عرض للطباعة
السلام عليكم ورحمة الله وبركاته
كل عام وانتم بخير :inlove:
هو ليه دائما كل الاختيارات فى حدود ال40000 الى 50000 بتكون خالية من السيينا؟ مع انها عربية اوروبية وتبع ماركة فيات العريقة ! بلاقى كل الكلام على الفيرنا والاكسنت الشكل القديم واللانوس وحاجات تانية مع تجاهل للسيينا ولو حد حطها فى مقارنة او كاختيار الاقى كثير يقولوا لا بلاش.. عايز اعرف ليه عيبها ايه ولو لها عيب معروف له حل فعال ولا اى كلام ؟ ياريت توضيح وملاك السيارة يشاركونا لأنى عايز اشترى ان شاء الله ومحتار جدا...
شكرا لكم
العربيه ممتازه و ناعمة و عالية
ال 1400 مصيانتها متازه و اعتماديه جدا اما ال 1600 لو متهانة بتبقى مكلفه جدا فى الصيانة
معايا ال 1400 و الحمد لله مريحانى جدا ...
هى المشكلة انها تقييلة شوية ف البيع ومش اى حد بيفهم فيها لكن الاكسنت واللانوس والجوليت والحاجات دى بياعه وكل الناس بتفهم فيهم
ربنا يبارك. طيب ال1400 سحبها عامل ايه مع التكييف؟ وقطع الغيار اسعارها عاملة ايه ومتوفرة ؟اقتباس:
المشاركة الأصلية كتبت بواسطة gelgel2004
مش مهم اعادة البيع انا مش بتاع تغيير كل شوية المهم الثبات وقلة المشاكلاقتباس:
المشاركة الأصلية كتبت بواسطة ahmedalaahosny
فى صنايعيه كتيييير (ميكانيكيه و كهربائيه) بيرفضوا يشتغلو فيها و شفت ده قدامى علشان كده سمعتها مش قد كده
شكرا ياباشا على الافادة
انا معايا السيينا 1400 عربية سواقتها متعة لان كل مشاويرى وسط البلد و الزحمة فسهل تتحرك بيها و تركن و و و و
بس ناوى اغيرها لسبببن 1- شكلها التصميمي الخارجى وحش
2- لما نحمل ناس كتير فى الكنبة الخلفية بتنزل و ده مش حلو على مطبات مصرنا الحبيبية اسف انا اقصد الجبال اللى على الطريق
بس عامة انا كذا مره اطير من على المطب و العربية محصلهاش حاجة ( طبعا بتخبط ) بس احتمال مستقبلا ياثر على الشكمان ( بقالها معايا 9شهور)
حاجة تانية لازم تعرف اسعار قطع الغيار عشان التوكيل مثلا المرايا الواحدة اعتقد 600 ج و طرمبه الباور ب1000ج بس فى صينى و برازيلى و تركى ومصرى عشان كلهم كانوا بيصنعوها بس خلى بالك فى تجار يجيبوا البرازيلى ويقولك 2500 طرمبة الباور
استهلاك البنزين فى السفر و لا حاجة ههههه عمى راح بيها من اسيوط لمطروح بالتنك 49 لتر و كان بيشغل التكييف على فترات لكن وسط البلد و الزحمة تاكل كتييير تقريبا من غير التكييف 14 لتر = 100 كيلو هو على ما عرفت من مواقع عربية و اجنبية ان استهلاكها العام 7 لتر = 100 كيلو
واسعة و شنطتها كبيرة / عزلها رائع و تكيفها تلاجة
سوقها الاول و جربها تلاقيها حاجة ناعمة كدا ! الفتيس صحيح فيه سوسته للمارش و الخامس يترفع بصباعبن لفوق سنة لما تجرب هتعرف و متخافش مش وحشه القصة دى تعود مش اكتر
رغم ان العربية دى تتفوق على غيرها مع ذلك مش منتشرة كتير عيب التوكيل الحمار اظن
طبعا التكييف بياثر على السحب زى عربيات بالنظام ده
شكرا يا كدوانى باشا على الافادة وربنا يرزقك بالأحسن منها
لى صديق معاه سيينا ال 1600 العربيه ممتازه وصاروخ ومش بيشتكى من اسعار قطع الغيار ولا الميكانيكيه ولا اى حاجه..وانا قايله لو حب يبيعها هشتريها منه بدل اللانوس بتاعتى لان بصراحه الفرق كبير
عربيه كويسه اانا معايا من الزيرو لغايه دلوقتي بقالها عشر سنين بس لازم حد يبفهم فيها يشتغل فيها و يكون حافظها و لو حظت علي موعيد\ الصيانة مش حتتعبك
الف شكر يا جماعة؟ طيب ايه رأيكم ازود شوية واجيب رينو سانديرو مستعمل؟ معلش استغللكم بقى :cat34:
طب ماتجيب حاجة كل الناس بتشتغل فيها احسن عشان ماتتعبكش
والله يا بلدياتى كلامك مضبوط بس مش حابب ابقى زى كل الناس اللى هو نظام الكورى مفيش احسن منه مع ان فيه احسن من الكورى كثير وبسعر الكورى او اعلى حاجة بسيطة., احنا اللى عملنا قيمة للكورى :)
انا بدور على سيينا ، حضرتك لو عايز تبيع ممكن تكلمنى ؟ 01207799376 - حلواناقتباس:
المشاركة الأصلية كتبت بواسطة akedwany
بص ياباشا اللى معايا بتاعة الاسرة و الوالد مش هيبيبع حاليا ( لو هبيع هبعتلك رسالة خاصة) بس عامة الصراحة محناجة تترش من خدوش عادية و خبطة فى الرفرف ماشية 172 الف كيلو انت تتمنها بكام وهى معاها اكصدام جديد لسه متحطش لحد دلوقت لان الموجود حاليا متجرح و شكلو مش حلواقتباس:
المشاركة الأصلية كتبت بواسطة mahmoud83mizo
و محتاجة كاسيت جديد و تسيلك فتحات التكييف حاجات بسطة يعنى
معلش حضرتك زعلان من الكوري ليه ؟
بص ياباشا أنا هقول كلام ممكن يضايقك بس صدقني ابعد عن الشخصنة هتستفيد ...أنا لا أعرفك ولا تعرفني وبالتالي مش عاوز أضايقك ...
البحث عن التميز لمجرد التميز ده مشكلة ...الكوري ممتاز فعلا وأثبت جدارة ...قطع غيار متوفرة ورخيصة وبتعيش وعربيات زي الفل...لو الصيني كدة يبقى أهلا بالصيني ...لو الصعيدي كدة يبقى أهلا بالصعيدي ...
أنا الأول بردو كنت بفكر في إني أشتري حاجة مميزة مابقاش زي الشعب بس اكتشفت اني غلطان ...
الكلام ده تعمله لو عايش في الخليج أو أوروبا ...أو أي بلد محترمة ...انما بلد زي مصر حاول تعيش زي الشعب علشان ماتلبسش في الحيطة ....حتى في التليفونات ...ياتجيب نوكيا ياتجيب سامسونج ...لنفس السبب لو الشاشة اتكسرت ... شاشات السامسونج في عبد العزيز مرطرطة وأي حد بيعرف يركبها ...انما تروح تشتيريلي سمارت فون توشيبا !!!!!!!!!!!!! دور بقى على بطاريته لو جدع !!!
الفيات عربيات معمره جداا محترمه و بقلها اكتر من 40 سنه ماشيه فى شوارع مصر
الصنيعى الى بيقول على العربيه وحشه عشان مش بيعرف يشتغل فيها مش اكتر لو وحشه مكنتش قعدت ده كله و لا انتشرت ده كله