استفسار بخصوص الفافوريت

**wiisha** · 03-08-2013 03:48 PM

عايز اعرف مكانيكى و عفشجى للفورمان بس حد يكون نضيف و بيفهم و معنمد و يا سلام لو كان فى حلوان او المعادى على خط الاوتوستراد
عياز حد شغال سكودا بس مخصص فيها عشان اريح نفسى

**wiisha** · 04-08-2013 10:36 PM

طب مكنيكى كويس يبوص عليها فين طيب و قطع الغيار اجبها منين

**sakr_skoda** · 04-08-2013 11:16 PM

ياريت تبقى تنشر موضاعاتك فى قسمنا الجديد....*

قسم خاص بسيارات سكودا فيفوريت وسكودا فليشيا - نايل موتورز - NileMotors.net

اما بالنسبة لمشكلتك احنا هنا بنحاول نساعد بعض فى المشكلات اللى ممكن نعملها بنفسنا فياريت توصف لينا مشكلتك مع الفورمان وممكن تجد حل او على الأقل خد فكرة علشان لما تروح للدكتور متبقاش وقف تسمع منه اى هلافت وخلاص واهو كلو فى السكلنس وحضرتك مش فاهم حاجة فا احنا بس نعرف المشكلة وانحاول نشخصها بحيث تروح للدكتور تقولو لو سمحت اخلع الضرس الثالث فوق يمين ههههههههههه

**aw2100** · 05-08-2013 12:06 AM

1000 مبروك على الأسكودا هو صوت الموتور بيبقى عالى شوية طبيعى علشان سير التقسيمة بتاعها جنزير حديد مش سير كاوتش وده بيبوش فبيعلى صوت الموتور شوية واغلب الميكانيكية بيحبوا يفتحوا التكايات شوية علشان الحر حتحتاج تعمل ليها صيانه تغيير فلاتر وزيت موتور وفتيس وفرامل وبالنسبة للبنزين تمشى بال80 عادى بس طبعا السحب بيبقى ضعيف شوية لكن بال92 بتبقى طلقة وبالنسبة للميكانيكى طبعا بتحتاج ميكانيكى متخصص وخصوصا لو فية شغل فى الموتور لكن فرامل او كبالن مش مشكلة وبالنسبة للعفشة اى عفشجى كويس يشتغل فيها عفشتها بسيطة جدا تحياتى !!

**أحمد جودة** · 07-08-2013 11:07 AM

المشاركة الأصلية كتبت بواسطة wiisha

عايز بقى الميكانيكى المتخصص ده الاقيه فين

أهلا بيك فى المنتدي أنا كمان من حلوان وكنت بتعامل مع كذا واحد لحد ماا أستقريت عن واحد اسمة نبيل فى مساكن حلوان هوة بيشتغل فى كل العربيات بس اخو شغال فى شركة الاقصي اللى بتعمل صيانة للاسكودا

الميكانيكي مستواة كويس وبيعمل كل اللي فى العربية واخوة بس بيعمل الحاجة الفنية اوي بالنسبة للموتور والحمد لله محتاجتش تدخله حتي الان

أهلا بيك مرة تانية