صوت الموتور عالى +مفيش سحب = اسطوانة دبرياج بايظة !!
عرض للطباعة
صوت الموتور عالى +مفيش سحب = اسطوانة دبرياج بايظة !!
العوامة الكهربائى فكها عشان مبتقراش كويس ومعملهاش وكانت محكومة كويس مفيهاش مشكلة بس العوامة نفسها بتقرا اكتر يعنى لو التانك فاضى بتقرا متلا الربع
بالنسبة للشكمان انا شاكك فية بس كنت مغير شجرة كاملةماعدا الماصورة الى طالعة من الشكمان من حوالى 6 شهور
سير الكاتينة متغير بردو من 6 شهور
اة الدبرياج واطى اول مبرفع رجلى سنة العربية تبدا تتحرك ( هل دة ممكن يأثر واعلية ازاى ) كمان لما بدوس دبرياج وانا برفع رجلى بسمع صوت تزييق
العربية بحس انها جارة حاجة وراها وهى ماشية من تقلها
الحالة معقولة حضرتك تيجى تحكم عليها بنفسك
العربية عاوزة شوية شغل فى الصاج العتب
والمشكلة بتاعة السحب دى والعفشجى كان قالى عاوزة اسكاترا بس هى مش عاملالى مشكلة فماشى بيها كدة وفيها ياى ضعيف بس بردو مش مأثر على حاجة غير انى بلاقيها مايلة سنة ناحية السواق
طالب 30 ان شاء الله بدون عدة الكاسيت والسماعات والعربية رخصتها فاضل فيها سنتين
انصحك انك تصلح الحاجات دى قبل ماتفكر فى البيع علشان لو حد جرب العربية على كده حتسمع اسعار حتستغرب ليها وكانك لقيتها واعتقد انها مش علشان شوية شغل ب1000 جنية تبيعها ولو صلحتها اعرف ناس كتير بترجع فى كلامها فى البيع والعربيات دى ممتازة وقويه بس المهم الميكانيكى اللى فاهم فيها غير لو عاوز عربية مكيفة و عموما موفق فى البيع !!
والله ياصديقى مشكلتى انى معنديش وقت للميكانيكية وهما وقفتهم مقرفة وساعات ميعملكش الى انتا عاوزة
وانا صرفت كتير على العربية دى ومهنتهاش
بس انا عاوز حاجة فيها تكييف عشان الحر دة ويكون سحبها عالى لانى كنت بركب عربية الوالد فيرنا 1600 فيمكن عشان كدة العربية مش حاسس انها مديانى الى انا عاوزة حتى لو عملت الى فيها
وعموما لو تعرف ميكانيكى سكودا كويس وبيفهم ومش بتاع اشتغالات قولى علية اروحلة يمكن يكون فى ايدة الشفا
ياحج يحيى الفليشيا لاتقارن بالفيرنا الا فى السحب والتكييف غير الحاجتين دول هتلاقى الفليشيا ليها مميزات وزى ما الاستاذ وليد قاللك انت لو حبيت تبيع كده هتسمع ارقام تزعلك زى اللى بسمعه فى كل مرة بفكر ابيع فيها ولعلم حضرتك انا مرتين اهو فكرت ابيع وكنت بسمع ارقام كانت بتخلينى ممكن اطول لسانى وكنت بسكت ولعلم حضرتك عربيتى مش مكيفة برده بس عادى هاعمل ايه ماهو مش معقولة اروح ابيعها بتمن عربية 128 ........... صح ولا انا غلطان حاول تصلح الحاجات اللى فيها عند ميكانيكى كويس وممكن الاستاذ وليد يوصفلك حد كويس وخصوصا انكم من اسكندرية
عندك حق والله يامنسى ويارب مشكلة السحب دى تتحل عشان انا عارف ان العربية دى سحبها كويس لانى ركبت كومومبى بتاعة واحد صحبى وكان سحبها جميل
بالنسبة للفيرنا عربية ممتازة بالمقارنة بالفليشيا بس انا بحب قاعدة الفليشيا اكتر بحس انها اتقل كدة وراسية عن الفيرنا
العربيتين دول لو كانو جداد ونفس الكماليات كنت هختار فيليشيا اكيد