من ساعه ما ركبت بي ام والناس بتقولي البي ام بتشرخ من البطاحات بتاعتها بتشرخ الصاج يعني المشكله دي الحمد الله لسه ماحصلتش معايا عاوز اعرف لو حصلت ايه الحل فيها ودا عيب جامد ولا ايه وازاي اتفادي انه يحصل
عرض للطباعة
من ساعه ما ركبت بي ام والناس بتقولي البي ام بتشرخ من البطاحات بتاعتها بتشرخ الصاج يعني المشكله دي الحمد الله لسه ماحصلتش معايا عاوز اعرف لو حصلت ايه الحل فيها ودا عيب جامد ولا ايه وازاي اتفادي انه يحصل
فعلا انا سمعت كدة و شفت عربي بعيني كدة و عادي بتتباع و تشتري كأن مفيش حاجة !
شكرا ياباشا علي الرد وياريت الخبراء يفيدونا
حط شداد على البطاحات و متقلقش
علي حد معرفتي علشان تحافظ علي البطاحات التزم دايما بتغيير المساعدين والسوست بصفة دائمة بمعني الوقت بتاعها لما ييجي عليه تغييرها غير علي طول ،،،
المساعد او السوستة لما بيستهلك فيها العمر الافتراضي بيبدا يخبط في البطاجات مع المطبات وبالتالي الشروخ تبدا تظهر .
وشكرا
مع احترامي للزميل
انا عندي راي العربية بيحصل فيها درجة ايمالة يمين او شمال علي حسب المطب فالعربية لازم تاخد راحتها لتحت في الميل . بالتالي انت بتاثر كده علي المساعد التاني في الشد ما بينهم .
وده راي الشخصي .
شكرا
زي ما قال ياسر لما المساعد بيبوظ بيخبط في البطاحة و ده اللي بيشرخا من فوق و ده حله طبعا انك باستمرا تشيك علي المساعدين و السوست و تغيرها لما تبوظ علي طول ---
و زي ما قال فهد لو مش مركب شداد -- البطاحة بتشرخ بردو بس من الجنب و حلها طبعا انك تركب شداد علي البطحتين و بكده تكون المشكلة انتهت
العيب ده موجود بكثرة في الموديلات الخاصة بالفئة الثالثة من 1990 الي 2002 e36- e46
لكن قليل اوي في باقي الموديلات
و بردو لو لا قدر الله حصل -- اي سمكري بيعالج المشكلة دي عادي بس طبعا بيقلل في سعر العربية شوية .
العلاج ده بيتضمن رش حولين البطاحة؟؟
مع كامل احترامي لكن الناس اللي ردت .. مشكلة البطاحات اللي بتشرخ ده في e46 اللي من 1999 الي 2006 . وبعد كده الشكل الحديد مفيش المشكلة دي و ال e36 مفيهلش القصة دي .. ودي سببها ان لما المساعدين بتتعب و صاحب العربية بيكبر دماغة بتشرخ بطاحات .. و لو عايز تعرف هي معمولة وﻻ ﻻ . هتﻻقي رقمين على البطاحتبن . رقم في كل ناحية موجود في دايرة .. اتاكد انه موجود . ده فيما يخص الشروخ