زهقت من مشاكل الكهربه !!!!!!

**hamid20** · 30-07-2013 10:32 PM

العربية لادا 2107
مره بطارية ومره دينامو ومره مارش
ودلوقتى الكهربائى بيقولى البطارية فيها ربع ضارب مع ان لمبة البطارية سليمة يعنى اول ما اشغل البعربية بتطفى .
المشكلة انى لما بدور باسمع تكه وخلاص وساعات باسمع المارش بيلف بس بطئ ومبتدورش.
المهم لما قالى ان فى ربع ضارب دورت العربية وفتحت الاغطية بتاعة البطارية وملقتش الماء بيغلى فى اى عين من البطارية فشكيت ان البطارية سليمة واتأكدت بكده بلمبة البطارية .
فصلت الارضى بتاع البطارية والعربية فضلت شغالة يعنى الدينامو شغال ومش عارف المشكلة فين .
ياريت اللى عنده حل يقولى لانى زهقت بجد

**hugan** · 31-07-2013 12:19 AM

غير الكهربائي بواحد نضيف
وماتلجائش لللمسكنات
شيل الضفيره وغيرها بواحده نضيفه
هاتكلفك شويه لكن افضل من شغل الترقيع
المهم الكهربائي يكون صنايعي نضيف وعنده ضمير

**aw2100** · 31-07-2013 12:24 AM

المشاركة الأصلية كتبت بواسطة hamid20

العربية لادا 2107
مره بطارية ومره دينامو ومره مارش
ودلوقتى الكهربائى بيقولى البطارية فيها ربع ضارب مع ان لمبة البطارية سليمة يعنى اول ما اشغل البعربية بتطفى .
المشكلة انى لما بدور باسمع تكه وخلاص وساعات باسمع المارش بيلف بس بطئ ومبتدورش.
المهم لما قالى ان فى ربع ضارب دورت العربية وفتحت الاغطية بتاعة البطارية وملقتش الماء بيغلى فى اى عين من البطارية فشكيت ان البطارية سليمة واتأكدت بكده بلمبة البطارية .
فصلت الارضى بتاع البطارية والعربية فضلت شغالة يعنى الدينامو شغال ومش عارف المشكلة فين .
ياريت اللى عنده حل يقولى لانى زهقت بجد

لما المارش بيدور بطئ الأنوار بتضعف قوى لو بتضعف يبقى عيب بطارية جرب تشحنها الأول ولو مدورتش كويس انصحك تشترى بطارية جافة بتقعد 3 سنوات ولا تزود مية ولا اى حاجة وربنا يقويك !!