الموضوع: مفتاح جين 2 علق فى الكونتاكت لمدة 7 ساعات

المشاركة الأصلية كتبت بواسطة al-farooq

لا انتي فهمتيني غلط ، اقصد لو حد طلب تعديل بحيث المفتاح يطلع على ال n دي حاجة فنية زيادة و مش بيعملوها وإذا عملوها بيخرجوا الفتيس من الضمان ، فاللى قصدته بس ان المشكلة بتاعتك ان شاء الله مش كبيرة ممكن يعملوها بسهولة ، إنما دة ضمان 100% ومفيش خروج من الضمان ولا حاجة و روحي معلش شوفي المشكلة تاني و قولي لهم على السوستة دي ، وياريت تروحي على عصام وصفا أحسن دة افضل مركز خدمة معتمد.

بالمناسبة الفراكنوا مخالف لقوانين المنتدي!.

بخصوص قفل الدركسيون ، انتى بعد ما 1- تطلعي المفتاح 2- تلفي الدركسيون ربع لفة لليمين او الشمال هتلاقي الدركسيون قفل ومش بيتحرك للناحية اللى كنتي بتلفي فيها ، ولما تجي تشغلي العربية و هتدخلي المفتاح مش هيدخل إلا لما 1- تكوني محركة الدركسيون سنة بسيطة للناحية اللى ممكن بيتحرك فيها "عكس اتجاه القفل" 2- ومثبتاه بإيدك لحد ما تدخلي المفتاح . "لحسن تقفليه وتقولي المفتاح لا بقي بيدخل ولا بيخرج :d "

شكرااااااااا يا فندم
و انا اسفه على الفرانكوا .. انا بس حروف العربى ممسوحه عندى .. بس شكرا بردو انك نبهتنى .
هحاول اروح عصام و صفا بكرة ان شاء الله .. بس معلش عايزة العنوان بالضبط عشان كل اللى اعرفه انه عند السندباد .
هجرب قفل الدريكسيون زى ما حضرتك شرحتلى.
و جزاكم الله كلكم كل خيرا