكل قديم و طلعلتله شويه مشاكل غريبه بصراحه مش قادر اديك رأي نهائي لو تعرف تضغط علي نفسك و تجيب تيدا هترتاح

**A.Roushdy** · 30-07-2013 03:01 AM

المشاركة الأصلية كتبت بواسطة s0144862631

والله انا كنت في التوكيل بتاع نيسان و سئلت مهندس صيانه هناك واعرفه معرفه شخصيه و سئلته السؤال ده و كان رده الشكل القديم احسن بس بصراحه استهلاكها في البنزين عالي شويه لو سواقتك رياضيه و بتقرص على الموتور

مهما كان استهلاكها للبنزين مستحيل هيتقارن بالاوكتافيا
الاسكودا عامتا بتاكل بنزين ياما علشان وزنها وحجمها وخصوصا ال a5
والهبابة اللي عندي كانت بتخلص التفويلة في مشوارين تلاتة، فأكيد اي عربية تانية هيكون استهلاكها ببنزين ولا حاجة قصاد العك اللي انا كنت فيه

**A.Roushdy** · 30-07-2013 03:05 AM

المشاركة الأصلية كتبت بواسطة mmohamed15

بص اكبر مشكله في الصني الجديد فراملها مش موضوع الصوت لا موضوع المشوار اللي محدش عارف يفسره هي بصراحه الفرامل بتقف و كل حاجه بس مش منطقي كل مره لما تدوس علي الفرامل تلاقيها بنتيجه شكل
في ناس بتقول ان نظام ال ba هو السبب و ان احنا لازم ندرب علبه
عموما محدش اشتكي انه جه يوقف العربيه و موقفتش بس في نفس الوقت كلنا قلقانين ان ده يحصل لو تعرف تبعد عن نيسان قديم او جديد يبقي احلي اصل برضه في واحد اشتري شكل قديم و طلعلتله شويه مشاكل غريبه بصراحه مش قادر اديك رأي نهائي لو تعرف تضغط علي نفسك و تجيب تيدا هترتاح

والله صعب عليا ازود عن المبلغ دة
وقصادي اوبترا مانيوال بس خايف من موضوع السرقة بتاعها
وكدة كدة كل العربيات فيها مشاكل بس انا بدور على الافضل نسبيا في الحدود دي ونفس الفئة

**beshoyyy** · 30-07-2013 09:37 AM

خليك في الجديدة علشان التكنولوجيا بتعتها حديثة في توفير البنزين و الامان
فيها عوامل امان كتير جدا و مش موجودة في القديمة و كمان حرام تدفع فرق استلام فوري في الشكل القديم حوالي 10000 جنيها
دة مجرد راي و عاوزك تسال تاني

**Gamal.Eid** · 30-07-2013 09:52 AM

بصراحة اسواء شكل للنيسان شوفته فى حياتى هو الصنى الشكل الجديد خسارة فيه الفلوس الشكل القديم احلى بكتير جدا ده راى متواضع لى

**HaNo_ELBeh** · 30-07-2013 10:15 AM

المشاركة الأصلية كتبت بواسطة احمد رشدي

السلام عليكم
ازيكم يا وحوش
زي ما بيقول العنوان كدة نازل بامر الله اجيب الاسبوع الجي صني من احمد مرعي في اسكندرية
سالت بالتليفون وقالي الشكل الجديد استلام بعد شهرين ونازله ب109.5 والاستلام الفوري زيادة 3 بواكي
الشكل القديم عامل 112 استلام فوري على حسب اللون لو متوفر تستلم على طول، لو طلبت لون مختلف هتستني شهر

المهم الفرق ما بينهم مش كبير وانا محتار اجيب الجديد ولا القديم

كل اللي راكب الصني قالي خليك في القديم ملوش مشاكل
الجديد مليان عيوب
من فرامل لكاوتش بيلم ظلط لصاج ضعيف لثبات وحش لتكييف ضعيف الخخخخخ
دة من كلام ملاك للعربية الشكل الجديد

عيب الشكل القديم الوحيد انه عفا عليه الزمان وبقاله مدة في الشوارع زي اللانسر البومة كدة

بالنسبالي الشكل مش هيفرق في اي حاجة
انا كان معايا اوكتافيا 2005 وبعتها علشان فتحت بقا وفتيسها باظ، وقطع غيارها قسمت وسطي وانا راجل فاتح بيت
فكل اللي محتاجة في العربية اني احط بنزين وزيت وشكرا مش عاوز وجع قلب مع الصنايعية تاني
وحدود فلوسي 110 + او - 2 بالكتير
فياريت تفيدوني اجيب الشكل القديم ولا الجديد
مع اني ميال اكتر للقديم حاليا
وشكرا للشباب مقدما

[SIZE="7"]ولا الشكل الجديد ولا الشكل القديم

مع احترامى لكل ملاك الصنى الشكلين وانا واحد منهم بلاش
تحياتى