الموضوع: انت ونيتك

معاد تغير الزيت مر علية شهرين حوالي 3 الاف او اكتر شوية المهم كنت مقرر اغيرو يوم الجمعة اللي فاتت في مقار و اغير شوية فلاتر بالمرة عشان العربية مش مظبوطة المهم يوم الاربع بليل قولت طب مركنها شوية و اتحرك بالباسات و اوفر الفلوس شوية و فعلا كنت خلاص قررت يوم الخميس نزلت لجماعة صحابي و انا راجع في الهرم لقيت مفيش فرامل خالص و البدال وقع تحت قولت اوووبا السيرفو ضرب او الماستر العمومي مشيت بالعافية لحد الميكانيكي كشف وقالي ماستر عمومي اتصدمت وقولت رزقها نزلت جبت واحد من عند المصرية ب 400 جنية و ركبتو و غيرت زيت وكل حاجة زي الفل قولت طب اشوف الزيت لقين زيت الفتيس بيودع قولت خلاص بكرة اروح مقار وامري لله غيرت زيت موتور و زيت باور و فلتر زيت وفلتر بنزين بس المشكلة كانت زيت الفتيس طلع محروق مرتضتش اغيرو لحسن يقفش زودتو و غيرت فلتر تكيف بس اسعار الفلاتر زادت شوية ، المهم دفعت فلاتر وزيوت 1000 مقفولة و ماستر 400 و مصنعية فك وتركيب و زيت باكم 80 جنية و شكلي هركنها برضو
مهو كل واحد ونيتو بقي

كلام حقيقي فعلا