الموضوع: بدي بلف فتيس الاوكتافيا، قدر مفيش مفر منه

السلام عليكم ورحمة الله
زي ما العنوان بيقول يا رجالة

قبل ما اجيب الاوكتافيا مسمعتش خالص عن موضوع البدي بلف دة عندي

لحد وقت ما جيت ابيعها
كل ما اروح لتاجر او اجانس او زبون ييجي يشوفها يقولي نفس الكلمة
العربية دى فيها بدي بلف
في الاول كنت بقول لا لكل الناس
وروحت كشفت كمبيوتر وقالي اكتر من واحد مش مسجلة بدي بلف في الكشف
بعدها بدا كذا تاجر ييجي يشوفها يقولي فيها
وكل واحد يقولي علامة او حاجة معينة بتحصل بتتدل على ان الفتيس بتاعها فيه بدي بلف

وطبعا دة مبيغنيش عن فتي الصنيعية لكل واحد اروحله وانه طقم البدي بلف ب10 الاف جنية
والفيس مش بيعيش سنة ولا سنة ونص بعد تغيير البدي بلف وبيبوظ خالص وبتضطر تجيب فتيس جديد

بس الاكيد حاليا ان العربية انا متأكد بنسبة 90% ان فيها بدي بلف
ياتري حد يعرف له علاج ولا لازم اغيره
وهل هو فعلا ب10 الاف جنية ولا مجرد فتي صنيعية
وكنت سمعت من كذا تاجر انه نازل عيب مصنع في موديلات 2005 و6 و 7 وبييجي للعربية فوق ال100 الف كيلو مهما كان استخدامك ليها
هل الكلام دة فعلا حقيقي واتصرف ازاي في الوقت الحالي لاني خلاص هبيعها قريب