الموضوع: رابطه اصحاب التويوتا الايكو

السلام عليكم ورحمة الله

أنا سعيد جدا إنى أخيرا لقيت حد مهتم بالتويوتا إيكو ، لأنها فعلا مظلومة رغم إنها عربيه من وجهة نظرى ممتازه مقارنة بسعرها
أنا معايا تويوتا إيكو 2004 ، بصراحه العربيه جميله جدا مع إنى شاريها عامله 300 ألف كيلو ، هى أوتوماتيك سحبها ممتاز بصراحه أقصى حاجه جبتها كانت 175 وكانت مش بتعوم

كل حاجه فى العربيه جميله وخاصة العداد المميز بتاعها ، مشكلتها الوحيده من وجهة نظرى هى قطع الغيار مش متوفره ولازم اروح لمحل معين فى صلاح الدين وأكيد طبعا قلة المعروض من قطع الغيار بيؤدى إلى زيادة أسعار قطع غيارها بصوره ملفته

يعنى مثلاً : فلتر البنزين ب400 جنيه ، التيل الأمامى اليابانى ب380 جنيه وما إلى ذلك

عموماً مبروك مقدماً لو أنت أستقريت عليها بس أهم حاجه أهم حاجه تكشف عليها كويس ومتجبش عربيه تغلبك وتفتح بؤها أى كان نوعها