مشروع قانون ديفندرات لكل سيارة ... ايه رأيكم ؟؟

بسم الله الرحمن الرحيم
السلام عليكم و رحمة الله و بركاته

كل سنة و انتم طيبين

زي ما العنوان بيقول مشروع قانون ديفندرات لكل العربية بدل انه لازم يكون فيه تصريح لتركيبه لأ يبقي قانون لتركيبه
للاسف شوارعنا أصبحت جحيم في السواقة و كل مدي الأمر بيسوء
بالاضافة للحرية اللي اتفهمت غلط و كله ماشي فاتح صدره ع الخناقة فالناس اغلبها ماشيين بنظريات و قواعد من اختراعهم مثل البوز بيز او اضرب فرامل فجأة يخاف اللي وراك او الزق في اللي قدامك تعدي اسرع ده بالنسبة للملاكي اما للميكروباصات و التاكسيات فحدث و لا حرج اول ما يشوف راكب يفرمل و مش مهم باقي الخلق ده غير استخدامهم لمجموعة معقدة و متشابكة من النظريات و القواعد لحد ما حازوا ع لقب بلطجية الاسفلت بجدارة و هو اللقب الذي اطلقته عليهم و اللي زاد و غطا التكاتك اللي ما شاء الله بقت بتشد معاك في الطرق السريعة و مركب ديفل و بيحط بنزين 92 و عايش حياته قريب هنلاقيهم مركبين تربو تشارجر و اللي يحصلني يكسرني

المهم نظرا لأن اغلب الحوادث من الامام او الخلف و انا ما شاء الله العربية عندي دلوقتي ضاعت قدام و ورا و رفارف و ابواب حتي خراطيم الريداتير ضربت و اتفلقت نصين انهاردة اظاهر مستحملتش القلش اللي في الشارع
و بسبب الحوادث ديه بتحصل خناقات قد تصل لمجازر ده غير احيانا دم الواحد اللي بيتحرق ع عربية جديدة لسه جايبها و يلاقها وشها راح او شنطتها راحت

ففكرت ليه ميتعملش قانون يخلي كل عربية ملاكي فقط تركب ديفندر امامي و خلفي و التأكد من وجوده وقت الفحص و يكون بمواصفات معينة مش واحد يروح يعملي وش قفص و يقولك ديفندر
و خاصة للعربيات الهاتش باك لأن نسبة الامان في العربيات الهاتش باك بيكون اقل من السيدان بسبب الحجم
و بكده اي خبطة هتاخدها الديفندرات و الديفندرات تخبط مع بعض
و بالتالي العربية هتفضل سليمة لأكبر وقت ممكن و احتمال تقل الخناقات بسبب الموضوع ده ديفندر في ديفندر مش هيحصل حاجة

ايه رأيكم فيه امل و لا أمل انتحرت و عمر انتحر وراها ؟؟

ABS will not work properly

اقتباس:

---

المشاركة الأصلية كتبت بواسطة GSoleiman

ABS will not work properly

---

:waaaht:

ايه العلاقة بينهم ؟؟!!

اقتباس:

---

المشاركة الأصلية كتبت بواسطة Amr Axel

:waaaht:

ايه العلاقة بينهم ؟؟!!

---

Oooooops...sorry I meant the Airbags

:Copy of majd(4):

المشكلة ان حتى الديفندر في اغلب العربيات مش هيجدي نفعاً ده اوقات بيكون ضرره اكبر
الاكصدام معمول انه يمتص الصدمه ومعمول مش صلب قصد علشان مايوصلش الخبطه للشاسيه
والشاسيه كان ممكن يعملوه قوي جداً لكن كده خطر على الركاب ولازم الخبطه لو جامده اوي الجزء الي قدام كله ينهار علشان الصدمه ماتوصلش للصالون

الحل في تفعيل القانون والمراقبة الي لو اتطبقوا واتفرضت غرامات على المخالفين هيدر فلوس للبلد تقدر بيها تحسن الطرق والخدمات بتاعتها

بس ادينا عايشين على امل واحد بيفهم يمسك البلد ويهتم بالمرور ويطوره مش مجرد انه ينزل ظباط ينظموا الطرق وحلول مؤقتة

فين زمان ................ القياده فن وذوق واحترام ..................

هيبقى ليه ميزة تانية هايلة. . .و انت ماشى لو قدامك توكتوك و فاكر روحه مقطورة و ماشى سادد الطريق و موقف الطريق وراه يروح الواحد طالع جنبه و مديله غمزة كده بسن الديفندر يروح مقلوب على جنب. . . بس لازم يكون فاضى عشان حرام لو فيه راكب

اقتباس:

---

المشاركة الأصلية كتبت بواسطة k_e

المشكلة ان حتى الديفندر في اغلب العربيات مش هيجدي نفعاً ده اوقات بيكون ضرره اكبر
الاكصدام معمول انه يمتص الصدمه ومعمول مش صلب قصد علشان مايوصلش الخبطه للشاسيه
والشاسيه كان ممكن يعملوه قوي جداً لكن كده خطر على الركاب ولازم الخبطه لو جامده اوي الجزء الي قدام كله ينهار علشان الصدمه ماتوصلش للصالون

الحل في تفعيل القانون والمراقبة الي لو اتطبقوا واتفرضت غرامات على المخالفين هيدر فلوس للبلد تقدر بيها تحسن الطرق والخدمات بتاعتها

بس ادينا عايشين على امل واحد بيفهم يمسك البلد ويهتم بالمرور ويطوره مش مجرد انه ينزل ظباط ينظموا الطرق وحلول مؤقتة

---

هوه ده الكلام العلمى المضبوط
احب ازود كمان ان العربيات الملاكى مصممه للسير داخل المدينة والجزء الامامى منها مصمم لأمان المشاة فى حالة التصادم لا قدر الله

المشكلة مش في العربيات

المشكلة ان العربية اللي مركبة ديفيندر دي لو خبطت واحد في الشارع هاتخلص عليه
غير الاكصدام الفبر برده

كلو فكر في العربيات .. محدش فكر في المشااااااااااه

Sent from my GT-N7100 using Forum Runner

اقتباس:

---

المشاركة الأصلية كتبت بواسطة GSoleiman

Oooooops...sorry I meant the Airbags

:Copy of majd(4):

---

:waaaht:

برده ايه العلاقة بين الايرباجز و الـABS :N_no[1]:

اقتباس:

---

المشاركة الأصلية كتبت بواسطة k_e

المشكلة ان حتى الديفندر في اغلب العربيات مش هيجدي نفعاً ده اوقات بيكون ضرره اكبر
الاكصدام معمول انه يمتص الصدمه ومعمول مش صلب قصد علشان مايوصلش الخبطه للشاسيه
والشاسيه كان ممكن يعملوه قوي جداً لكن كده خطر على الركاب ولازم الخبطه لو جامده اوي الجزء الي قدام كله ينهار علشان الصدمه ماتوصلش للصالون

الحل في تفعيل القانون والمراقبة الي لو اتطبقوا واتفرضت غرامات على المخالفين هيدر فلوس للبلد تقدر بيها تحسن الطرق والخدمات بتاعتها

بس ادينا عايشين على امل واحد بيفهم يمسك البلد ويهتم بالمرور ويطوره مش مجرد انه ينزل ظباط ينظموا الطرق وحلول مؤقتة

---

يا باشا موضوع نقط الانهيار اللي بتكلم عليها ديه قصة تانية و الديفندرات مش هتأثر عليها في حاجة خالص الديفندر بيحمي الحكات او الخبطات من التوقف المفاجئ و خلافه لكن لو خبطة جامدة زي اللي تقصدها و الجزء الامامي كله ينهار ده في الحوادث الشديدة و الديفندر مش هيمنعها

اما موضوع القانون و المراقبة فلا تعليق من قريب كنت في الكوربة ركن صف تاني و واقف زي كل اللي حواليا و يومها النمرة اللي ورا كانت واقعة و انا ماشي ع الناحية التانية امناء شرطة مرور ماشيين بيركنوا عربيات صف تاني عشان عربيات بورش و انفنتي و جيب و باشا و مش باشا و انت عارف
و جيه عندي انا و اسبرانزا كان واقف قدامي و يقولنا الركنة ممنوع و النمر ممكن اخدك مخالفة بـ1500 ج بهدلته يعني رايح بتركنهم و جي بتقولنا الركنة ممنوع و النمر اللي واقعة اخدها مخالفة كأنه بمزاجي و غيرها من المواقف اللي كلنا عارفينها و حصلت معانا او شوفناها فالموضوع ده متحلمش بيه اساسا الا لو ربنا رضي علينا و حد ظبطها بجد

اقتباس:

---

المشاركة الأصلية كتبت بواسطة akmm

فين زمان ................ القياده فن وذوق واحترام ..................

---

يا باشا كان في الماضي بالاضافة مع كتر العربيات و مفيش و لا ظابط و لا رابط في الشارع و كله ماشي بمزاجه و الناس بقالها 3 سنين فاتحين صدرهم و بيتلككوا عشان يتخانقوا و كل واحد فرحان بحتة سلاح شايلها

اقتباس:

---

المشاركة الأصلية كتبت بواسطة imhotep

هيبقى ليه ميزة تانية هايلة. . .و انت ماشى لو قدامك توكتوك و فاكر روحه مقطورة و ماشى سادد الطريق و موقف الطريق وراه يروح الواحد طالع جنبه و مديله غمزة كده بسن الديفندر يروح مقلوب على جنب. . . بس لازم يكون فاضى عشان حرام لو فيه راكب

---

هههههههه صدقت هو ده اللي ينفع معاكم ده انا كنت في حالة ذهول لما شوفت توك توك بيشد معايا ع طريق السويس لأ و ماشي في الحارة الشمال ههههههههه

الديفندرات دي مع افتراض يعني انها تنفع تركب و ان كان ده ما ينفعش عمليا في اغلبيه السيارات لانه محتاج ارتفاع معين عن الارض و إلا هيحك في الارض مع المطبات ووجود حموله في السياره و كمان اماكن للتثبيت للخوص الحديد في الشاسيه هتبقي وسيله للأذي بالنسبه للآخرين : يعني نسبه اللي معم رخص و ما بيعرفوش يسوقوا اكتر بكتير من اللي معاهم رخص و بيعرفوا يسوقوا و حط عليهم بقي كتير من الستات و الكبار في السن علي الناس اللي بتكسل تركن بعيد شويه و بتحشر نفسها في اي مكان مش علي قدها و معاهم الناس اللي خلقهم ضيق لو حد نرفزهم شوف ممكن يعملوا ايه علي اللي بيجروا بسرعه . الناس دي و هي تمثل الاغلبيه اتفرج بيعملوا ايه باكصدامات فيبر تعبانه فما بالك بديفندر حديد :waaaht: ده الشارع هيبقي عامل زي حلبه مصارعه الثيران كله بينطح في بعضه لأ و هتلاقي بقي الاختراعات في الديفندر اللي مركب فيه اسياخ حديد و لا اسلاك شايكه . اقصي حاجه لحمايه الاكصدام الخلفي ممكن تتركب هي خطاف القطر ده بيقلق الناس اللي وراك الي حد ما علشان ما يريحوش عليك لانه ممكن يبهدل الاكصدام بتاع العربيه التانيه بالذات لو علي سرعه و برضه بيبقي مفيد في الركن علشان الناس مش هتقدر تقرب منك قوي و انت راكن لحسن عربيتهم تتشلفط و المرور مش هيتكلم عليه و في نفس الوقت لو نوع كويس بيبقي شكله ظريف و ينفع برضه لو عايز تقطر عربيه انك تربط سلك القطر فيه . هو بصراحه المفروض رخص السواقه اللي مع الناس دي تتلغي و يتعلموا و يمتحنوا تاني و يتعلموا يعني ايه مرور و قواعد السواقه و الركن و الانتظار و تقدير المسافات و معلومات بسيطه عن الميكانيكا قبل ما ياخدوا الرخصه لان الموضوع اكبر بكتير من كونه كلاكس و دركسيون و بنزين و فرامل

مشروع فاشل عشان هيبقى فيه سواقين ................* كما هو معتاد و هيطبقوا البوز بيز و يعدوا بالديفيندر عشان عربيتك متتخبطش من الجنب

الحمد لله ركبت ديفيندر امامي وخلفي في التيجو
وعتب كمان
العيال بتوع التوكتوك كانو بيعدو غصب ولا في احترام لاءي اصول في القياده
الحمد لله لو اي واحد منهم فكر يعمل اي حركه نص كم
اميل عليه شويه الاقيه وقف واحترم نفسه
لسه من يومين عيل منهم حب يعمل فهلوي
غمزته بالاكصدام
التوكتوك اتطبق عنده من الخلف ووقف علي جنب
ومستني انزله علشان اشوفه
قولت له انت مش عامل نفسك ناصح وداخل بالعافيه
سيبته ومشيت
المشكله اللي مقلقاني هي المرور
لكن ربنا ساترها حتي الان

اقتباس:

---

المشاركة الأصلية كتبت بواسطة elawany13

هوه ده الكلام العلمى المضبوط
احب ازود كمان ان العربيات الملاكى مصممه للسير داخل المدينة والجزء الامامى منها مصمم لأمان المشاة فى حالة التصادم لا قدر الله

---

كلامك سليم
بس في حالتنا هنا مبقاش ينفع الكلام ده لدرجة ان بشوف ناس تمشي تروح مدية الاكصدام شلوت و يبوظه و عادي جدااا سعادته ماشي بيتسلي
لو اتفرجت ع منظر العربية عندي من المؤذين مش هتصدق ان ديه كانت عربية جديدة مطبقة من كل حاجة و مفكات مدبوبة فيها و تكحيتات في كل مكان بادوات رفيعة و عيال قريب مسكوا طوبة اسمنت و راحوا رازعنها بكل قوتهم في الرفرف بهدلوه و معرفتش اجيبهم
خلاص هي هنا بقت البقاء للأقوي لحد ما يكون فيه ظابط و رابط
انت برة لو مسكت حد بيبوظ عربية و او بلغت عنه شوف هيحصل فيه ايه لكن هنا هيقولك عادي يا استاذ لدرجة اني حاسس اني لو جيت بلغت ان جريمة هيقولي عادي يا استاذ

اقتباس:

---

المشاركة الأصلية كتبت بواسطة تامر.محمد

المشكلة مش في العربيات

المشكلة ان العربية اللي مركبة ديفيندر دي لو خبطت واحد في الشارع هاتخلص عليه
غير الاكصدام الفبر برده

---

اتفق معاك لكن هتعمل ايه لما عربيتك كل شوية تتخبط بسبب غباء الاخرين او تبقي واقف في الشارع و تلاقي اللي جيه لبس في العربية من ورا او دخل فيه بالجنب :waaaht:

اقتباس:

---

المشاركة الأصلية كتبت بواسطة power

كلو فكر في العربيات .. محدش فكر في المشااااااااااه

sent from my gt-n7100 using forum runner

---

لا مؤاخذة يا باشا مشاه مين اللي بتكلم عليهم اللي يجي لما الاشارة تفتح يعدي من قدامك و يقول هيقف مش هيخبطني و يودي نفسه في داهية
و لا اللي يجي قدامك و يمشي واحدة واحدة عن قصد
و لا اللي يسيب الرصيف و يمشي في الشارع
و لا اللي يسيب كوبري المشاه او النفق و يعدي من وسط الطريق السريع
و لا اللي مش عايز يعدي من المكان المخصص للمشاه في الاشارات
و لا اللي مش عايز يمشي خطوتين و يعدي بين العربيات و يعدي من فوق السور او بينه
و لا اللي يجي و انت بتركن او طالع من ركنة و يتمشي او يقف ورا العربية عن قصد لدرجة ان شغلت انذار المارشدير و مع ذلك بيتعندوا
و لا اللي بيعدي غلط في اشارة مفتوحة و لما تقف فجأة و مش عاجبك يرزعلك ع الكبوت يطبقه
و لا
ولا
ولا
ولا
ولا
ولا

و انا كشخصلما بكون من المشاه و بلتزم بالقواعد و بالصح حتي لو هتنقل من اشارة لاشارة عشان اعدي من المكان المخصص للمشاه و بمشي عشان استخدم كوبري المشاه او النفق او استني لما الاشارة تقف و اعدي اقدر اقولك لما المشاه تلتزم بالقواعد و بالصح ساعتها نبقي نفكر فيهم مش يبقي غلطان و ادافع عنه

اقتباس:

---

المشاركة الأصلية كتبت بواسطة land_cruiser

الديفندرات دي مع افتراض يعني انها تنفع تركب و ان كان ده ما ينفعش عمليا في اغلبيه السيارات لانه محتاج ارتفاع معين عن الارض و إلا هيحك في الارض مع المطبات ووجود حموله في السياره و كمان اماكن للتثبيت للخوص الحديد في الشاسيه هتبقي وسيله للأذي بالنسبه للآخرين : يعني نسبه اللي معم رخص و ما بيعرفوش يسوقوا اكتر بكتير من اللي معاهم رخص و بيعرفوا يسوقوا و حط عليهم بقي كتير من الستات و الكبار في السن علي الناس اللي بتكسل تركن بعيد شويه و بتحشر نفسها في اي مكان مش علي قدها و معاهم الناس اللي خلقهم ضيق لو حد نرفزهم شوف ممكن يعملوا ايه علي اللي بيجروا بسرعه . الناس دي و هي تمثل الاغلبيه اتفرج بيعملوا ايه باكصدامات فيبر تعبانه فما بالك بديفندر حديد :waaaht: ده الشارع هيبقي عامل زي حلبه مصارعه الثيران كله بينطح في بعضه لأ و هتلاقي بقي الاختراعات في الديفندر اللي مركب فيه اسياخ حديد و لا اسلاك شايكه . اقصي حاجه لحمايه الاكصدام الخلفي ممكن تتركب هي خطاف القطر ده بيقلق الناس اللي وراك الي حد ما علشان ما يريحوش عليك لانه ممكن يبهدل الاكصدام بتاع العربيه التانيه بالذات لو علي سرعه و برضه بيبقي مفيد في الركن علشان الناس مش هتقدر تقرب منك قوي و انت راكن لحسن عربيتهم تتشلفط و المرور مش هيتكلم عليه و في نفس الوقت لو نوع كويس بيبقي شكله ظريف و ينفع برضه لو عايز تقطر عربيه انك تربط سلك القطر فيه . هو بصراحه المفروض رخص السواقه اللي مع الناس دي تتلغي و يتعلموا و يمتحنوا تاني و يتعلموا يعني ايه مرور و قواعد السواقه و الركن و الانتظار و تقدير المسافات و معلومات بسيطه عن الميكانيكا قبل ما ياخدوا الرخصه لان الموضوع اكبر بكتير من كونه كلاكس و دركسيون و بنزين و فرامل

---

هو بالفعل دلوقتي فيه مصارعة ثيران و حمير و بهايم في الشارع و ماشيين يخبطوا لكن الفكرة ان ديه هتخف من الضرر و مش شرط عربية مرتفعة الماروتي مركبة ديفندرات و ماشية زي الفل :)
و موضوع التفنين ده بقي يبقي فيها سحب رخص و فحص
و فكرة الخطاف برده ظريفة بس مش هتعمل حاجة اوي
اما موضوع الرخص فحدث و لا حرج لما تلاقي واحد و لا واحدة لسه متعلموش السواقة و الرخصة طلعت و هم قاعدين في البيت ولا لما تلاقي الاختبار انك مجرد تمشي بالعربية في تراك عبيط ملوش تلاتين لازمة يبقي انسي
المفروض الرخص تطلع في حضور الشخص و بالاضافة لاختبار الاشارات يكون تراك اوسع و فيه كل المواصفات اللي في الشوارع و اختبار للركنات
و يكون الشخص يعرف يعمل اسعافات اولية و اطفاء حريق و مبادئ في ميكانيكا و كهربا العربية
و العربية مش بس مثلث عاكس و شنطة اسعافات لأ تكون شنطة فعلا مش شنطة ملهاش تلاتين لازمة بـ75 ج و يتوافر كابل بطارية و كابل جر ده اقل حاجة المفروض تكون في اي عربية بس هتقول مين

اقتباس:

---

المشاركة الأصلية كتبت بواسطة silent~dream

مشروع فاشل عشان هيبقى فيه سواقين ................* كما هو معتاد و هيطبقوا البوز بيز و يعدوا بالديفيندر عشان عربيتك متتخبطش من الجنب

---

انا جاتلي فكرة نرجع بالاحصنة و الحمير تاني هو ده الحل الامثل d:

اقتباس:

---

المشاركة الأصلية كتبت بواسطة hugan

الحمد لله ركبت ديفيندر امامي وخلفي في التيجو
وعتب كمان
العيال بتوع التوكتوك كانو بيعدو غصب ولا في احترام لاءي اصول في القياده
الحمد لله لو اي واحد منهم فكر يعمل اي حركه نص كم
اميل عليه شويه الاقيه وقف واحترم نفسه
لسه من يومين عيل منهم حب يعمل فهلوي
غمزته بالاكصدام
التوكتوك اتطبق عنده من الخلف ووقف علي جنب
ومستني انزله علشان اشوفه
قولت له انت مش عامل نفسك ناصح وداخل بالعافيه
سيبته ومشيت
المشكله اللي مقلقاني هي المرور
لكن ربنا ساترها حتي الان

---

هو ده اللي ينفع مع التكاتك و الميكروباصات و التاكسيت و النص نقل
اكيد يا باشا انت مقضيها اللي يقل عقله جابه لنفسه :36_1_34[1]:

اقتباس:

---

المشاركة الأصلية كتبت بواسطة amr axel

هو ده اللي ينفع مع التكاتك و الميكروباصات و التاكسيت و النص نقل
اكيد يا باشا انت مقضيها اللي يقل عقله جابه لنفسه :36_1_34[1]:

---

لا والله
مش كده
لكن انا فعلا باتخنق من العيال بتوع التوكتوك
حاجه اخر قله ادب
فجاء تلاقيه خبطك من الامام او من الخلف وانت ولا واخد خوانه
يعني في طريقي لبيتي يوميا
في تحويله للطريق علشان مشروع صرف والطريق منحني
يعني المقابل مش شايفه
والاتجاهين شغالين وكل حاجه
انما سواقين التوكتو ك ياخدو التحويله دي عكس الاتجاه
وبسرعه جنونيه
طبعا اللي سايق مش واخد خوانه علي اساس ان الاتجاهين شغالين
فجاءه تلاقيه في وشك
عربيات كتير اتبهدلت وعربيات زيرو وغاليه
اصحابها طفحوا الدم علشان يشتروها
وماحدش بيعرف ياخد معاهم حق ولا باطل
يعني عربيت الاسبرانزا ال 516 القديمه
اتكسر فانوسين بسبب التو كتوك
واتجرح الجنب اليمين بردو بسبب التوكتوك

الديفندر ممنوع دوليا لان العرليات مصممه ان لو حد اتخبط بالعربيه يتنطر عالكبوت مش تحت العربية والديفندر بيلغي الموضوع ده وهينطر الشخص تحت العربية ويتدعس....
تحياتي

Sent from my Xperia Arc S using Forum Runner

والله الواحد مبقاش عارف يعمل ايه انا عندى العيال بتجننى كل شويه خبط فى العربيه ومن كام يوم والله واحد كسرلى الاشاره وكل شويه لعب على العربيه كانها عربيه ابوهم ولو الواحد جه واتكلم تلاقى ابوه جاى يقولك فيه ايه يا عم عيال وبتلعب وعايز يتخانق معاك كأنه هو اللى صاحب حق ده غير الزباله اللى ممكن تلاقيها على عربيتك وعادى قله ادب واصبحنا نعانى من قله الادب وعدم الاخلاق وكل واحد فيهم لو عنده عجله متقدرش تلمسها والله انا كنت لسه مظبط العربيه وراكنها تحت البيت وكل اما انزل الاقى فيها حاجه جديده لما زهقت والواحد نفسه انصدت عن العربيات وانه يفكر يجيب موديل حديث يبقى اهبل عشان كل واحد ييجى يقعد يخبط فيها وكانها حاجه عاديه حاجه تحرق الدم خلت الواحد يقول والله ما اوجع دماغى لو عايز تركب عربيه حديثه فاللاسف مش فى مصر العربيات بتيجى من بره موديلات قديمه وبتلمع ببويه المصنع مافيهاش خدشه واحنا هنا عندنا اتفرج موديل السنه مخبوط وطالع عينه كأنه بقاله 100 سنه ينقصنا الاخلاق وحب الاخرين كثيرا حتى نتعلم للاسف انا بقول الكلام ده وانا مضايق علشان دى المفروض مش اخلاقنا خالص واقلكم حاجه اقغدوا بالعافيه وكل سنه وانتم طيبين واحلى حاجه من كل ده عيش عيدك تمام مع اسرتك واصحابك واحبابك وكبر الg وروق الd عشان اعصابك متتعبش وروق الd عشان اعصابك متتعبش

مش عارف السبب ايه يا كبير ؟؟؟
المشاه يا كبير
شوف العربيات بتاخد كام نجمه في اختبار حماية المشاه
انت عارف ان اي ديفندر من دول لو انت ماشي على سرعه 30 كم بس وخبطت انسان ممكن مش يتكسر ده كمان يجيجله تهتك في اجزاء داخلية وتشيل ذنبه طول عمرك وديه بقي وحوارات سودا

اقتباس:

---

المشاركة الأصلية كتبت بواسطة hugan

لا والله
مش كده
لكن انا فعلا باتخنق من العيال بتوع التوكتوك
حاجه اخر قله ادب
فجاء تلاقيه خبطك من الامام او من الخلف وانت ولا واخد خوانه
يعني في طريقي لبيتي يوميا
في تحويله للطريق علشان مشروع صرف والطريق منحني
يعني المقابل مش شايفه
والاتجاهين شغالين وكل حاجه
انما سواقين التوكتو ك ياخدو التحويله دي عكس الاتجاه
وبسرعه جنونيه
طبعا اللي سايق مش واخد خوانه علي اساس ان الاتجاهين شغالين
فجاءه تلاقيه في وشك
عربيات كتير اتبهدلت وعربيات زيرو وغاليه
اصحابها طفحوا الدم علشان يشتروها
وماحدش بيعرف ياخد معاهم حق ولا باطل
يعني عربيت الاسبرانزا ال 516 القديمه
اتكسر فانوسين بسبب التو كتوك
واتجرح الجنب اليمين بردو بسبب التوكتوك

---

ربنا يعينك انا العربية عندي بقت شوارع من كل حتة :)

اقتباس:

---

المشاركة الأصلية كتبت بواسطة dr.hazem

الديفندر ممنوع دوليا لان العرليات مصممه ان لو حد اتخبط بالعربيه يتنطر عالكبوت مش تحت العربية والديفندر بيلغي الموضوع ده وهينطر الشخص تحت العربية ويتدعس....
تحياتي

sent from my xperia arc s using forum runner

---

ما احنا عارفين كل الكلام ده يا ريس لكن هنا فعلا مبقاش ينفع غير كده :)

اقتباس:

---

المشاركة الأصلية كتبت بواسطة محمد عرفه

والله الواحد مبقاش عارف يعمل ايه انا عندى العيال بتجننى كل شويه خبط فى العربيه ومن كام يوم والله واحد كسرلى الاشاره وكل شويه لعب على العربيه كانها عربيه ابوهم ولو الواحد جه واتكلم تلاقى ابوه جاى يقولك فيه ايه يا عم عيال وبتلعب وعايز يتخانق معاك كأنه هو اللى صاحب حق ده غير الزباله اللى ممكن تلاقيها على عربيتك وعادى قله ادب واصبحنا نعانى من قله الادب وعدم الاخلاق وكل واحد فيهم لو عنده عجله متقدرش تلمسها والله انا كنت لسه مظبط العربيه وراكنها تحت البيت وكل اما انزل الاقى فيها حاجه جديده لما زهقت والواحد نفسه انصدت عن العربيات وانه يفكر يجيب موديل حديث يبقى اهبل عشان كل واحد ييجى يقعد يخبط فيها وكانها حاجه عاديه حاجه تحرق الدم خلت الواحد يقول والله ما اوجع دماغى لو عايز تركب عربيه حديثه فاللاسف مش فى مصر العربيات بتيجى من بره موديلات قديمه وبتلمع ببويه المصنع مافيهاش خدشه واحنا هنا عندنا اتفرج موديل السنه مخبوط وطالع عينه كأنه بقاله 100 سنه ينقصنا الاخلاق وحب الاخرين كثيرا حتى نتعلم للاسف انا بقول الكلام ده وانا مضايق علشان دى المفروض مش اخلاقنا خالص واقلكم حاجه اقغدوا بالعافيه وكل سنه وانتم طيبين واحلى حاجه من كل ده عيش عيدك تمام مع اسرتك واصحابك واحبابك وكبر الg وروق الd عشان اعصابك متتعبش وروق الd عشان اعصابك متتعبش

---

يا باشا كل اللي بتقوله كلنا بنعاني منه و فعلا هنامفيش عربية تجاب جديدة ابدا لما احسن عربيات تمشي 128 و 127 و اي حاجة قديمة و لو حصل حاجة في العربية متعملهاش انا عن نفسي سايب العربية متخبطة و مريح نفسي من الهم ده كل يوم انزل الاقي حاجة جديدة فيها و انهاردة عيال ولاد ستين في سبعين فرقعوا صواريخ ع ازاز العربية كل مدي كل ما الناس بتبقي اسوء وادي الاجيال الجديدة ما شاء الله تربية و لا اروع واخدينها صياعة و قلة ادب و لازم ياخد ع قفاه و يقعد يعيط في الاخر

اقتباس:

---

المشاركة الأصلية كتبت بواسطة karim_monir

مش عارف السبب ايه يا كبير ؟؟؟
المشاه يا كبير
شوف العربيات بتاخد كام نجمه في اختبار حماية المشاه
انت عارف ان اي ديفندر من دول لو انت ماشي على سرعه 30 كم بس وخبطت انسان ممكن مش يتكسر ده كمان يجيجله تهتك في اجزاء داخلية وتشيل ذنبه طول عمرك وديه بقي وحوارات سودا

---

عارفين يا باشا لكن للاسف هو ده اللي ينفع مع شوارعنا بسبب القرف اللي بنشوفه من تكاتك و ميكروباصات و نص نقل اما المشاه ده فده برة انا حاسس ان المسئوليين عن اختبارات حماية المشاه لو فكروا يجوا مصر و شافوا الناس بتعمل ايه هيتحايلوا علينا نطبق الديفندرات هههههههههههه اللي يمشي قدامك يغلس او وراك و انت راجع او يسيب رصيف طويل عريض اللي اساسا مضيق الشارع من عرضه و ملوش لازمة و سيبه و يمشي وسط العربية او يسيب كوبري او نفق المشاه و يعدي و خاصة في طريق سريع و الكوبر او النفق جنبه و لا اللي يجي يعدي و الاشارة مفتوحة و العربية بتجري ده مش بعيد يقولك مش هنعمل اختبارات حماية مشاه للعربيات اللي بتنزل هنا ههههههه