شوقتنا يا أدهم يا صبرى.
هههههههههههه
طيب خلاص انا مش هقولك على التالتة
انى بركب اضاءة لدرج التابلوة تشتغل مع النور الصغير لكن متنورش الا لما تفتح درج التابلوة (بتنور تلقائى) ولما تقفل الدرج تطفى تلقائى لوحدها
بس دى بالنسبة ليا كلام فاضى مش اختراع يعنى
الكلام دلوقتى على فلتر التكييف
وبعدين (بعد العيد) تنضيف التلاجة بدون فك علبة التلاجة والعذاب المرافق ليها
هو فعلا فية بوابة بتتحرك فى المكان دة عشان تتحكم فى مكان دخول الهوا لبداية دورة التكييف
وبما انك اقترحت المكان فهيبقى عندنا شوية ملاحظات
اولا ان الشبكة اللى انت شايفها دى ومعلم عليها دى مبتتفكش (بس دى مش مشكلة)
هفكر معاك بصوت عالى واقول ان احنا ممكن نشيل الشبكة خالص (مثلا يعنى)
وهنحط الفلتر فوق المروحة وتحت الباب المتحرك
طيب
هحتاج منك انك تمسك الزرار دة وتحركة يمين وشمال
http://i1357.photobucket.com/albums/...ps10e73b0d.jpg
وتبص على الباب وهو بيعدى من الحتة دى
http://i1357.photobucket.com/albums/...ps5c8130d5.jpg
http://i1357.photobucket.com/albums/...ps90fbc35c.jpg
وتقولى اية ملاحظاتك
واقتراحاتك
وفى نفس الوقت متهملش التفكير فى مقاسات الفلتر
ومستنيك
انا مش قدامي العربية بس فهمتك
قصدك ان البوابة بتمسح المكان اللي انا معلم عليه لما تتحرك
يعني مفيش اي فرق بين البوابة والمروحة؟
لو مفيش فهلا زي ما متوقع من سؤالك.. يبفي الفلتر يتعمل دائري بقطر فتحة المروحة وبارتفاع من سطح المروحة للبوابة
هنقول ان احنا عملنا الفلتر دائرى زى ما انت بتقول
هيبقى عندنا اكتر من عقبة:
1- هيتثبت ازاى
2 - هيبقى قريب قوى من المروحة ومن الريش بتاعتها فأحتمال انة يحتك بالريش ويكسرها وارد جدا مع المطبات
3- المرواح دى ليها قوة شفط مركزية عالية فهتسحب الخامة بتاعة الفلتر لتحت بشدة وانا بقولك على المعلومة دى من واقع تجارب متعددة مع المروحة دى
4 - لو بصيت للصورة كويس هتلاقى نفسك محتاج تعمل فلتر تخانتة بالكتير قوى 4 مم الهيكل بالخامة
5 - اجمالى المسافة المسموح ليك بالشغل فيها لا تتخطى 7 مم
بص على الصورة كويس وركز فيها وفى كل التفاصيل وقولى اية افكارك
وحاول تبص على عربيتك الانوس وتختبر الحاجات اللى انا قولتها
http://i1357.photobucket.com/albums/...ps1841681c.jpg
وانا هسهل عليك واحاول اساعدك
انك تعمل فلتر بتخانة 4 مم ممكن يتعمل عادى (وبعدين هقولك على التفاصيل)
وانك تعمل حيلة لعدم شفط خامة الفلتر ممكن تتعمل( وبعدين هقولك على التفاصيل)
لكن انك تشتغل وبينك وبين مروحة شفط مركزى 1 او 2 مم وفوق منك ب 1 او 2 مم باب بيتحرك فى عربية متحركة دى اللى صعبة قوى
بس انا بحييك على صبرك ومثابرتك بصراحة
انت العضو الوحيد اللى مكمل معايا :S_thum1[1]::S_thum1[1]::S_thum1[1]:
وباقى الاعضاء الافاضل اللى بطلب منة يختبر حاجة او يختبر فكرتة اللى طرحها بيختفى من الموضوع مش عارف لية
وانا عايز اقولك على حاجة تانية
انت عارف لما تيجى تبتكر اى فكرة جديدة الاطار العام بتاع الفكرة بيكون سهل جدا
لكن لما تيجى تنفذ بتكتشف تفاصيل صغيرة كتيرة قوى وانت شغال هيا اللى بتخنق
لان اى اى ابتكار ما هو الا تفاصيل
والشيطان يكمن فى التفاصيل زى ما بيقولو
ضرورى قوى انك تبص على عربيتك الانوس وتشوف الكلام اللى انا بقولة دة رؤية بالعين
هيا التالتة دى سهلة فعلا وانا عن نفسى قولت لك انها سهلة مش اختراع وربنا يسهل بعد العيد باذن اللة وارفعها بالفيديو
بس لية يا معلم مش عارف تفكر اكتر من كدة فى موضوع الفلتر هو انت صايم وعقلك كمان صايم هههههههههههه
انت مش اقترحت فى اول الموضوع نعمل فلترين
وانا قولت لك تختبر حاجات بسيطة ورفعت لك صور تساعدك
وانت خلعت
مفيش مشاكل
نستنى لما عقلك يفطر ويعيد كمان
ههههههه
بس المشكلة لما تكون عدد المشاهدات 705 مشاهدة حتى كتابة هذة السطور والمشاركين بافكار يتعدوا على الصوابع
دة معدل مزعج بالنسبة للشباب المصرى
والملفت للنظر بردو ان الكبار بتوع القسم شافوا الموضوع ولا حس ولاخبر عملوا نفسهم مش شايفين حاجة
؟؟؟؟؟؟؟؟؟؟؟؟؟؟؟؟؟