ممكن يا جماعة أي حد يبعتلي التفاصيل على الخاص
عرض للطباعة
ممكن يا جماعة أي حد يبعتلي التفاصيل على الخاص
بصوا يا جماعة انا كان جالى زيكوا العرض بتاع ستون بارك و رحت موقع الكومباوند و هاقولوا على الفولة من الاخر
على فكرة موقع الكومباوند من بره هايل و استراتيجى وورا القطامية هايتس اللى الفلل فيها ب20 و 30 مليون
و المشروع ده بدا فى اول مرحلة بفيلات فقط و دى اتعملت فعلا ناقصها التشطيب فقط ثم قررت الشركة المنفذة تعمل عمارات و القضاة خدوا نسبة من الشقق دى بالتسهيلات المذكورة
ملاحظة يا جماعة اى شقة فى كومباوند فى التجمع الخامس لا يمكن او نادرا ينزل سعر المتر فيها عن حاجز ال5000 او ربما ال6000 و على فكرة الكومباوند ده بموقعه كان يبقى اغلى كمان
طيب ليه دى اقل من كده
للاسف الشديد الكومباوند ده اتعملت فيه غلطة هندسية فظيعة و انا شايفها لا تغتفر الصراحة و هى انهم لما بداوا يعملوا الفيلات فى المرحلة الاولى حفروا مستوى الفلل بمسافة 30 متر تحت مستوى الشارع من بره فاصبح المكان اشبه بهوة سحيقة و ده لو شوية مطر حلوين نزلوا اتفرجوا على البهدلة و مش فاهم ليه يحفروا العمق ده فى ارض مستوية و جميلة و شوف جميع الكومباوندات حواليهم فى منتهى الروعة و مش مستاهلة احفر ده كله طب ده لا يوجد كومباوند فى التجمع او حتى غيرها اتعمل فيه كده
و حصل طبعا صعوبة فى التسويق للموضوع ده علشان كده لو دخلت على اى موقع تسويق عقارى هتلاقى اعلانات ستون بارك مرطرطة لدرجة ان بتوع التسويق بقوا ما يكتبوش اسم الكومباوند و بيكتبوا المساحات و السعر
نصيحة اشترى الغالى المضمون لو عاوز شقة فى كومباوند محدش عبيط و فى التجمع الخامس بالذات محدش هيبعلك شقة رخيصة الا فى مكانين فى منطقى المستثمرين الجنوبية قرب الجامعة الامريكية و ده علشان الارض كانت الارخض فى التجمع او جنب الغابة المتحجرة لانها هتفضل حتة صحراوية كبيرة وواخدة مساحة كبيرة و هتبقى دايما فيو صحرا
اى مكان تانى فى التجمع هيبقى غالى
مع كامل احنرامي ليك الكلام اللي بتقوله دة غلط اولا العمق من الطريق الدائري اكتر من 30 متر اللي بتقول عليها و دي طبيعة الارض الجغرافية للارض بتاعتم ملهاش علاقة بحفر و لا غلطة هندسية و لا الكلام دة دي شركة كبيرة اسمها رؤية صاحبة المشروع مش مقاول!!!! منطقة غرب الجولف اللي جنبها كانت كدة و اتردمت و في اخر مزاد متر الارض وصل 8 الاف جنيه!!!!....... و هما كاتبين دة في البورشور بتاع المشروع ان المشروع معمول علي مستويات لحد ما الارض بتعلا تاني دي حاجة. الحاجة التانية الفيلل متباع 80 في المية منها فيهم فيلل ب 3 مليون جنيه!!! اما الشقق دي ورا مرحلة الفلل و المتر فيها ب 7 الاف متشطب و في كتير شاريين بالسعر دة فعلا الموضوع كله ان القضاه وخدين 500 شقة عشان كدة في سعر خاص مش اكتر و نفس الموضوع معمول في زا سكوير مع القضاه بردة انا شاري في ستون شقق لينا و لعلمك اللي باقي مش كتير و لا مرطرط و لا حاجة و السعر هيعلا عن كدة بعد العيد
و شكراااا
طب حد يفهمنا ايه الإجراءات اللى المفروض نعملها لو هنتوكل على الله. .....
الواحد خايف يكون الموضوع نصب....
يا جماعة يعني بعقلكو كدة هو اللي هينصب هينصب علي قاضاه و مستشاريين !!!!!!!!!!!!!! ههههههههههههههههههههههههه ههه
السلام عليكم
بعد زيارة موقع الكمبوند عدة مرات فعلا مكان الفيلات منخفض جداً و شوية هوا شداد هيبهدلوها و كمان مه شوية هوا عادى هتلم زبالة و تراب الدائرى و ده شئ مش لطيف خالص
و لكن مكان العمارات مرتفع فعلا عن الفيلات
و كمان زرت شركة رؤية نفسها المالكة للمشروع و أكدوا عرض القضاة و لكن فى رسوم نقل ملكية و بسؤال الراجل عن خريطة الكمبوند زي مقال ان فى حتة فاضية سلة مش عارفين هيعملوها إيه نادى و لا امتداد عمارات و ده شى مقلق لعدم التخطيط و لكن مساحة الأرض كبيرة جداً و ده ممكن سبب لعدم اتخاذهم القرار لاستغلال الحتة الفاضية دى
بسؤالي لسمسار فى التجمع عن الحوار ده فعلا أكده و قالى ان الشركة عملت العرض مع القضاة كدة لنقص السيولة المالية عندها و قبل كدة عملته شركة صبور فى كمبوند سكوير و مشى تمام
رأى الشخصي النهائي
ده استثمار مغرى بالنسبة لاستثمار فلوسك والبيع بعد كده و إذا كان للسكن ففرصة عظيمة و لكن بشرطين مهمين جداًااااااااااااااااااااا اااااااااااا
١- الشركة تلتزم بالمواصفات و السعر و ميعاد الاستلام
٢- المخاطرة بموضوعات الهوا و المطر و ده شئ عمرنا ما هنتاكد منه إلا على ارض الواقع ( هتبقى خازوق مغرى لو صح)
روابط يمكن تفيدك
https://www.facebook.com/StoneParkNe...ref=ts&fref=ts
https://www.facebook.com/groups/1327...ref=ts&fref=ts
أخيرا صلى ركعتي استخارة و الله الموفق
اي استفسار عن الموضوع دة دة رقم شركة رؤية ف مساكن شيراتون واسالهم علي قسم المبيعات: 22684500
كلام حصرتك مظبوط بس في حاجة كمان المنطقة اللي قدام الدائري مباشرة دي هتكون ابراج بيزنس سنتر و فندق اسمها ستون تاورز و دي هتحوش اي حاجة عن الفلل سواء هوا او ميه من الدائري كل شيء معمول حسابه و اي استفسار انا تحت امركم
ده مشروع شركة رؤيه ؟ صح
انصح الناس تتوكل على الله
اشتري و انت مغمض
اضغط هنا
Rooya Group-StonePark
.
.
.