استفسار لوحوش الميجان

**drmomoking** · 03-08-2013 07:44 PM

اية رايكم فى الميجان الاكستريم واخبار اعادة البيع اية و هل فى اختلاف فى قطع الغيار غير الفوانيس الخلفية و شكرا و متوسط سعرها لل موديل 2007 او 2008

و لو اكشف اكشف فين قريب من مدينة نصر

**Ahmed Selim** · 04-08-2013 02:26 AM

على ما أفتكر الأكستريم مفيش فيها إختلافات عن العادية غير شوية كماليات زي العتب و السبويلر و الجنوط.

الفوانيس واحدة......بس الميجان من 2007 و أنت طالع فوانيسها متغير عن قبل 2007.

ممكن تكشف فى التوكيل فى العبور و ده الأضمن أو فى فرنش موتورز فى الرحاب.

**Ahmed Selim** · 04-08-2013 11:05 PM

العفو يا باشا

بص هو الحاجات الرئيسية الموتور و الفتيس و الدواخل.........غير كده حاجات إستهلاكية وارد أن يكون فيها حاجات بايظة أو بمعنى أخر محتاجة تغيير فى نظر التوكيل.

طبعاً التوكيل بيشوف الحاجات اللى مستواها مثلاً 60 أو 70% من الجديد و بيقولك أنها محتاجة تغيير.....منه إخلاء مسئولية و منه مصلحة لو العميل غير.

يعني لو قالك مساعدين ممكن تلاقي حالة المساعدين تمشي العربية سنة أو أكتر بدون مشاكل.

هقولك على حاجة تانية ألعن شوية........أنا مركب مساعدين كوني......لو رحت بكرة أكشف على العربية هيقولي محتاجة تغيير مساعدين.......علشان المساعدين اللى راكبين هما ميعرفهمش مش أكتر.