يا جماعه انا محتار بيين الفئه
ه في العربيات و مش عارف اجيب ايه في الحدود ده ارجو النصيحه
يا جماعه انا محتار بيين الفئه
ه في العربيات و مش عارف اجيب ايه في الحدود ده ارجو النصيحه
لو المقارنه بين دول اعتقد النترا
انا لو مكانك هجيييب الشارك
شارك هاي لاين اختيار شخصي
بس بالنسبالك ياريت تقولنا اهتمامك اية ف العربية قطع غيار رخيصة اعتمادية ( هتفضل معاك فترة طويلة ) الشكل التكييف بتجري ولا مشيك متوسط بمعنى اية اللي يهمك تلاقيه ف العربية بالنسبة لظروفك
انا في راي الشخصي و غير موثق بمواصفات السيارات علشان مفتيش بس انا لو مكانك هجيب الشارك شبابي و صناعه يباني و موش هفكر في الكوري رغم ان الالينترا شكله من جوه جامد بس هفكر في الصناعه برضو و ربنا يكفيك شر طريقك و كل عام و حضرتك بخير
يا ريت انت تتعب شويه وتسوق الاربعه وانت هتقدر وتؤل الزاي انا اقارن الشارك بالسيراتو والالنترا الشرك دي عربيه فئه تانيه خالص دي اسمها اتوموبيل عالي من ناحيه ماتور فتيس تكييف سحب متانه شاسيه تأقفيل زمه وضمير في التصنيع والتقفيل صالون رهييييييييييييييييييييييي يييييب الراحه وتحط تحت الثبات مليووووون خط اوعي تجري ورا تيا السوق بتعنا اركب عربيه وانت متطمن ولو كقطع غيار هتجيبها الاصلي مش هتلاقي فرق كبير بين الاربعه وبعدين سير الكاتينه حديد يعني ده باند هيتشال من الصيانه ومش تشيل همه بص يا ريس اي حد قال عن العربيه دي كلمه مش تمام يبقي استحاله يكون سقها وكداب اسأل انت نفسك في التجربه انت علي الاقل هتدفع في فئه 130 الف مش اقل بل اكتر يعني مش هيجري حاجه لو هتتعب وتسوق كل العربيات ومش بس كده تنزل مكان واحد زي التوفقيه وتسأل عن قطع الغيار وعمر مدي قطع الغيار برضو بتفرق يعني استحله مسعدين الجولف زي عمر مساعدين الانوس شغل عقلك وحس بقلبك انت محتاج ايه وفي البدايه والنهايه استخير ربنا
انا محتاج عربيه للسفر و عد 5000 كم في الشهر و اعرف ابيعها بعد اربع سنيين عامله 200000 كم من غير ما تبهدلني في الاعطال او عفشه او غيره
شارك - النترا
1. شارك
2. شارك
3. شارك
4. شارك
ده كد ببساطة وبدون رغي وجدال كبير.... ياريت تبص على مشاركاتي بخصوص الشارك وهتستفيد انشاء الله...
لانسر بومة
قد يكون اغرب اختيار لانها اقدم شكل فيهم و منتشرة بغباء و فى ناس بستخسر فيها تمنها لكن هى الوحيدة اللى فيها كل اللى انت طلبته
البومة مناسبة للسفر و بتستحمل الشغل الجامد و صيانتها سهلة و قطع غيارها رخيصة و متوفرة و عفشة ممتازة خصوصا السوبر اكشن و تتباع ف اى وقت و باى حالة
الشارك افضلهم كعربية لكن قطع غيارها غالية و اعادة بيع ضعيفة
الالنترا او السيراتو و الكورى عامة سريع ف اعادة البيع لكن قطع غياره مش معمرة و اساسا على ما توصل بيها 200 الف كيلو هتكون حالتها بقت صعبة
انا مرتاح للشارك من ناحية الكفائه ولكن خايف منها في اعادة البيع تتعبني لاني مش بشوفها في المعارض كتيير زيرو بالمقارنه بالسيراتو حوالي 15 عربيه في المعرض و برده هي من جوه فقيره شويه الفئه الثانيه منها بالمقارنه بالسيراتو الجديده رهيبه من جوه و تابلوه جلد و فرش ابواو شياكه و عدادات وهم بس برده خايف من عفشتها من حيث الكفائه عندي واحد صاحبي معاه كيا بيكانتو 2010 جابت مقصات و بارات و مساعدين عند 80000 كم عقدني منها مع العلم اني معايا اسبيرانزا 516 و هي كويسه
بص يا باشا انت اللي تقدر تحدد احنياجاتك... الناس هنا عارفين اني متحيز للشارك جدا جدا... بس ده سببه ان اهم حاجة عندي ثبااااات العربية وانا مسافر من طنطا للبحر الاحمر كل شهر زائد ثباتها وانا على طريق استغفر الله العظيم اسمه طريق مرسى علم.... ومن هنا قررت اجيب الشارك بدون ادنى تردد وما اهتميتش خاااالص بكلام الناس لاني عارف ان 90% منهم على الاقل بيفتوا... والدليل ان العربية اصلا انتشارها ضعيف... فازاي بقى كمية الناس اللي بتقول فيها البدع دي؟؟؟؟
انا امتلك العربية دي وبأكدلك انها لا تقل عن الالماني في الثبات والمتانة... جرب تسوقها على 200 مثلا وشوف انت ازاي ممكن تبقى سايب الدركسيون ومش خايف... لا تعويم بقى ولا مراجيح مولد النبي اللي هتشوفها بأي كوري بعد ال140 مثلا... لو رفعت العربية دي وبصيت على عفشتها وحجم مقصاتها ومتانة الشاسيه بتاعها هتعرف اما اقصد ايه.... والاه العظيم انا لسة ماشي بيها النهاردة 215 على طريق القطامية ولا الهوا... ولا الهوا...
بس اوعى تجيب الفاضية منها.... ضروووري الهايلاين... صدقني مش هيبقى ناقصك حاجة مع الهايلاين... الفاضية منها خنيقة شوية ومفيهاش حتى وسائل امان.... فخليك في الهايلاين وسيبك من سعر اعادة البيع والكلام ده لانك هتسوق العربية 5000 كيلو في الشهر يعني عايز حاجة متينة وحمالة اسية...
وعلى فكرة... اوعى حد يقولك ان البومة حلوة والشارك احسن شوية لان ده غلط... والله العظيم الفرق رهييييب في كل حاجة... فاذا كانت البومة الناس بتقول انها بتاعت شغل وبهدلة فتخيل الشارك بقى....
انما برضه للامانة... لو مش ناوي تجري بالعربية على سرعات عالية ومحتاج حاجة بقى تكون بياعة وكدة... خلاص خش على السيراتو او الالنترا لان في رأيي ميفرقوش عن بعض غير في الشكل والاوبشنز... انما الاتنين نفس العفشة وكل حاجة لان اصلا كيا وهيونداي شركة واحدة...
بس حاجة اخيرة وانا عارف ان دي اذواق... انا اتفرجت على السيراتو هايلاين وقت ما كانت ب187000 ومعجبنيش خامات التابلوه وخامات العربية بشكل عام... اه هي (شكلها) حلو طبعا بس بتكلم عن جودة الخامات... بصراحة مش اللي يندفع فيها المبالغ الخزعبلية دي..
جرب الاربع عربيات وعلى حسب احتياجاتك اختار زي ما انا عملت... وربنا يوفق!!!
متشكر جدا لاهتمامك بس الهايلاين غاليه اوي 170000جنيه و انا اخري 150000 غير مش عارف الاقيها فين؟
برده كنت عاوز رايك السيراتو 130حصان اللانسر 117 حصان فهل ده حقيقي ولا لا و هل هيفرق في السحب ولا لا ؟
وكنت لقيت برده فئه خليجي من غير ضمان و من غير جنوط عند القرش بس فيها ايه بي اس ب 137000 جنيه فهل الضمان مهم؟
و لقيت اول فئه بضمان الرواس ب 131000 اما اول فئه وكيل 137000 و تاني فئه جنوط و ايه بي اس 147000 وتالت فئه ابانوس و usb وسماعات اكتر 155000و اخيرا الهايلاين 170000جنيه
مش عارف رايكم ايه اما السيراتو اول فئه ايه بي اس خليجي بدون ضمان 148000؟
سمعت ان اكصدمات الشارك الاماميه و الخلفيه فيها مشكله انها علي شاسيه بلاستيك مش حديد عشان كد الفتحات بتوسع و الاكصدام مش بيتعدل ذي الاول فايه رايك في ده كمان؟
اما عن العفشه بتاعت الشارك سامع انها ناشفه و بتكركب في الحتت المعضعضه مش ناعمه كده اكنك متحسش بحاجه؟
سمعت ان صوتها عالي جوه الصالون و مش ناعمه؟
اخيرا مش عارف التست درايف بتاع العربيات ده فين؟
انا عماله اسمع كلام كتيييييييير و بسالكم لانكم جربتو العربيه و اامن ناس تقولوا الصح و الغلط بكرر شكري لاهتمامكم ومستني نصيحتكم
شوف... اولا رأيي تخليك في الضمان احسن... بلاش خليجي... وبعدين الشارك اصلا بتنزل مواصفات خليجي..
حاجة تانية... اللي قريته في كذا حتة ان ال117 حصان صافيين وان بعض الشركات (زي كيا) لما بتحط عدد الاحصنة في البروشورات بيكون العدد الاجمالي مش الصافي... يعني هيبقى في قوة مهدرة مع الات الجر وغيره...
مش عارف ده صح ولا لا... بس اللي متأكد منه ان السيراتو طلعتها هتكون اسرع من الشارك... وموتور المايفيك في الشارك هيكون عزمه اكبر في المقابل...
وبالنسبة لي... ال117 حصان حلوين والعربية سحبها ممتاز والله... بس فعلا عزم الموتور هوه احلى حاجة فيه...
اكصدامات الشارك الصاج بتاعها طري فعلا وتديلك احساس انها ضعيفة قوي... بس اللي قريته برضه انها مصممة كده لامتصاص الصدمات وتخفيف الوزن في نفس الوقت... وبعدين لو بصيت على الاكصدام الامامي مثلا هتلاقي المسافة بينه بين الرادياتير بعيدة برضه... فاعتقد انه لا قدر الله في حالة الاصطدام هتكون في مسافة كافية...
وبعدي هنروح بعيد ليه؟؟ انا عربيتي اخدتلها واحدة كدة في الجنب اليمين من الاكصدام (بعيد عن الفانوس الحمد لله) وبصراحة متبهدلش خااالص... يادوب شوية خدوش (شكلها غبي طبعا) بس اهي خدوش... والله العظيم اول ما التاكسي ده خبطني انا قلت الاكصدامات التعبانة دي هتتلاشى اصلا بس فوجئت انا (بتاخد وتدي) بصراحة...
عفشة الشارك مش ناشفة ومش عارف ليه في ناس مصممة على كده؟؟؟ هي مش ناعمة زي الكورولا والالنترا يعني بس والله مريحة... وبعدين عفشة الشارك اكبر ميزة فيها لانها مالتي لينك ومقصاتها كبيرة وده بيديها ثبات رهيييب...
عزل الصالون مش اد كده فعلا... واللي مزود الاحساس بكده ان كاوتش الدانلوب اللي بينزل في العربية خشن جدا جدا وصوته عالي... بس في المقابل ممتاز في الفرامل وثبات العربية بشكل عام...
انا رايي لو عايز تبيع بعد فترة يبقي لازم تبيع للناس الحاجة اللي بتحبها
والناس في مصر هنا طيبين اووي وفاتحين بيوت اخوانا الكوريين الجنوبيين
ده غير انهم ما صدقو لقو عربية كويسة فيفضلو يشترو فيها مع انها انقرضت من العالم الا مصر
فبما انك عايز تركب شويه وبعدين تبيع تبقي تجيب بومة او الانترا او سيراتو مش فارقة و ابعد تماما عن الشارك
انما المفروض يحصل غير كده خالص
تشتري الشارك و ترمي الباقيين ورا ضهرك وتركب و تمتع نفسك هو انت هتشتري عربية جديدة كام مرة
وبالتوفيق
الشارك ثم اللنترا