زيت الباور بيسقط على الشاسيه

**Badrowi** · 02-09-2008 10:31 AM

انا فوجئت امبارح بوجود زيت متسرب على شاسيه العربيه من الناحية الشمال وانت فاتح الكبوت
ولاحظت والعربية باردة ان إربة الزيت بتاع الباور اللى ناحية الشمال(الزيت الاحمر) الزيت عند العلامة min
وفى ناس اصحابى بصوا عليها وقالولى ان الافيز بتاع الخرطوم العريض اللى خارج من المكنة عايز يتربط او يتغير لو باظ
وان الزيت ممكن يتغسل عادى من غير ما ياثر على العربية
فهل الكلام ده صحيح والموضوع سهل وممكن نربط الافيز او حتى نغيره ولا الموضوع اكبر من كده

**MMamdouh** · 02-09-2008 11:24 AM

ممكن صورة لمكان التسريب؟؟

MMamdouh

**Badrowi** · 04-09-2008 12:34 PM

الجزء اللى فيه المعجون

**MMamdouh** · 06-09-2008 05:26 PM

مش واضح اوى من الصورة فين مكان التسريب لكن عموما الافيز اللى فى الصورة فى حتة شكلها مزنوقة جدا و صعب التقريط عليه زى الناس

MMamdouh

**sab3aawy** · 07-09-2008 09:44 AM

تعليق سريع على احدى نقاط الرسالة:

زيت الباور بالفعل هو نفسه زيت نقل الحركة الأوتوماتيكى، نفس الزيت بيستعمل هنا وهناك، فقط يجب معرفة اذا كانت ماكينة الباور او الفتيس عندك بيحتاج زيت درجة ديكسيرون Iiوللا درجة ديكسيرون Iii (ايا كانت الشركة المنتجة للزيت،شل ،أسو ،توتال، امارات مصر...الخ بيكون متوضح على العلبة درجة الزيت، والنوعين موجودين فى المحطات فى مصر)، وده بيكون متوضح على غطاء علبة الباور او فى كتالوج السيارة

**Sherif Khalifa** · 23-09-2008 05:24 AM

انا عندى نفس المشكلة

هل انت حليت المشكلة ولا لسة ؟

**Badrowi** · 23-09-2008 10:06 AM

الحمد لله تمكنت من حلها
احد زملاءى فى العمل بيفهم فى العربيات
ترك العربية لحد ما تبرد خالص وده اهم حاجة علشان يعرف يدخل ايده
المشكلة كانت ان شفة الانبوب المعدنى كانت يدوب جوه شفة الخرطوم الاسود ةالافيز مربوط على خفيف
فزميلى دخل الانبوب جامد جوه الخرطوم لمسافة تعادل صابع تقريبا
واتاكد من كده بانه تنى الخرطوم سنة كدة علشان يشوف الانبوب اخره فين
وربط الافيز جامد
ومن ساعتها الحمد لله والحياة حلوة
وفيه ملاحظه
الزيت كان بيسقط على حاجة اسمها كارتيره مش الشاسيه زى ما كنت انا فاهم

بس حاليا انا عندى حاجة مش عارف دى مشكلة ولا شئ عادى
انا والعربية واقفة مبتتحركش وهى دايرة لو جيت الف الطارة يمين او شمال عادى ماسمعش او احس بحاجة
بس لو لفيتها نتش خفيف كدة ياباسمهسمع صوت تكة
ده ممكن يكون من ايه