جولف 2 ولا اسكودا فيليشيا 1998

**هادي ابراهيم** · 31-07-2013 06:48 PM

محتار بين الجولف 2 والفيليشيا 98 الافضل من كل حاجه

**aw2100** · 01-08-2013 03:14 AM

العربيتين كويسين جدا بس ميزة الجولف2 انك ممكن تركب ليها اى موتور حديث من الجولف او البولو لكن بالنسبة للفليشيا هم موتورين 1300 اللى فيها و1600 مالوش قطع غيار واهم حاجة حالة العربية طبعا !!

**هادي ابراهيم** · 01-08-2013 01:38 PM

شكرا يعني الجولف مع ان الاسكودا احدث وارخص تمام ومعلش ووضع لكورسا 98 بالنسبه ليهم ايه برده شكرا لاهتمامكم

**chiko** · 01-08-2013 10:58 PM

بص هما الاتنين حلوين ..الجولف قويه و بتستحمل و قطع غيارها حلوه .. و الاسكوده اقل قوه لكن احدث .. و قطع غيارها رخيصه و مشكلتها السخونه لكن ليها حل يخليها زي الفل .. خالي اهم حاجه عندك لم تيجي تتفرج هي الحاله ..الحاله الافضل مقارنه بالسعر اللي معاك

**aw2100** · 03-08-2013 11:46 PM

المشاركة الأصلية كتبت بواسطة chiko

بص هما الاتنين حلوين ..الجولف قويه و بتستحمل و قطع غيارها حلوه .. و الاسكوده اقل قوه لكن احدث .. و قطع غيارها رخيصه و مشكلتها السخونه لكن ليها حل يخليها زي الفل .. خالي اهم حاجه عندك لم تيجي تتفرج هي الحاله ..الحاله الافضل مقارنه بالسعر اللي معاك

خلى بالك الأسكودا فليشيا عربية مصفحة كشاسية اقوى من الجولف 2 بمراحل واكثر امانا وحكاية السخونة دى كانت من التاريخ وده عيب فى كل العربيات الأوروبى وده بسبب انها مصممه للعمل فى اجواء الثلوج والبروده انا كنت باتكلم ان الجولف ممكن تحديثها بسهولة علشان موتور الجولف 6 بيركب على الجولف 2 مع شوية تعديلات وكمان اجزاء من العفشة بعكس الفليشيا هما موتورين 1300 و 1600 بس !!

**chiko** · 04-08-2013 12:38 AM

المشاركة الأصلية كتبت بواسطة aw2100

خلى بالك الأسكودا فليشيا عربية مصفحة كشاسية اقوى من الجولف 2 بمراحل واكثر امانا وحكاية السخونة دى كانت من التاريخ وده عيب فى كل العربيات الأوروبى وده بسبب انها مصممه للعمل فى اجواء الثلوج والبروده انا كنت باتكلم ان الجولف ممكن تحديثها بسهولة علشان موتور الجولف 6 بيركب على الجولف 2 مع شوية تعديلات وكمان اجزاء من العفشة بعكس الفليشيا هما موتورين 1300 و 1600 بس !!

بص ياا باشا انا ركبت باسات من اول 74 الي 86 و جولف 1 و 2 و شيركو ..و ركبت اسكودا كومبي 97
الاسكوده جميله و قويه زي ما حضرتك بتقول ..لكن كا شاسيه الجولف اقوي و خصوصى في فرد السلاح .. لانها علب مموجه و فيها عصب بشكل كبير في منطقة الصدر .. و الاسكودا علب عدله و بسبب قلة العصب تعتبر اقل في القوي من الجولف ..لكن الفرق هو ان الجولف موديل قديم .. و الزمن بياكل في الحديد .. لكن كا قوة فالجولف اقوي حتي في الماتور لان زي ما حضرتك قلت ان بيركبلها ماتور v6 و قدرته عاليه جدآ و حتي الي 1600 او 1800 او 1300 اقوي من مواتير الاسكودا بشكل كبير الفرق كله في الموديل هو اللي بيعادل الاسكودا بعض الشيئ مع الجولف ..لكن لو جولف مرتاحه يبقي متتقرنش بالاسكودا خالص .. انا تلوقتي معايا شيروكو 81 و عليها ماتور 1800 تعبان شويه .. و في السفر بسافر بيها مع والدي معاه جيب .. و كل ما نقف يقولي يابني حرام عليك مش قادر امشي معاك ..انا روحت بالاسكودا مطروح في اربع ساعات و نص و الحمد الله بدون اي مشاكل لاني ظبطها .. و روحت اسكندريه بالشيروكو في ساعه و 20 دقيقه برتك بدون مشاكل و الحمد الله .. بس كا قوي و سحب و عافيه الجولف طبعآ

**aw2100** · 04-08-2013 11:45 PM

المشاركة الأصلية كتبت بواسطة هادي ابراهيم

انا احترت بصراحه بس لو الاسكودا احسن ليه تبقي ارخص مع انها احدث وقلقان شويه من قله انتشار الجولف 2 بشكل كبير زي الاسكودا

انصحك تخليك فى الفليشيا افضل قطع غيارها كتير ورخيصة واكبر فى الحجم شوية عن الجولف طالما قلقان من الجولف بس اهم حاجة حالة العربية تكون كويسة مش متهانه علشان متدوخكش وتوديها لميكانيكى يكشف على موتورها كويس وممكن تشترى فليشيا وش اوكتافيا موديل بعد 2000 موفرة فى البنزين ومكييفة هى طبعا اغلى من العادية شوية و1000 مبروك على العربية الجديدة !!