الموضوع: تستاهل البي ام و لا بلاش منها !!

المشاركة الأصلية كتبت بواسطة m.ayman

انا معرفش اسعار قطع الغيار في اللانسر ايه بس ابسط حاجه علبه الدركسيون سعرها استيراد ١٠٠٠ جنيه مش ٤٠٠٠ غير بقي لو جديده معرفش تعمل كام ...... الدبانه فعلا اسعار قطع غيارها حلوه جدا هتسرفس يعني زيت شل اصفر ٥٠٠٠ مع فلتر بنزين مثلا سعرهم مش غالي عادي زي اي عربيه عاديه ايه تاني مخوفك منها !؟ .... مع العلم حاجتين تاخد بالك منهم اولا حالة العربيه اللي هتاخدها جيب عربيه خلصانه مش محتاجه جنيه افضل من انك تعمل واحده ثاني حاجه متسمعش كلام واحد بس او تاخد رأي واحد بس اسأل كتير و اسمع اراء كتير منها الفتي و منها الجد الاسعار مش اول تاجر تشتري منه لف و اسأل و اعرف رينج الحاجه كام سعره حلو ولا غالي حاله الحاجه ايه .... الكلام ده بقي بالتعود واحده واحده هتمشي فيه ان شاء الله

يا سلام عليك طمنتني ...
بس فيه ناس بتقول ان اسعار الدبانه في قطع الغيار معقوله
انما اسعار موديلات من 99 ل 2002 هو اللي غالي شويه
الكلام ده صحيح ؟

المشاركة الأصلية كتبت بواسطة youssef_nassef

بص يا بيه فى فرق شاسع جدا بين الكريستاله و البى أم مش بس فى أسعار قطع الغيار والصيانه بس كمان فى فرق الثبات والأداء و عزم و إمكانيات العربيه ولو ركبت بى إم مش حتعرف تركب لانسر تانى أبدا و بالنسبه انك بتقارن بين E36 و E34 فدى حاجه و دى حاجه تانيه خالص الE36 عربيه شبابيه وصغيره مقارنه ب E34 وانا عن نفسى ركبت الأتنين و مبسوط من الE34 أكتر مع انها 518 والE36 كانت 328 بس انا مش بقارن مواتير علشان المقارنه مش حتبقى فى صالح ال 1800 c.c بس العربيه أكبر و أعرض وأريح و أثبت وغير الكماليات بتاعتها الفابريقه أكتر بس المهم زى ما قال الزميل انت محتاج أيه من العربيه

انا متفق معاك جدا انه فيه فرق في القوه و الثبات و الاداء بين الاتنين
انما ايه حكايه فرق شاسع في اسعار قطع الغيار و الصيانه دي
انت هتوغوشني ليه

من ناحيه ال e34 - و ال e 36
بيتهيألي لو جبت e 34 - 318 من موديل 99 الي 2001 .. هتبقي زي الفل من حيث الشكل ( صغيره و شبابيه ) و من ناحيه استهلاك البنزين ,,, و خصوصا لو طلع موضوع البنزين الجديد ده بجد