مشكلتى مع فودافون ... حاول تدينى حل
عندى مشكلة عويصة شويتين ومحتاج لمشوراتكم وآرائكم الثمينة لإيجاد حل لها :
أنا مشترك ADSL منزلى تبع فودافون من حوالى 5 سنين كده .
بدأت المشكلة يوم 24 يونيو بانقطاع الخدمة عنى وبالإتصال لم يتمكن موظف خدمة العملاء من حلها وتم إرسال فنى من الشركة إلى البيت لمراجعة وفحص التوصيلات والاسلاك والراوتر وكانت نتيجة الفحص إن كله تمام وإن المشكلة من السنترال وإننا حنحل المشكلة فى خلال يومين بالكتير .
وطبعا المشكلة لم تحل ومش عاوزين يعرفونى إيه هى المشكلة بالضبط وكل ما أسأل عنها يردوا بإنها ستحل قريبا .
المهم بعد مشادات كتيرة تم إرسال نفس الفنى مرة أخرى إلى البيت لمراجعة الأسلاك مرة تانية وكانت نتيجة الزيارة برضه إن الوصلات تمام وإن المشكلة من السنترال .
(طيب الحمد لله عرفنا وتأكدنا إن المشكلة من السنترال ... مش نحلها بقى ؟)
المشكلة إسمها الفنى : Local Loop (أرجو إنى أكون كتبتها صح ) وهى خاصة بإن السلك الأرضى بتاع النت فيه إنقطاع أو عزل زيادة .
المهم بقى إن حاليا فودافون ترمى على السنترال والسنترال بيرمى على فودافون وكل طرف شايف إن المشكلة مش من عنده فضلا عن إن فودافون بتقول إن المصرية للإتصالات بتحط عراقيل أمامنا لما بتكون فيه مشكلة زى دى .
طبعا أنا .... :36_2_49[1]::36_2_49[1]:
المهم علشان ماأطولش عليكم إن المشكلة ممكن تطول جدا وممكن ما تتحلش كمان .
السؤال بقى :
هل لو حاولت أشترك مع شركة تانية (مع استمرار وجود المشكلة) حيبقى صعب ولا الشركة (الجديدة) ملزمة بحل المشكلة قبل ما أتعاقد معاها علشان تتم التركيب والتوصيل ؟
آسف جدا للإطالة
كل عام وأنتم بخير
