النهارده خالي راكن عربيته ميجان ٢ موديل ٢٠٠٦ تحت البيت صحي الصبح لقي الزجاج الخلفي الكبير مكسور و في طوب حوالين العربيه واقع من بلكونه جارنا
انا عايز اعرف الازاز ده بكام و الافضل يتجاب من التوكيل و بكام ولا بره التوكيل و برده بكام و اصلي زي الفابريكه ولا لأ وعند مين خاصة اننا من الاسكندريه و خالي مش بيحب يتعامل مع حد بره التوكيل
ياريت اي حد يعرف حاجه ميبخلش عليا ضروري
و كل عام و انتم بالف خير
اه نسيت اقولكم العربيه سيدان
كان في عضو عمله من فتره عند واحد في سيدي بشر ب 450 جنيه
انا حصل معايا نفس الموقف و لسة مغير بى 550 و دة الاتحادالاوربى و فى جريش ب 450 من عبد الناصر محمد نجيب
والامامى بكام ياباشا لو سمحت
الامامي جريش ب 550 بمكان حساس المطر
علي فكره انا روحت مع خالي توكيل رينو اللي في المطار قال ان هو معندهوش و نصحنا بالذهاب الي التوكيل اللي علي الطريق الصحراوي ولما وصلنا حوالي الساعه ١٠ صباحاً اخدوا العربيه و المهندس قالنا الاستلام الساعه ٣م و كانت التكلفه هي المفاجئه قالنا في حدود الفين و شويه قلنا الاول كتير جدا فقالنا عشان المصنعيه و الازاز اصلي زي اللي كان راكب فيها غير ان عليه ضمان لمده عام من تاريخ التركيب فقولنا ماشي خلاص احنا كده كده جينا و كنا عارفين انه غالي فخلاصبقي اتدبسنا واللي حصل حصل
و رجعنالهم تاني الساعه ٣ لقينا العربيه واقفه و كله تمام و نضفوا مكان الزاز المكسور ولا اكن في حاجه حصلت كانت التكلفه ٢٥٣٠ جنيه بس رخيص مش كده هههههههه
بصراحه دي لو كانت عربيتي كنت عملتو عند اي حد ب٥٠٠ جنيه زي الفل جريش بقي مش جريش مش حتفرق اصله معرض انا يتكسر تاني انا في عربيه ابويا مغي الزاز مرتين في نفس الاسبوع و كان ب٣٥٠ جنيه بتاع اوبل فيكترا بس خالي موسوس شويه
بس و دفعنا ال٢٥٣٠ جنيه زي الشطار ومشينا
و هي دي قصه ازاز الميجان 2 موديل 2006.
الف شكر ياباشا على ردك يا dedo_ryo
واستاذ محمد طبعا سعر كتير جدا جدا انته كنت عملتة بره اوفر كتييييييييييييييييييييييي ييييير