الموضوع: مشكلة في تكييف فيكترا سي

المشاركة الأصلية كتبت بواسطة ashourashour

خد عندك

1-لو دوست عالبكره اللي في النص للداخل هتظهرلك عالشاشه قائمه لضبط التكييف فيها اوبشنز كتير جدا
منها تشغيل او فصل الكمبرسور
مخارج الهواء
تغيير سرعات المروحه بسرعه ولا تدريجي براحه

2- لو الجمبين درجات الحراره المظبوطه مختلفه .. بضغطه على البكره الشمال لجوه هتخلي درجه حراره الجنب اليمين تظبط زي الشمال بتكه واحده

زي دي كدا بس من غير الوان طبعا.

vectra c ac - youtube

ما شاء الله عليك يا عاشور باشا تسلم ايدك
انا كنت هتجنن مش عارف اظبطها

المشاركة الأصلية كتبت بواسطة nagy wassef

انا رحت شحنت و كبست امبارح مفيش حاجة سربت من بره
و قاللى امشى بيها كام. يوم ازا سربت تبقى ثلاجة التكييف هى اللى بتسرب
و التكييف دلوقتى عادى مش تلج بس مش بعرق منه
هل الكلام ده مظبوط ولا ايه
ولا المشكلة فى بوابات ولا حساسات ولا ايه
الكويل التايلاندى ب 1800
التايوانى 1450
اعمل ايه؟ انا خلاص قرفت من العربية ديه

معلش يا استاذ ناجي هدي نفسك
هو حضرتك شحنت في التوكيل ولا برة
انا شايف ان حضرتك توديه التوكيل وتكشف وهم هيقولولك فيها ايه وبلاش تسلمها لصنايعية برة علشان مايبهدلوهاش

استاذ ناجي بصراحه انا مش عارف اه دخل صوت صفاره انسداد مسالك خروج الهواء بشحن التكييف !

من جهه الفكترا سي بتجيب تلاجه فهي بتجيب تلاجخ واوعى حد يقولك بتفكلها تابلوه ولا حتى كونسول

لكن انت قلت ان ناحيتك كان هوا ساقع بجد !

طيب صوت الصفاره والانسداد والهواء الضعيف كل دا بقى تمام ؟؟؟؟؟


الاهم من دا كله العربيه كانت ناقصه فريون اضلا ؟؟؟ وكانت ناقصه اد اه ؟؟؟ ولا هوا هري و بهدله و فلوس عالفاضي ؟

المشاركة الأصلية كتبت بواسطة ashourashour

استاذ ناجي بصراحه انا مش عارف اه دخل صوت صفاره انسداد مسالك خروج الهواء بشحن التكييف !

من جهه الفكترا سي بتجيب تلاجه فهي بتجيب تلاجخ واوعى حد يقولك بتفكلها تابلوه ولا حتى كونسول

لكن انت قلت ان ناحيتك كان هوا ساقع بجد !

طيب صوت الصفاره والانسداد والهواء الضعيف كل دا بقى تمام ؟؟؟؟؟


الاهم من دا كله العربيه كانت ناقصه فريون اضلا ؟؟؟ وكانت ناقصه اد اه ؟؟؟ ولا هوا هري و بهدله و فلوس عالفاضي ؟

هو ده اللي انا اقصدة يا عاشور. ان الصنايعي برة لو مش فاهم ممكن يخرب
استاذ ناجي. لو حضرتك قريب من جسر السويس. ممكن تحاول تروح تكشف عليه في ديافيا. هم عندهم ناس كويسة. انا عملت التكييف بتاع الفيكترا بي بتاعتي عندهم وهم بعتوني لناس تانيين اركب الشجرة واعمل طقم اصلاح للكباس في الشيراتون وبعد كدة رجعتلهم شحنت عندهم. والتكييف لغاية دلوقتي شغال بقاله 4 سنين زي الفل الحمد لله.
ولو فكرت حضرتك تروح منصور الهرم بلغني ونروح مع بعض علشان اتعرف عليك واشوف المشكلة اللي عندي برضو في الفيكترا سي

رحت عند مين ؟

المشاركة الأصلية كتبت بواسطة nagy wassef

باشمهندس عاشور
بعد اسبوع استخدام الصفارة ظهرت تاني و التكيف ابتدي يرجع ضعيف تاني
و بردوا اللي جنبي قوية
ملحوظة: الصفارة بتظهر اول ما اشغل التكييف فقط

ممممم

كدا للاسف 90% تلاجه ...

صوت الصفاره ده صوت الفريون لما بيكون قليل جدا
معلش بس متقلقش التلاجه بتتغير بدون فك التابلو بتخرج من مكان الدرج