الموضوع: مهازل فى وحدة مرور طنطا (تجربتى لفحص وتجديد رخصة تسيير الموتوسيكل)

المشاركة الأصلية كتبت بواسطة graffittiii

تقرير أقل مايقال عنه أنه إحترافي جدا ... مشكور elawany باشا .

تجربتي مع مرور طنطا :
أخر مرة لقيت طلعلي فـ الرخصة السعة اللترية مكتوبة غلط 1000 سي سي .
رجعت للموظف قالي قدامك حل من أتنين
1- تمشي بيها كده no one gonna know .
2- ترجع لمهندس الفحص يفحص تاني ويمضيلي علي السعة الصحيحة ( مع العلم أن المفروض هو عنده ملف العربية اللي بيقول أنه الموتور اللي رقمه كذا سعتة اللترية كذا دا غير الرخصة القديمة وأصلا دي غلطة الموظف مش غلطة فحص )

الساعات اللي قضيتها فـ الفحص وإستخراج الرخصة كانت كفيلة بحسم القرار وأختيار الحل الأول بدون تردد ...

أكتب ياعم اللي أنت عايز تكتبه إن شاالله تكتكب من غير موتور خالص المهم لما أطلع الرخصة فـ أي لجنة نظريا الرخصة سليمة .

أعوذ بالله من مرور طنطا ومن موظفينه
زمان كنت كل مرة باخد الرخصة ومببصش فيها
بس لما لاقيت الناس اللى بتستلم رخصها كلها فيها مشاكل قلقت
وطلعت الرخصة القديمة وقعدت ادعبس واقارن

بفكر امشى بيها كده وخلاص ولحد دلوقتى مصلحتش الغلطة
ومعنديش استعداد اروح واتلطع هناك بالساعات علشان احط الزيرو فى رقم الشاسية
منتظر يردوا عليا فى الشكوى ولو أتأخروا هبعت فاكس لوزراة الداخلية
ونشوف اخرتها ايه
نفسى يطلعوا محترمين ويصلحوا غلطتهم ويبعتهوالى لحد البيت
طبعاً اللى بقوله ده أوهام وأحلام متحصلش فى مصر

أنا عندى الغلطة حصلت من الموظف فى آخر مرحلة لما كتب الاستمارة اللى بتروح الكمبيوتر
لما راجعت الفحص لاقيت رقم الشاسية مضبوط
علشان كده حملت المشكلة على الموظف

واضح من مشكلتك انها حصلت فى أورنيك الفحص بدليل انه بيقولك افحص تانى

متهيألى المشكلة اللى عندك واللى عندى مش هتعملنا مشاكل فى الكمائن
انما اكيد هتعمل مشكلة لو حبيت تبيع
لإن التوكيل أو العقد المسجل بيتكب فيه التفاصيل ديه

ومش عارف لما اجى افحص تانى بعد كده ويلاقى اختلاف بين الواقع وبين الرخصة
هيحصل مشكلة ولا ايه ؟

ربنا يرحمنا برحمته
ونورت الموضوع ياباشا