اية رايكم فى الميجان الاكستريم واخبار اعادة البيع اية و هل فى اختلاف فى قطع الغيار غير الفوانيس الخلفية و شكرا و متوسط سعرها لل موديل 2007 او 2008
و لو اكشف اكشف فين قريب من مدينة نصر
عرض للطباعة
اية رايكم فى الميجان الاكستريم واخبار اعادة البيع اية و هل فى اختلاف فى قطع الغيار غير الفوانيس الخلفية و شكرا و متوسط سعرها لل موديل 2007 او 2008
و لو اكشف اكشف فين قريب من مدينة نصر
على ما أفتكر الأكستريم مفيش فيها إختلافات عن العادية غير شوية كماليات زي العتب و السبويلر و الجنوط.
الفوانيس واحدة......بس الميجان من 2007 و أنت طالع فوانيسها متغير عن قبل 2007.
ممكن تكشف فى التوكيل فى العبور و ده الأضمن أو فى فرنش موتورز فى الرحاب.
شكرا يا استاذ احمد على ردك الكريم انا قصدى ان الفوانيس الخلفية مختلفة عشان دى الاستيشن وكنت عاوز اعرف اية الحاجات اللى لو ظهرت ابعد عن العربية خالص و اية الحاجات اللى هيا عادية ممكن الواحد يشترى عادى اللى هيا مش عيب قاتل فى العربية او حاجات استهلاكية؟؟؟؟؟ و شكرا
العفو يا باشا
بص هو الحاجات الرئيسية الموتور و الفتيس و الدواخل.........غير كده حاجات إستهلاكية وارد أن يكون فيها حاجات بايظة أو بمعنى أخر محتاجة تغيير فى نظر التوكيل.
طبعاً التوكيل بيشوف الحاجات اللى مستواها مثلاً 60 أو 70% من الجديد و بيقولك أنها محتاجة تغيير.....منه إخلاء مسئولية و منه مصلحة لو العميل غير.
يعني لو قالك مساعدين ممكن تلاقي حالة المساعدين تمشي العربية سنة أو أكتر بدون مشاكل.
هقولك على حاجة تانية ألعن شوية........أنا مركب مساعدين كوني......لو رحت بكرة أكشف على العربية هيقولي محتاجة تغيير مساعدين.......علشان المساعدين اللى راكبين هما ميعرفهمش مش أكتر.
الف شكر لحضرتك مرة تانية و كل عام و حضرتك بخير
و انا قدامى واحدة استيشن 2008 كاملة من غير بانوراما ولا فرش جلد بس كل حاجة تانية موجودة التكييف التاتش و كدة... رشة رفرف يمين ورا نتيجة خبطة فوق داير الرفرف ومرمات بسيطة انا لسة مرحتش التوكيل بس حالتها العامة بالكشف المبدئى 80 فى المية ....
هيا وصلت معايا لحد 68000 الف و اظن ممكن تتهز شوية كمان المرش بتاعها بيتاخر فى الدوارة بس بتدور من تالت مرة كدة
دة اللى ظاهر قبل الكشف ....
اية راى حضرتك فى السعر كمان؟؟؟