ميجان ii 2006 الزجاج الخلفي بكام؟؟؟؟؟؟؟ ارجو الافاده ضروري

**Mohamed Abosef** · 31-07-2013 03:46 PM

النهارده خالي راكن عربيته ميجان ٢ موديل ٢٠٠٦ تحت البيت صحي الصبح لقي الزجاج الخلفي الكبير مكسور و في طوب حوالين العربيه واقع من بلكونه جارنا
انا عايز اعرف الازاز ده بكام و الافضل يتجاب من التوكيل و بكام ولا بره التوكيل و برده بكام و اصلي زي الفابريكه ولا لأ وعند مين خاصة اننا من الاسكندريه و خالي مش بيحب يتعامل مع حد بره التوكيل
ياريت اي حد يعرف حاجه ميبخلش عليا ضروري
و كل عام و انتم بالف خير

**Mohamed Abosef** · 31-07-2013 03:49 PM

اه نسيت اقولكم العربيه سيدان

**dedo_ryo** · 31-07-2013 08:42 PM

كان في عضو عمله من فتره عند واحد في سيدي بشر ب 450 جنيه

**mostafanageib** · 01-08-2013 04:56 AM

انا حصل معايا نفس الموقف و لسة مغير بى 550 و دة الاتحادالاوربى و فى جريش ب 450 من عبد الناصر محمد نجيب

**odod** · 01-08-2013 02:36 PM

والامامى بكام ياباشا لو سمحت

**dedo_ryo** · 01-08-2013 04:50 PM

الامامي جريش ب 550 بمكان حساس المطر

**Mohamed Abosef** · 02-08-2013 03:36 PM

علي فكره انا روحت مع خالي توكيل رينو اللي في المطار قال ان هو معندهوش و نصحنا بالذهاب الي التوكيل اللي علي الطريق الصحراوي ولما وصلنا حوالي الساعه ١٠ صباحاً اخدوا العربيه و المهندس قالنا الاستلام الساعه ٣م و كانت التكلفه هي المفاجئه قالنا في حدود الفين و شويه قلنا الاول كتير جدا فقالنا عشان المصنعيه و الازاز اصلي زي اللي كان راكب فيها غير ان عليه ضمان لمده عام من تاريخ التركيب فقولنا ماشي خلاص احنا كده كده جينا و كنا عارفين انه غالي فخلاصبقي اتدبسنا واللي حصل حصل
و رجعنالهم تاني الساعه ٣ لقينا العربيه واقفه و كله تمام و نضفوا مكان الزاز المكسور ولا اكن في حاجه حصلت كانت التكلفه ٢٥٣٠ جنيه بس رخيص مش كده هههههههه
بصراحه دي لو كانت عربيتي كنت عملتو عند اي حد ب٥٠٠ جنيه زي الفل جريش بقي مش جريش مش حتفرق اصله معرض انا يتكسر تاني انا في عربيه ابويا مغي الزاز مرتين في نفس الاسبوع و كان ب٣٥٠ جنيه بتاع اوبل فيكترا بس خالي موسوس شويه
بس و دفعنا ال٢٥٣٠ جنيه زي الشطار ومشينا
و هي دي قصه ازاز الميجان 2 موديل 2006.