مفيش صيانة في الاوكتافيا قبل 10000 كيلو

**lawyer2006** · 16-12-2008 02:03 PM

اتصلت بمركز الخدمه بتاع ارتوك اوتو عشان احجز صيانة اول 1500 كيلو لعربيتي رد عليا المهندس الهناك وقالي ان اول صيانه بعد 10000 عشر الاف كيلو وان العربيه متلينه جاهزه وبيتعملها صيانه كامله قبل تسليمها للمعرض او الوكيل قبل البيع يعني بصراحه مقتنعتش اتصلت بقريب لي يعرف مهندس في التوكيل معرفه شخصيه كلمناه علي موبيله اكدلي المعلومه تماما وقالي ان العربيه فيها زيت يعمل 15000 كيلو واحنا بنقول تغير بعد 10000 زيادة امان وان العربيه فعلا متلينه في المصنع جاهزه ونصحني اني بعد ماعمل اول 300 كيلو ابداء افتح الموتور شويه شويه عشان تبداء العربيه تدي احسن اداء ليها سئلتو كمان عن مشكلة بخر الزيت السبق وعرضتها في المنتدي وهي وجود اثار للزيت علي الغطاء الاسود الموجود اعلي الموتور قالي ده بخر زيت عادي وانه مش تسريب ولو حصل انه زاد بيكون محتاج طربيط علي غطاء الموتور مش اكتر الجميل انه قالي سوق عربيك عادي واستمتع وانا الكنت ماشي عمال احسس عليها وكل يوم اعمل 50 كيلو في طريق سريع علي سرعات من 70 الي 90 لما اتزليت علي العموم الحمد الله وحبيت انقلكم المعلومه لافادة فقط وشكرا ليكم واسف علي الاطالة

**mohameduoser** · 16-12-2008 06:51 PM

كلام سليم اول صيانة بعد 10000

**sarhan_game** · 17-12-2008 01:05 AM

هم فى الأسكندريه عند نور الدين الشريف قالى فى 5000 و انا لسه مكملتمش

**crazylambada** · 17-12-2008 01:55 AM

5000 ملهاش اي لازمة
صيانة ال10000 علطول
و لوعربيةحضرتك تبع التوكيل
حتبقى الصيانة ببلاش

**sarhan_game** · 17-12-2008 02:08 AM

أنا رحت صيانه 1500 و معملش حاجه غير ذود مياه حمراء و دفعت 5 جنيه بس و قالى الزيت فى 5000 كم عربيتى تبع التوكيل

**crazylambada** · 17-12-2008 02:20 AM

قصدك ميه بمبى
دي مية الردياتير
و ملهاش اي لازمة اللي حصل
و الله اعلم

**lawyer2006** · 17-12-2008 12:47 PM

انا اتصلت بمركز خدمة ارتوك اوتو نفسه يعني التوكيل مش مركز صيانه معتمد واعتقد ان كلامهم موثوق فيه اكتر من اي مركزخدمه معتمد خاصة ان مراكز الخدمه مش هتفرق معاه حاجه ده بيدور علي الربح يعني ممكن يعملك صيانة علي 1500 كمان ويغيرلك الزيت والفلتر وكل شيء مش هتدفع يبقي مفيش مشكله علي العموم انا راي انكم تتصلو بمركز الخدمه وتتاكدو من المعلومه تلفونه 02:24844926 وياريت تفيدونا بعد كده واتاكدو من موضوع ان العربيه متلينه جاهزه القالوه وشكرا

**Ahmed.kamel** · 17-12-2008 10:56 PM

أ/ lawyer هي عربيتك ال A5 انهي فئه وسؤال في ناس بتقول الهاف اوبشن 2 ايرباجز وناس تانيه عندها أصرار انها 4 ايرباجز انهي الصح فيهم واللي بيقول انهم 4 دول فين بضبط