الموضوع: كسرلوا عربيتوا لانوا وقف قدام محلو في رمضان !!

(سبب)
كل دة أن المصرى لا يعيش عيشة أدمية فيجد مهانة فى ركوب المواصلات الغير أدمية ويجد مهانة فى طابور العيش وفى جودتة واللى سايق عربية يجد مهانة فى زحمة الطرق وفى أن يجد مكان لركن سيارتة

(ألأسباب) عدم أنشاء مدن جديدة حتقولى أزاى دة فى مدن جديدة كتير حقولك دى بدون خدمات حقيقية ولا أى أهتمام ولا أمن وبتبقى كل ألأسعار بها أغلى بكتير عن القاهرة.

(الحل)
أعطاء ألأهمية والخدمات للمدن الجديدة يعنى مواصلات مجانية منها وأليها -كهرباء مدعمة -أعفاء 50% من جمارك السيارات الخاصة بتلك المدن.

المشاركة الأصلية كتبت بواسطة hugan

اهي الحادثه د ي اللي ها تجنني
كل يوم اتابع اخبار الحوادث
اني الاقي خبر القبض علي وكيل النيابه والتحقيق معاه
مفيش
ولا حس ولا خبر
وفي الغالب القضيه هاتتشطب علي قتل خطاء
والباشا يرجع مكتبه وشغله بالسلامه
والاثنين اللي ارواحهم راحت في لحظه ولا ليها ثمن

و الله لما يعنى ربنا يعافى الجميع تلاقى عربيتك اتكسرت من واحد سايق غلط و كمان بيتعدى على ابوك و يضربه هتعمل ايه خصوصا ان الناس دى مش هتسكت و تعترف بغلطها يعنى هتضربك انت كمان هتعمل ايه و كمان عاوزة تموتك ؟؟

الناس وحشة جدا بطريقة مش عارف تحس انهم متصلتين على بعض بطريقة غريبة عامل زى ما يكون مدفوعين على بعض واضح ان العيب من الناس و الناس بيجيلها حكام من نفس التوب و الصفات دى الفكرة ببساطة يعنى لا ينفع رئيس اليابان يحكم مصر و لا رئيس مصر يحكم اليابان لان الناس هنا غير هنا فى كل حاجة و الغريبة ان الناس اللى ما ينفعش نقول عليها ناس هى اللى مبسوطة باللى بيعملوه و احنا الناس اللى عايزين نبقى محترمين بنعانى و بيتحرق دمنا و اعصابنا كل يوم و الظاهر طول العمر

المشاركة الأصلية كتبت بواسطة y a r i s

ياباشا. اذا الموضوع زيت ومية وسخه فعادي .
بيني وبينك انتا المفروض تشكر الراجل ده الي بيدلقلك زيت وميه وسخه على العربية بتاعتك كل يوم ... واول ما تشوفوا تقولوا تسلم ايديك يا سيد الرجالة تسلم ايديك يا سيد المعلميين ... واذا في يوم رحت ما لقيتش العربية مدلوق عليها حاجة ياريت تسئل على الراجل وتطمن عليه ليكون عيان او مريض او تعبان ولا حاجة ( ميصحش ) لازم تتطمن على الراجل هههه واديك شفت للي حصل لبتاع الفيفا يدلق على العربية اي حاجة اهون مليون مره من انوا يطلع يطنطط فوق سقف العربية :)

هيا الناس دي بتكرهنا كده لييييه ... كل ده علشان احنا عندنا عربيات وهما لأه. ولا خلاص الاخلاق فعلاً انعدمت بهذا الشكل !!!
حتى بتاع عربية الكبدة حاطط راسوا براس صاحب عربية ملاكي حسبي الله ونعم الوكيل . .

ياباشا هي جت علي بتاع عربيه الكبده.شفت بتوع المتوسيكلات ولا التكاتك بيعملوا إيه لو شاف عربيتك لسه مدهونه ولا حس بس إنك مؤدب ولا عندك شويه إحترام.يلااااااااهوي والله عندكوا حق في كل اللي بيتقولوه.مين اللي قال إن الشعب المصري أحسن شعب( أكبر كدبه في التاريخ)

المشكلة مش في الناس. المشكلة أن القانون مش مطبق. ما فيش نظام و لا أي حاجة ماشيين عليه. هو الاسلام نزل علي مين. علي الكفار. يعني ما فيش أكتر من كده و لا أسوأ من كده و مع ذلك خلاهم ايه؟ طب ليه خلاهم أحسن الأمم؟ عشان نظام محترم و اتطبق صح. احنا بقي ما عندناش لا دين مطبق و لا قانون و لا نظام و بالتالي البلد أصبحت غابة و فيها حيوانات بتنهش في بعضها و تعتدي علي بعضها الا من رحم ربي. و طبعا الغابة ديه فيها شوية ناس محترمين زي حضراتكو و مش عارفين يعيشو وسط الحيوانات. ربنا يهدينا و يرحمنا.

ومن كل ما سبق نستنتج ان العيب مش فى مبارك او مرسى او السيسى او اى حاكم هييجى. الشعب المصرى تجرد من الأخلاق والقيم ( الا من رحم ربى ) لذلك استحق الفساد والمرض وضيق العيش والظلم والفجور وظلم الحكام وسوء الحال.
اللهم أخرجنا من هذه القرية الظالم أهلها وأحسن خواتيمنا وعافنا واعف عنا واحفظنا وأهلينا من كل سوء وردنا الى دينك ردا جميلا.

للاسف مفيش تغير
دي ثقافة اولا واخيرا !