نيسان قاشقاى الكوبلن فى التوكيل ب 17 ألف و 600 جنيه غير التركيب و الضريبة

نيسان قاشقاى الكوبلن فى التوكيل ب 17 ألف و 600 جنيه غير التركيب

كنت عملت حادثة بنيسان صنى فوديتها التوكيل و فى وسط أسعار القطع اللى محتاجة تتغير كان الكوبلن عامل 2700 جنيه فقولتله ليه غالية كدة قاللى أمال لو شفت النيسان قاشقاى و راح سائل بتاع الحسابات قاله ب 17 ألف و 600 جنيه بدون ضرية و لا مصنعية يعنى ممكن تخشلها بالتركيب على 20 ألف جنيه


أى حد معاه العربية ديه و مش مأمن عليها و مش مرتبه 10 ألاف جنيه فما فوق أو مليونير لا مؤاخذة يبقى يستاهل اللى يجراله.


أنا قلت أقول و اللى مش مصدق يتصل بالتوكيل

أكيد برده الجوك نفس السعر كدة

ليه هيا بوجاتي ولا ايه !!!

اية !!!!!!!!!!!!!!!!!!!!!

17 الف !! ده كوبلن البي ام ممكن يبقي ارخص

لييييييييييييييييييييييية هية طيارة دة المبلغ دة يشتري عربية شاهين موديل تسعينات

كوبلن الفيرنا بكام ؟؟؟!!
عايز فيرناوي يسمعني

حاجة تحرق الدم

بالسعر ده تقريبا انت ممكن تجيبللك فتيس وعفشه كامله استيراد للعربيه
استهبال اصلا العيب مش عليهم العيب على اللى هايدفع مبلغ زى ده

يا بلاش ....

وده اول مسمار فى نعش نيسان مصر

يا حسيــــــــــــــــــــــ ـــــــــــــــــــــــــ ـــــــــــــــــن !!!!!!!!!!!!!!!

هي دي الجوده والاعتماديه

كوبلن إيه دا اللى ب 17 الف نفسى أشوف صورته أكيد مش كوبلن عادى :)

عندهم تقسيط !!!!!!!!
دا انا بفكر ابيع 131 عندى و جابت 18 الف جنيه ههههههههههههه

كوبلن الاوكتافيا اية فيف عامل في توكيل سكودا 3400 جنية، وانا اللي كنت مستغليه ؟؟؟؟؟؟؟؟؟

ده كلام مش معقول حتي الصني الكوبلن بتاعها مشرب2700

مستحيل ديه لو مرسيدس s500 مش هيباء كده !!

كتير اوى الصراحة !!!

الواحد على كدا يشتري كوبلن و يركبه و يمشي بيه و خلاص

اقتباس:

---

المشاركة الأصلية كتبت بواسطة zangry

17 الف !! ده كوبلن البي ام ممكن يبقي ارخص

---

مفيش كبلن فالبيام أصلا

الكوبلن اصلا حرام

اخر حاجة سمعتها وصل 19 ألف ... السبب ايه مش عارف !!!

انت عربيه ولا ليكي عازه اثلا(هشام الحرامي استايل)

ده كوبلن الفانتازيا الاصلى من التوكيل بالتركيب 3000 جنية وكنت بقول دول حرامية
انا بجد مش قادر اتخيل السعر وبعدين العربية يعنى مش بنص مليون علشان الكوبلن يبقى داخل فى 20 الف

يا جماعة هو الكلام ده في القشقاي بس ولا الجوك نفس الكلام؟؟؟
أنا كنت بفكر أجيب الجوك بس لو هي كده فعلاً الواحد لازم يعيد تفكير
و هل في أسعار خرافية لقطع تانية ولا الكوبلن بس؟؟؟ ممكن يكون في خوازيق تانية مستخبية
و هل ممكن الكوبلن فيه حاجة مختلفة فعلاً مخلية سعره كده؟؟؟

امال علبة الدركسيون بكام ؟
اكيد مش اقل من 85 الف جنيه ( كنسبة بين سعر الكوبلن وعلبة الدركسيون في العربيات العادية )

هو الكلام ده بجد يا جدعان :d


ده الكوبلن ده اللى هو عادى يعنى ممكن تخبط في رصيف وتحتاج تغيره ، تعمل مقايسة اصلاح بـ 400 الف مثلا ولا ايه !!!!!!!!
طب الموتور والفتيس بكام ؟

لما حتة عمود صلب وكاوتشتين جواهم بلي بـ 17 الف :D
بصراحة مش مصدق لسة :D

علي كدة الواحد يشتريها زيرو

وابعها قطع غيار ... اكسب فيها الضعف :)

الاهويييييييى

دا تمن عربية جديدة

سعر عجيب فعلاً ... سبحان الله :)

وانا اللى كنت بفكر ابيع الصنى واجيب قشقاى
وداعا نيسان مدى الحياااااااة

ياساتر يارب

الكوبلن فعلا ب 17 ألف جنيه
بس ده مش سعره الحقيقى
لأن كل توكيلات نيسان مش بيستوردوه (ليه مش عارف)

كل اللى بيعملوه انهم بيطلبوه من المصنع مخصوص ليك وبيبعتوه على مصر dhl

ف ال 17 الف دول فيه منهم على الاقل 14 ألف جنيه مصاريف شحن

الكلام ده عن تجربة ومن اصحابى ف التوكيل

وقالولى لو تعرف حد فى انجلترا خليه يشتريهولك واحنا نركبه

مصاريف شحن 14 الف جنيه ، ده كدة مثار للعجب والسخرية اكتر
اولا الكوبلن لا هو حجمه كبير ولا وزنه تقيل !

وبعدين هو التوكيل توكيل ليه ، مش المفروض هو بيوفر قطع الغيار بسعرها للمستهلك من غير اي overheads زيادة

ما كلنا بقى نستورد قطع غيار وما يبقاش في توكيل احسن !

١٤ الف ليه هو بيتشحن في طيارة مخصوص لوحدة !

كل واحد يخلى بالة من كوبلنة

اقتباس:

---

المشاركة الأصلية كتبت بواسطة fadi ezzat

كل واحد يخلى بالة من كوبلنة

---

وانا بعد كدة هطلع بالعربية واسيب الكبالن في البيت ههههههههههههههههههههههههه ههههههههههههههه

عادي جدا مش التوكيل !!!
انا عندي ماتريكس الكوبلن في التوكيل 6000 جنيه كامل مش راس الكوبلن وعشان كده بجيب راس الكوبلن من بره بحوالي 350

احب ازيد من الشعر بيت لو سمحتم
المرايا الشمال من غير كفر مغيرها 3170 جنيه
الفانوس الامامى 9500 جنيه
فعلا الواجد اخد مقلب جامد فى العربية وفى التوكيل حسبى الله ونغمه الوكيل

ليـــــــــــــــــه أبوتريـــــــــــــــــــ كه... ده اللي ييجي يغيره يبقى يعمل له نصاب زكاة المال