الموضوع: خلي بااااااااااالك من جوان وش السلندر

لو لاحظت في الحر اللي احنا فيه ده(الله يكون في عون العربية) ان مؤشر الحرارة في عربيتك زايد عن معدله الطبيعي
كده يبقي في حاجة غلط.
و ده ممكن يكون سببه حاجات كتيرة
1. نقص مياه الريدياتير و ده ممكن تعرفه بالكشف علي مستوي المياه في القربة.


2.في عندك تسريب مياه او خرم.
3.المراوح مش شغالة(ممكن يكون سببها كتاوت اوحساس الحرارة باظ).
4.وجود هوا في دورة التبريد...و دي ليها موال كده ابقي اقولوكوا عليه بعدين.
5.غطا القربة بايظ و بيسرب مياه بعد العربية ماتسخن فلازم يتغير بواحد اصلي.

6.سادس حاجة و هيا جوان وش السلندرلاقدر الله.... وده اللي عايز اتكلم عليه شويه عشان اغلبيتنا مش بيجي في باله الموضوع ده.

أولا : جوان وش السلندر ده جوان بيفصل بين الجزء السفلي للموتور(البلوك)و الجزء العلوي(وش السلندر).

ثانيا : أعراض تلف جوان وش السلندر :
·تلاقي عربيتك علي الطوالي (فوق ال 90) بتسخن فوق المعدل الطبيعي لما تهدي الحرارة ترجع تاني.



·تلاقي المياه عندك بتنقص كتير و بتزودها كل شوية.
ثالثا : ازاي تعرف ان جوان الوش عندك سليم ؟؟؟ سهل اويJ
لازم تعرف ان جوان الوش ممكن يبوظ ياإما من ناحية الزيت يا من ناحية المياه.

1.لو باظ من ناحية الزيت :
كده بيقي الزيت حيدخل علي المياه و ممكن تعرف ده بسهولة، انك تشوف زيت عربيتك عن طريق غطا الزيت او المقاس و تلاقي الون بتاعوا متغير و عامل زي الطحينة كدا.

2.لو باظ من ناحية المياه :
و دي مش حتعرفها بسهولة بس انت ممكن تعمل تجربتين:
·انك تشغل عربيتك و تفتح غطا القربة وحدة وحدة و تبص علي المياه لو بتعمل فقاقيع جامده ده يبقي دليل ان الجوان بايظ من حتة بينقل منها كبس البستم للمياه وكده بيقي الجوان بايظ.
·انك الصبح خالص قبل ما تدور العربية و هيا بارة تفتح غطا القربة و تملاها مياه علي اخرها و تسيب القربة مفتوحة و تدخل عربيتك و تدور و عنيك علي القربة لو المياه نطرت بره القربة اول ما دورت
يبقي كده جوان للاسف ،عشان الهوا اللي ناتج من كبس البستم راح للمياه و خلاها تطلع برا لكن لو لقيت المياه راكده يبقي كدا تمام.
حاجة اخيرة انك اوعي تزود مياه و العربية سخنة...تجيب جوان وقتي لازم تسيب العربية تبرد و تزود بعد كده.
علي فكرة الوضوع ده مش copy pasteJ

شكرا لحضرتك انا حاولت انقل تجربتي عشان انا دخلت في موال وش السلندر ده بس الحمد الله عدت
بس انا في حاجة عايز اسأل عليها هوا الواحد احسن يجيب جوان اصلي؟ ولا يجيب الكوري العادي المنتشر ده ب 40 او 45 جنيه و تقريبا بتوع قطع الغيار مش بيجيبوا غيره