محتار ما بين samsung galaxy note 10.1 و apple ipad

ايه رايكم التاب ده احسن

http://images.pcworld.com/images/art...t-11397865.jpg

Samsung Galaxy Note 10.1 N8000
Samsung Galaxy Note 10.1 N8000 - Full phone specifications

وﻻ ده

http://www.altatak.com/images/Apple-ipad4.jpg
iPad with Retina display with Wi-Fi + Cellular 16GB
Apple iPad 4 Wi-Fi + Cellular - Full phone specifications

مع العلم اني مستخدمتش حاجة من ابل قبل كده وسامع انه سيستم قوي بس خنيق

مستخدم للاندرويد بس عندي احباط شوية من البرامج اللي في الماركت

فايه رايكم ما بين الجهازين وهل الماركت مختلف في الابل عن الاندرويد

لو عندك احباط من ماركت الاندرويد
حيجيلك تهيؤات من ماركت الابل وممكن يجيلك توحد ههههههههههه
الاندرويد 95% فري و5% بفلوس واللي بفلوس ممكن تنزلهم من البلاك ماركت
الابل العكس تماما الابليكيشن الفري حاجات تافهه جدا وممل في طريقه تحميل البرامج والتعامل
انا بشتغل سوفت وير وزمان كنت بشتغل نغمات وابليكيشن
ولحد النهارده مبعرفش انزل اغاني للابل ((: هههههههههه

حضرتك انا معايا النوت عشره وبصراحه جهاز تحفه ولكل الاستخدمات سواء رجال اعمال او جايمز او ميديا
اما بالنسبه لابل فا بصراحه ماستحملتهوش شهر وخنقنى
ولحضرتك الاختيار طبعا

بص انت ممكن تختار ما بين ايفون وتليفون تانى زى جالاكسى مثلا او غيره ده بيبقى مزاج
لكن عند التابلت. يبقى الأيباد بلا اى تردد أو منازع, لا يوجد ما يقارن بالأيباد

متابع .

شوف ... أنا متحيز جداً للأندرويد، لكن لو بتقارن ما بيت السامسونج نوت 10 والآيباد يبقى الآيباد يكسب مفيش كلام خصوصاً الشاشة.


بس خد في اعتباراك الآتي.

1) الآيباد أغلى بكتير.

2) نسخة الآيباد الـ 16 جيجا هتبقى خنيقة جداً والمساحة المتاحة قليلة.

3) لو صبرت كام شهر (نوفمبر أو ديسمبر بالكتير) هتنزل نسخة جديدة من الـ Nexus 10.

دي هتبقى خرافة وأقوى من الآيباد كمان.

وعموماً النسخة الحالية من Nexus 10 قوية جداً وأحسن من النوت بمراحل من ناحية الشاشة.
Samsung Google Nexus 10 P8110 - Full phone specifications

وعموماً ماتشتريش تابلت الـ PPI بتاع الشاشة بتاعته واطي. لأن نقاء الصورة والنصوص لما يكون الـ PPI عالي بيبقى تحفة ومجرد النظر للشاشة ممتع للعين، بعكس لما يكون الـ PPI واطي.

اقتباس:

---

المشاركة الأصلية كتبت بواسطة SHNORY

لو عندك احباط من ماركت الاندرويد
حيجيلك تهيؤات من ماركت الابل وممكن يجيلك توحد ههههههههههه
الاندرويد 95% فري و5% بفلوس واللي بفلوس ممكن تنزلهم من البلاك ماركت
الابل العكس تماما الابليكيشن الفري حاجات تافهه جدا وممل في طريقه تحميل البرامج والتعامل
انا بشتغل سوفت وير وزمان كنت بشتغل نغمات وابليكيشن
ولحد النهارده مبعرفش انزل اغاني للابل ((: هههههههههه

---

لا بينزل طبعا عادى جدا انا معايا اى فون5 واى باد 4 كمان وسهل جدا نزول النغمات والاغانى والافلام ليهم كمان

بس عايزه حد ايده فيهم كويس :welcome2:

انا معايا جﻻكسي نوت 10.1 هو كويس جدا وخلي اختيارك علي استخدامك
انا كل استخدامي خرايط وجي بي اس وشات وحركات فاضيه مش شغل يعني فجبت نوت

بص ياباشا , انا معايا النوت 10.1
وعاوز اقولك سيبك منه بجد , اولا الاندرويد خنيق جدا فى التابات , لسة قدامه كتير لحد ما يوصل للايباد

الايباد احسن طبعا

على فكرة انا متحيز للاندرويد بشكل عام , ومعايا نوت 2 , بس انا بقول لحضرتك الرأى المقتنع بيه

الاندرويد فى التاب مش كويس خالص

لو عايز تاب اندرويد متجيبش غير ال xperia z tablet قدامه حجات بسيطة وينزل مصر وهوة نزل السعودية فعلا ودة افضل تاب اندرويد حاليا
غير كدة يبقى الايباد من غير كلام كتير
اما لو تقدر تستنى شهرين مثلا يكون الايباد 5 نزل والنكسوس الجديد نزل وحجات تانية كتير نزلت والاختيار حيبقى احسن من كل اللى موجود حاليا

اقتباس:

---

المشاركة الأصلية كتبت بواسطة mido_soliman

لو عايز تاب اندرويد متجيبش غير ال xperia z tablet قدامه حجات بسيطة وينزل مصر وهوة نزل السعودية فعلا ودة افضل تاب اندرويد حاليا
غير كدة يبقى الايباد من غير كلام كتير
اما لو تقدر تستنى شهرين مثلا يكون الايباد 5 نزل والنكسوس الجديد نزل وحجات تانية كتير نزلت والاختيار حيبقى احسن من كل اللى موجود حاليا

---

اشتريته فعلا من السعوديه اول ما نزل بـ 2500 ريال و تحفه بصراحه

شاشه جميله

و سمك رفيع جدا , مش حاسس انى شايله

غير النوت اتعاملت معاه شويه كانت ايدى بتوجعنى و انا شايه

السلام عليكم ورحمة الله وبركاته،،،

الآيباد شاشه وهاردوير أفضل بس أنا مستحيل أشتري أبل

أنا باحس وأنا شايل جهاز أبل إني مأجره مش شاريه

تحكم رخم في البشر

ممنوع بلوتوث ممنوع تستخدمه كا فلاشايه ممنوع تنقل عليه أغاني من غير أي تيونز

أنا جبت النوت 10.1 أول أما نزل من بره ومش مضايقني في حاجه

بس أنا حاسس إني إشتريت حاجه أعلى بكتير من اللي أنا محتاجه

أنا أخري باتفرج على فيديو وتويتر وشوية تصفح

نصيحه شوف إحتياجاتك إيه وجيب على قدها وما فيش داعي تجيب حاجه أعلى من اللي إنت عاوزها عشان بس هي أجدد حاجه في السوق


أنا جبت لأخويا جهاز هواوي 10.1 كويس جداً ووقف علي بـ 2200 من مكتبة جرير في قطر

شكراً

النوت طبعا
البروسيسور اعلى والرام اعلى
بالنسبه للشاشه انا كنت قلقان منها بس اما جبته لقيت صورته حلوه جدا .....وشغال عليه قرايهمفيهوش اى مشكله
وبالنسبه للبرامج هى هيها شغاله على الموبايل او على النوت
والجيمز عليه تحفه انا قفلت لعبة Asphalt 7 وكان رهيب فى اللعب والتاتش بتاعه تحفه
وسعره مناسب واسهل فى التعامل

الايباد حلو بس سعره غالى جدا , وكاول استخدام حتلاقى صعوبه كبيره فى التعامل معاه , ولازم تنزل جيل بريك علشان تقدر تتعامل معاة بسهوله شويه

انا راى تشوف الاتنين قبل ما تجبهم ....او انك تشوف الIOS من اى حد معاه ايفون علشان تشوف الفرق

مدام هتجيب تاب خليك فى ابل التاب يعنى اى باد خصوصا لو استخدامك له فى الميديا شاشته احسن من النوت

مع اعتبار ان ios سيستم عقيم عامتا و مفهوش لعب بس ستابل و اخف بمراحل من الاندرويد

الاختيار هيرجع في النهاية لمدى حبك لأي من النظامين: الأندرويد أو ios
لو بتحب الأندرويد فالنوت 10 ممتاز وأنا عندي نوت 10 بس بصراحة مش بحب الأندرويد وبحس إني بتوه في الأيقونات الكتيرة على الشاشة لذلك سايبه للعيال لحد ما خربوه ! وبفكر حاليا أجيب الآيباد الميني لأني من عشاق أبل ومعايا آيفون 5 ومستريح فيه جدا وهو مش معقد ولا حاجة بالعكس بالنسبة لي أنا بفهم في الios أكتر من الأندرويد وكل المشاكل اللي بتسمع عنها ده على اعتبار أنها مشاكل أصلا ! ليها حلول على الإنترنت يعني مثلا موضوع تنزيل النغمات والملفات والكلام ده حله بسيط جدا برنامج مجاني تماما مساحته لا تتعدي ال7 ميجا اسمه iTools رائع بيخليك تتحكم في كل حاجة في الجهاز بدون أدنى مشكلة بدل برنامج الآيتيونز الفاشل ! فالموضوع كله محتاج من حضرتك متابعة للمواقع اللي بتهتم بالآيباد وبتكشف أسراره ولو اكتشفت أسراره هتشعر إنه جهاز رائع فعلا وفي غاية السهولة
ناهيك عن جودة كاميرا الآيباد isight مقارنة بكاميرا سامسونج
أما عن موضوع التطبيقات فأكثر التطبيقات مجانية وتقريبا لا يوجد اختلاف في التطبيقات بين الأندرويد والios لأن كل مطورين الأندرويد تقريبا بيعملوا نفس التطبيق للآيفون والعكس صحيح فمش هتلاقي مشكلة في كده ولا خلاف كبير أبدا
لكن من باب الأمانة أحب أوضحلك أن أكتر عيوب أبل عموما سواء الآيباد أو الآيفون هي مسألة عدم إمكانية إضافة كارت ميموري خارجي فبتلاقي نفسك مقيد بمساحة الجهاز اللي لو 16 جيجا مثلا فلو حضرتك من هواة الألعاب الكبيرة الحجم أو التصوير عالي الجودة فمش هتسعفك إلا لو جبت ال32 أو 64 جيجا
الخلاصة :)
لو بتحب الأندرويد هات النوت 10 .. لو بتحب الios أو مش فارقة معاك هات الآيباد طبعا وبلا تردد .. ونصيحة هات الميني حجمه ممتاز وخفيف وسهل الحمل (سعره حاليا 4000 جنيه) إلا لو كنت بتحب الأحجام الكبيرة فدي برده بترجع لاختيارك وذوقك