كوتش كليو 2003 1.2

**aldesha989** · 06-08-2013 04:39 AM

المشاركة الأصلية كتبت بواسطة engwalaa

شكرا جزيلا aldesha989 يبقى إن شاء الله 14/175/70 ولا زى الكتالوج 14\175\65 كان فى حد قالى على الأرقام بس نسيت فا مش عارفه 65 و 70 دى تفرق ولا لأ ....... ممكن لو مفيهاش غلاسه تقولى أجيبها من فين انا عارفه رومانى اللى فى جسر السويس بس بسمع أنو غالى لكنى متعملتش معاه قبل كده
وفى محل كبير قوى تلات ادوار فى أخر جسرالسويس و لازق فيه زى ورشه كده فا لو فى مكان حد تعامل معاه يبقى افضل طبعا
شكرا جزيلا و معذرا على الإطاله

بصراحه انا مش عارف لانى من اسكندريه بس زى ما استاذ وليد قالك لو هتغير من 13 ل 14 لازم تغير الجنوط او شوف المقاس اللى بيقولك عليه حلو برضه

**engwalaa** · 07-08-2013 06:45 AM

المشاركة الأصلية كتبت بواسطة aw2100

لو حتركبى المقاس 14/175/70 والمقاس الأصلى 175/70r13 حضرتك لازم تغيرى الجنوط اللى راكب فية الكاوتش مش الكاوتش بس علشان انتى غيرتى مقاس الجنط من 13 بوصة الى 14 بوصة فلو مش عاوزة تغيرى الجنوط انصحك تركبى مقاس 185/60r13 كاوتش اعرض واكثر تبات على الأرض واهم حاجة ماركة الكاوتش خليكى فى البريدجستون او التويو او اليوكوهاما وممكن الكومهو وبلاش تشترى النوعيات المجهولة وابعدى خالص عن الماكسس والgt والجنرال دى انواع ناشفة وبتزحلق العربية فى الفرامل !!

شكرا جزيلا aw2100 انا مكنتش عارفه موضوع الجنط بس لاقيتو عندى 14 فيبقى كانت متعدله من صاحبتها اللى قبلى ...... شكرا جزيلا لنصيحه حضرتك

**aldesha989** · 07-08-2013 08:37 AM

المشاركة الأصلية كتبت بواسطة engwalaa

شكرا جزيلا aw2100 انا مكنتش عارفه موضوع الجنط بس لاقيتو عندى 14 فيبقى كانت متعدله من صاحبتها اللى قبلى ...... شكرا جزيلا لنصيحه حضرتك

ماشى بس كده يبقى الكاوتش اللى عندك مش 13

اتاكد من مقاس الكاوتش عندك بقى كام ولو مستريح عليه هات زيه

**engwalaa** · 09-08-2013 01:00 AM

المشاركة الأصلية كتبت بواسطة aldesha989

ماشى بس كده يبقى الكاوتش اللى عندك مش 13

اتاكد من مقاس الكاوتش عندك بقى كام ولو مستريح عليه هات زيه

شكرا جزيلا aldesha989 ..... الحقيقه أنى جديده فى السواقه فمش عارفه ده كويس ولا لاء او ده الأفضل او لأ زى ماحضرتك عارف طقم الكوتش غالى و العربيه الاربع كوتشات و الأستبن سيئيين جدا
فعشان كده كنت عايزه أعرف لو فى شئ متعارف عليه للعربيه دى .... هقرأ اللى مكتوب على الكوتش اللى عندى و أكتبه إن شاء الله ..... شكرا جزيلا و عذرا على الإطاله