برجاء المساعده ضروري حاسس اني هتورط وهشتري بكرا..

**عمرو عبدالله** · 01-08-2013 03:51 AM

السلام عليكم ورحمه الله وبركاته
أنا معروض عليا سكودا فنتازيا موديل 2013 (ع حسب كلامه) وحاسس اني هتورط فأرجوكم ساعدوني
أنا شفت موضوع هنا عن سكودا 2013
http://www.nilemotors.net/Nile/36415...ia-2013-a.html
والعربيه مش شبه اللي ف الموضوع دا
كمان عداد العربيه بيقول انها ماشيه 24000 كم بس الكاوتش متبهدل أووي وفيها كام خربوش كدا وراشه اكصدام ورا وكمان ف كسر ف فانوس مرايه بس كل دا مش مشكله _ اللي مقلقني موضوع الكاوتش دا وخايف ليكون ملعوب ف العدادا
هي فنتازيا أول فئه أتوماتيك وعاوز 177 ألف
أنا هحط صور للعربيه وانتو احكمو وأنا هاخد برأيكو ان شاء الله
وياريت لو حد يعرف يسعرهالي ويقولي تمنها كدا كويس ولا غالي؟؟
وياريت كمان تقولولي ازاي اعرف اذا كان العداد ملعوب فيه ولا لا ؟؟
رجاء ردو عليا بسرعه عشان المفروض اني هشتري بكرا
أخوكم :- عمرو

<
<
http://im38.gulfup.com/YT15a.jpg
http://im38.gulfup.com/mYdyT.jpg
http://im38.gulfup.com/W6jJG.jpg
http://im38.gulfup.com/mGF8b.jpg
http://im38.gulfup.com/b0mdp.jpg
http://im38.gulfup.com/pzk1Y.jpg
http://im38.gulfup.com/Z5wbh.jpg

**Hunting_Eagle** · 01-08-2013 04:08 AM

النصيحة الوحيدة اللي اقدر افيدك بيها اوعى تشتري وانت مش مقتنع مليون الميه و اوعى تتسرع ابدا ابدا ابدا

خد وقتك و اسال كويس و اتاكد من كل حاجة

وانا لو منك ما اشتريش بكرة اعتذر وخدلك كام يوم تفكر ولو راحت منك ان شاء الله ربنا هيعوضك احسن منها انت بتدفع مبلغ كبير

اسف على الاطالة وان شاء الله اصحاب الفنتازيا يفيدوك

**عمرو عبدالله** · 01-08-2013 04:13 AM

المشاركة الأصلية كتبت بواسطة hunting_eagle

النصيحة الوحيدة اللي اقدر افيدك بيها اوعى تشتري وانت مش مقتنع مليون الميه و اوعى تتسرع ابدا ابدا ابدا

خد وقتك و اسال كويس و اتاكد من كل حاجة

وانا لو منك ما اشتريش بكرة اعتذر وخدلك كام يوم تفكر ولو راحت منك ان شاء الله ربنا هيعوضك احسن منها انت بتدفع مبلغ كبير

اسف على الاطالة وان شاء الله اصحاب الفنتازيا يفيدوك

أنا مقتنع بالعربيه كعربيه يعني _ بس مسأله الكاوتش مخوفاني ان العداد يكون مقلوب
ياتري عند حضرتك طريقه تعرفني اذا كان فعلا مقلوب ولا لا؟؟
والسؤال التاني هي كدا غاليه ولا لا؟؟

**Hunting_Eagle** · 01-08-2013 04:21 AM

المشاركة الأصلية كتبت بواسطة عمرو عبدالله

أنا مقتنع بالعربيه كعربيه يعني _ بس مسأله الكاوتش مخوفاني ان العداد يكون مقلوب
ياتري عند حضرتك طريقه تعرفني اذا كان فعلا مقلوب ولا لا؟؟
والسؤال التاني هي كدا غاليه ولا لا؟؟

انا اسف والله معنديش خبرة بالامور دي ولا بالتسعير

انا بس علشان اتسرعت قبل كده في الشراء فحبيت انصحك

انتظر ردود الخبراء هيفيدوك ان شاء الله

بالتوفيق

**طارق _عبد السلام** · 01-08-2013 04:25 AM

هى العربيه من الصور مفيش مشكله والموجود بها عادى بس 2013 ومشيت 24 الف كيلو امتى ده هى لو بدايه 2013 يعنى مشت 7 شهور كتير قوى بس عادى فيه ناس سفرياتهم كتير
وبالنسبه للكاوتش مع الكيلو المقطوع بردوا عادى هما لو عايزين يقلبوا العداد هيقربوا شويه يعنى هتبقى 10 الاف مثلا لان 24 كتير على الموديل
ولو عايز تتأكد من الكيلوات اكيد العربيه بتعمل صيانه فى التوكيل شوف الفواتير وشوف اخر صيانه لها كان العداد كم كيلو
بس دى مش اول واخر العربيات
يعنى عايز فانتازيا فيه كتير ان شاء الله مش من اول عربيه هتحس انك بيتنصب عليك خد وقتك وشوف اللى انت مقتنع بيه

**طارق _عبد السلام** · 01-08-2013 04:36 AM

وعلى فكره بردوا الاكصدام الامامى مع ان شكله متبهدل بس معفر بويه بردوا لاحظتها من الاجناب بعد تكبير الصوره
وعند فوانيس الشبوره

**mohamed_e36** · 01-08-2013 04:39 AM

انا شايف العربيه ما شاء الله عليها ولو على حكه المرايا فدي ولا حاجه انت وانت ماشي في الشارع ممكن تلاقي عيل بتكتك داخل مزنق عليك ويعمل حاجه زي دي فمتدققش في الحاجات الصغيره دي والكوتش شايفه معقول بس اكشف عليها في مكان محترم وشوف الفواتير بتاعه الصيانه زي ما استاذ طارق قال والعربيه بيبان عليها لو ماشيه كتير او لأ وحاول تاخد معاك حد بيفهم
اتوكل على الله وامشي في الموضوع ولو كانت من نصيبك ربنا هيسرلك فيها ولو ملكش نصيب فهي مش اخر عربيه يا اما تشتري زيرو وتريح نفسك

**عمرو عبدالله** · 01-08-2013 04:41 AM

المشاركة الأصلية كتبت بواسطة طارق _عبد السلام

هى العربيه من الصور مفيش مشكله والموجود بها عادى بس 2013 ومشيت 24 الف كيلو امتى ده هى لو بدايه 2013 يعنى مشت 7 شهور كتير قوى بس عادى فيه ناس سفرياتهم كتير
وبالنسبه للكاوتش مع الكيلو المقطوع بردوا عادى هما لو عايزين يقلبوا العداد هيقربوا شويه يعنى هتبقى 10 الاف مثلا لان 24 كتير على الموديل
ولو عايز تتأكد من الكيلوات اكيد العربيه بتعمل صيانه فى التوكيل شوف الفواتير وشوف اخر صيانه لها كان العداد كم كيلو
بس دى مش اول واخر العربيات
يعنى عايز فانتازيا فيه كتير ان شاء الله مش من اول عربيه هتحس انك بيتنصب عليك خد وقتك وشوف اللى انت مقتنع بيه

يعني انت شايف ان موضوع الكاوتش والعداد دا ما أقلقش منه؟؟
اللي مخليني متمسك بيها الي حد ما اني للاسف بعت عربيتي قبل ما اجيب واحده تانيه وللأسف بقالي تقريبا شهر ونص متبهدل ع الاخر من غير عربيه وكل الاسعار للفنتازيا غاليه أووووووي أو مخبوطه أو موديل قديم دي الوحيده اللي مناسبه ليا الي حد ما .. والله المستعان وألف شكر لحضرتك

-

الموضوع: برجاء المساعده ضروري حاسس اني هتورط وهشتري بكرا..

LinkBack

أدوات الموضوع

عرض

-

-

-

-

المواضيع المتشابهه

فتحة سقف صنى 2004 - برجاء المساعده ضروري

حد يساعدني ضروري عشان حاسس اني اضحك عليا

اتصرف ازاي دلوقتي برجاء المساعده ضروري جدا انا فموقف غرييييييييييب

برجاء المساعده ضروري جدا

برجاء المساعده ضروري

الكلمات الدلالية لهذا الموضوع

المفضلات

المفضلات

ضوابط المشاركة