الحمد لله أستلمت جميلة الجميلات

**Victor Alex** · 02-09-2008 04:10 PM

الف الف مبروك علي العروسه وياريت تحكيلنا تجربتك معاها و تقييمك ليها

**zizo610** · 02-09-2008 05:23 PM

الله يبارك فيكم ياجماعة أنا بشكركم على الأهتمام والتهنئة الجميلة

العربية الحمد له ذي الفل

أنا هؤلكم على بعض إنطبعاتي حتى الأن طبعا أنا سوقتها تقريبا ساعة ونص في زحمة رمضان كل عام وأنتم بخير

1- طبعا الموتور الكامبرو 1.6 أنا لسه مختبرتوش لأني مش محمل عليه لأني لسه موصلتش للألف بس هوه طبعا حاجة كويسة ومفيش كلام عليه

2- طبعا الكماليات الي في العربية كلها شغالة وذي الفل
3-أنا كان عندي مشكلة في الباركينك سنسور أنه كان شغال على طول وراحت مركز الخدمة وجتلي تاني يوم وذي الفل والحمد لله على فكره ياجماعة الباركنك سنسور مفيد جدا لأنك في الرفرس السريع ممكن تعتمد عليه وتخلصز

4- العربية قيادتها رائعة وممتعة ماعدا الصوت الي بسمعه عندي في الفرامل مع لف الدركسيون بالذات وده هشوفه لما أعمل سيرفيس 1000 كم إن شاء الله

5- التقفيل من جوه الصراحة حلو (جيد) مش ذي ما كنت متوقع(مقبول)

6-العربية عاليه عن الأرض وكويسة زي ما كنت متوقع

وعلى العموم أنا مسافر بيها اليومين دول وإن شاء الله أديكم أخبار أكتر خصوصا على الإمكانيات الإلكترونية اللي فيهاز

بس ياجماعة أنا عندي مشكلة حامدة كل لما أنزل أركبها الصبح ألاقي الحمام عامل عليه ومبهدلها مع أني في عربيات كتير ركنه جنبها ومفيش عليها حاجة وأنا كنت راكن تحت تاندة مش شجرة !!!!أكيد خير إن شاء الله

مع أطيب تحياتي
أخوكم حازم

**densfog** · 02-09-2008 10:25 PM

انا حاعملك عرض كويس انا ممكن اجى ابخرلك العربية بس اسوقها لمدة نص ساعه لأن الحمام لما يعمل كده على عربية زيرو يبقى فال وحشمبروك على الجين 2 ياباشا وربنا يديك خيرها ويكفيك شرها

**khpopo** · 02-09-2008 11:22 PM

الف مبروك عليك جين2 الجميلة وربنا يديك كل خير منها ويحفظها لك من كل شر
ارجو ان تكون افتكرت الغلابة ودبحت حاجة لوجة الله الكريم وان شاء الله يحفظها لك
مبروك تانى ومعلش هى بتبقى واخد عين دايما دعاء ركوب الدبة وربنا يسترها معانا جميعاااا

سبحان الذى سخر لنا هذا وماكنا لة مقرنين وانا الى الى ربنا لمنقلبون