استلمت صنى 2013 الشكل الجديد 5/8/2013 و هرجعها للاسباب التالية و هاخد فلوسى

استلمت صنى 2013 الشكل الجديد 5/8/2013 و هرجعها للاسباب التالية,,

الباب ال جنب السواق مفارق حوالى 10 mm عمودى على مستوى جنب العربية , و فى صوت رخم اوى فى الفتح و الاقفل

باب السواق تقيل, يعنى كدة البابين تقال منهم واحد فى صوت فى الفتح و القفل

ضبطة الاكسدام مع الفنوس الشمال مفارقه حوالى 5mm و شكلها باين و رخم

التكيف على واحد و اتنين بيفصل كل 10 ثوانى و بيشتغل تانى بس مش علطول بيعمل كدة

العربية كدا ال يشوفها شكلها مخبوطة و متصلحة عند سمكرى معفن


استلمت عربية معيوبة و انا لسه ملف العربية هاستلمه بعد العيد و العربية مترخصتش ,, العيوب دى تعتبر عيوب تقفيل و ضبط ابواب فقط ولا العربية مخبوطة و متصلحة فى التوكيل و نزلت السوق تانى ؟؟

حاجة سيئة جدا, انا فقدت المصداقية مع الشركة و المعرض عشان يطلعوا عربيات فيها العيوب دى و نايمين مش شايفين شغلهم , انا هابعت شكوى ل نيسان الام بصور العيوب و تقرير كامل بيها .

هل من نصائح ؟

ربنا يقويك بس هو حضرتك استلمتها من اي معرض ولا من التوكيلل ؟؟

استلمتها من معرض من اكبر المعارض على مستوى مصر بس مش عايز اقول اسمه

طيب ما تقول اسمه علشان الناس تاخد حزرها منه اصل انا سمعت ان المعارض اللي بتعمل خصومات دي بتبقى واخده عربيات فرز ثاني

حسبي الله ونعم الوكيل
بس ارجو يا فندم تقول اسم المعرض عشان كله ياخذ حذره من المعرض ده في التسليم

من الواجب حضرتك لازم تحزر الزملا وتكتب اسم المعرض

لا حول ولا قوة الا بالله
احسن حاجة انك تاخد من الوكيل
المعارض بتخبط وترزع في العربيات وكل شغلهم عك في عك

احسن حاجة ترجعها وكان الاولي انك تفحص العربية كويس جدا قبل ما تستلمها علشان تأمن نفسك

وزي ما الرجالة بتقول لازم تقول اسم المعرض دة علشان تحذر الناس من التعامل معاه

على فكره ويمكن لان نفس المشكله حصلة مع احد اقاربى وناس كتير برده استلموا السيارات وللاسف الشديد بعدها بفتره يكتشف انها بها عيوب زى حوادث او تجريح ومعموله .. المصريه للسيارات استاذه فى كده و بيتعاملوا مع ورش مخصوصه بيطلعوا السياره تمام محش يقدر يميزها غير الشاطر جدا وده موجود فى فرع طنطا مش عارف فيه فى فروع تانيه ولا لا ؟؟؟

اقتباس:

---

المشاركة الأصلية كتبت بواسطة lada2105

على فكره ويمكن لان نفس المشكله حصلة مع احد اقاربى وناس كتير برده استلموا السيارات وللاسف الشديد بعدها بفتره يكتشف انها بها عيوب زى حوادث او تجريح ومعموله .. المصريه للسيارات استاذه فى كده و بيتعاملوا مع ورش مخصوصه بيطلعوا السياره تمام محش يقدر يميزها غير الشاطر جدا وده موجود فى فرع طنطا مش عارف فيه فى فروع تانيه ولا لا ؟؟؟

---

شكرا لنصيحتك
بالتوفيق

أطلع حماية المستهلك علي طول يا باشا, عشان تعرف الأول دا عيب تقفيل من تقفيل مصر لها,
ولا أتخبطت وعاملة حادثة والمعرض اللي صلحها, عشان منظلمش المعرض ولا التوكيل لحد ما نعرف هيا جاية بالعيب دا من مين,

والأرجح أنها من المعرض, لأنها لو فيها عيوب كدا مش هياخدها, إلا لو أتخبطت ساعة النقل وأخدها منهم بسعر أقل.

ممكن تتواصل مع المجموعة دي في الموضوع دا,
عشان تشوف لو فيه حد من الأعضاء هوا اللي متابع الشكاوي مع جهاز حماية المستهلك وتكلمه عشان يبقي فيه أهتمام بالمشكلة أسرع.
http://www.nilemotors.net/Nile/365196-2013.html

وحضرتك استلمتها ليه ؟؟

على كلامك العيوب واضحة وباينة بمجرد النظر !!

الباب تقيل ؟؟ ازاي مخدتش بالك وانت بتستلم العربية ؟ ايه مجربتش تفتح الباب مثلا ؟

الاكصدام مفارق ؟ كان المفروض برضوا تاخد بالك وسعتها ماتستلمش العربية

دلوقتي بعد ماستلمتها اي حاجة هتقولها هيقولك انت المسؤل وانت خبطتها وصلحتها واحنا مسلمينك العربية سليمة !!!!!!!!!

دلوقتي بعد ماستلمتها اي حاجة هتقولها هيقولك انت المسؤل وانت خبطتها وصلحتها

متشكر على الرد و المشاركة , حضرتك انا نازل من شاهين و اكيد فى فرق رهيب فى المقارنة اما موضوع الاكسدام دة شوفته فى كذا عربية ف دة عادى انا ال خايف منه ان العربية تكون واخدة خابطة هى الى تقلت البابين ولا اعتبره سوء تقفيل مصرى زى ما المهندس فى التوكيل قالى و قالى بسيطة مش مستاهلة ترجع العربية هنعملهالك

شكرا يا فندم :d

برده الميكانيكى بتاعى شافها و هو محترف و عينه متخيبش قالى مستحيل تبقة مخبوطة و ان مهما كان التوكيل صلحها لازم تتكشف لو مخبوطة ,, اعمل اي يا اخوانا ارجوكم لو حد من الاعضاء محترف ممكن يكشف على العربية عشان انا هاتجنن والله مش عارف اعمل اى

أيه يا جماعة براحة علي الراجل,
أنا أعرف ناس كتير متعلمة ومعاها ماجستير وبتفهم في العربيات وراحو أشترو عربيات زيرو من المصرية, وبعد ما أشتروها ومشيو بيها أكتشفو أنها كانت مخبوطة ومتصلحة..

ليه عشان مدوش خوانة للمكان ولأنك رايح تشتري عربية زيرو, أكيد مش هيبقي فيه حاجة فيها.

كله دلوقتي بيجي علي الراجل, وأحنا ممكن اي حد فينا حد لو بيفهم في العربيات وتستلم عربية وتكون كاشف عليها وزي الفل, تكتشف بعدها بشهر ولا بأسبوع أنها كان فيها عيب فحاجة وكانت متصلحة, مش بتحصل معانا كلنا ولا أيه ؟

اقتباس:

---

المشاركة الأصلية كتبت بواسطة khaledamr.90

برده الميكانيكى بتاعى شافها و هو محترف و عينه متخيبش قالى مستحيل تبقة مخبوطة و ان مهما كان التوكيل صلحها لازم تتكشف لو مخبوطة ,, اعمل اي يا اخوانا ارجوكم لو حد من الاعضاء محترف ممكن يكشف على العربية عشان انا هاتجنن والله مش عارف اعمل اى

---

ومن رأيي طالما إن العربية لسه معداش عليها 5 أيام, متغيبش علي الموضوع دا أكتر من كدا,
وتطلع من بكرة علي حماية المستهلك لو شغالين, متهيألي ممكن بكرة كمان يبقي أجازة تاني يوم العيد يبقي تروح بعده.
وتاخد معاك حد من الناس اللي كانت كلمتهم قبل كدا بخصوص المشاكل الخاصة بالنيو صني اللي حطيت لك اللنك بتاعه من شوية,
عشان يا يتغير لك العربية ودي صعبة, أو ترجع ودي أصعب, أو أنها تتصلح وتبقي عربية زيروو وزي الناس زي أي عربية زيرو بيدفع فيها فلوس.

يا باشا لو بالنسبة للمشاكل ال حضرتك قولتها ديه مفيش عربية تقفيل مصرى تخلو منها بل و اكثر.المهم ان مفيش مشاكل كبيرة الحمد لله وربنا يبارك لك.وبرضوا لو عاوز تتأكد روح لواحد سمكرى من بتوع الحوادث و اسألوا هما ليهم حاجات بيبصوا عليها بيهرشوا المواضيع ديه بسهولة.

متشكر يا جماعة على الردود والله , حابب ااكد عليكو انى رحت التوكيل و المهندس اكدلى ان دة عادى و هانعمله و اكدت عليه انى مش هاسمح باكتر من فك و ربط مفصلات الباب عشان يتظبت و انى مش هسمح ب دق على المفصلات , اخواننا الى كانوا بيسئلوا على المعرض و مكنتش عايز اقول عليه فهو معرض القرش المرغنى و دة المفروض انه معرض كبير اوى اكبر من انه يعمل الحركات دى بردوا عايز اوضح انى لما رحت المعرض قال لى اللون الموكا مش موجودة فى المخازن بتاعتنا و هطلبهالك من التوكيل و فعلا رحت تانى يوم استلمتها و دفعت كاش و العربية كانت ماشية 96 كيلو متر و قال لى ان العربية جاية على الكساحة و كان عليها الاستيكر الاريض على الكبوت و السقف و الشنطة .

عايز اسئل سؤال عشان مش عارف هل اقدر ارجع العربية ولا لا , تفتكروا هل لو العربية كانت وخدا خبطة و متصلحة هل يسيبوا البايبن كدا واحد تقيل شوية و التانى تقيل و بيعمل صوت مع الفتح و القفل و هل هما اغبياء ,

ولله انا مش عارف اعمل ايه, هل اعتبر ده عيوب تقفيل مصرى و خلاص ولا اعمل مشكلة و اصر انى ارجع العربية و اخد الفلوس كخط اول , او ابدل العربية كخط تانى بس فى الحالة دى هابقى قلقان على العربية ال هاتيجى هاتبقى عملة ازاى لو اعتبرنا ان العربيات ال المعارض بتبدلها من التوكيل ممكن يستبدلوها ب عربية بردو فيها عيب او فى فئة اقل مثلا فرز تانى.

دا كله بسبب فقد المصداقية مع المعرض و التوكيل و احتمالية النصب العالية قوى من الجميع , عندى سؤال تانى لو عربية مثلا اثناء النقل بين المصنع و الشركة و المعرض اتعرضت لخبطة بيصلحوها و ينزلوها السوق تانى ولا بينزلوها مثلا فى العرض و ال test drive فقط و دة برضو من فقد المصداقية مع التعامل مع المصانع و الشركات المصرية الواحد حاسس ان كله بينصب على كله بجد حاجة وسخة ,,

اما بقى بالنسبة للاخ البيقول ياما ناس معاها ماجيستير و اتنصب عليها ف عربيات احب اعرفكم بنفسى انا مهندس ميكانيكا و كل اهتمامى بعد ما استلمت العربية كان على حجات تانية فنية اكتر تبان على الطريق زى النقلات و الفرامل ال abs هل مع الفرامل على طريق مستقيم فى حدف مع الفرامل مثلا و حاجات من دى فنية اكتر من موضوع الصاج و الببان لانى مفهمش فى شغل السمكرة

ارجوا الافادة و الرد و المشاركة حتى تتضح الرؤية اكتر و متشكر جدا لجميع الاعضاء على الرد و المساعدة ,, تحياتى لكم جميعا

اقتباس:

---

المشاركة الأصلية كتبت بواسطة khaledamr.90

عايز اسئل سؤال عشان مش عارف هل اقدر ارجع العربية ولا لا , تفتكروا هل لو العربية كانت وخدا خبطة و متصلحة هل يسيبوا البايبن كدا واحد تقيل شوية و التانى تقيل و بيعمل صوت مع الفتح و القفل و هل هما اغبياء ,

ولله انا مش عارف اعمل ايه, هل اعتبر ده عيوب تقفيل مصرى و خلاص ولا اعمل مشكلة و اصر انى ارجع العربية و اخد الفلوس كخط اول , او ابدل العربية كخط تانى بس فى الحالة دى هابقى قلقان على العربية ال هاتيجى هاتبقى عملة ازاى لو اعتبرنا ان العربيات ال المعارض بتبدلها من التوكيل ممكن يستبدلوها ب عربية بردو فيها عيب او فى فئة اقل مثلا فرز تانى.

---

معتقدش أنهم هيرجعو العربية عشان عيب شكلي ومش جوهري, وأنت بتقول أنك مهندس ميكانيكا وعارف أنو مش عيب قاتل في العربية, وعشان معندنتش جهاز حماية مستهلك قوي يخلي لي في مشكلة أو عيب في العربية تتغير زي أي سلعة بتشتريها.
وهوا كدا علي كلامك عيب تقفيل مصري وهتتصلح لك بس في الغالب,
معتقدش أنهم هيغيروها بجديدة أو يرجعولك الفلوس, بس حاول وأنت ونصيبك واللي تقدر تاخده ومن حقك متفرطش فيه.
ومفيش حاجة أسمها يبدلوها بعربية فرز تاني!! أو فيها عيب لأن العربيات مفهاش فرزات وانت كدا دماغك بدأت تشت, وأنا عاذرك ربنا يعينك, بس بلاش القلق الزيادة دا..

اقتباس:

---

المشاركة الأصلية كتبت بواسطة khaledamr.90

دا كله بسبب فقد المصداقية مع المعرض و التوكيل و احتمالية النصب العالية قوى من الجميع , عندى سؤال تانى لو عربية مثلا اثناء النقل بين المصنع و الشركة و المعرض اتعرضت لخبطة بيصلحوها و ينزلوها السوق تانى ولا بينزلوها مثلا فى العرض و ال test drive فقط و دة برضو من فقد المصداقية مع التعامل مع المصانع و الشركات المصرية الواحد حاسس ان كله بينصب على كله بجد حاجة وسخة ,,

---

مفيش عربية بتتخبط وبتبقي غلبانة بعد كدا وtest-drive, دا لو عندنا أصلا معارض بتعمل تست درايف, العربية بتكون جاية عشان تتباع,, ولو أتقلب علي ضهرها من العربية اللي شايلاها زي ما حصل مع عربيات سيراتو كتير في السنين اللي فاتو بتتصلح وبتتباع.

اقتباس:

---

المشاركة الأصلية كتبت بواسطة khaledamr.90

اما بقى بالنسبة للاخ البيقول ياما ناس معاها ماجيستير و اتنصب عليها ف عربيات احب اعرفكم بنفسى انا مهندس ميكانيكا و كل اهتمامى بعد ما استلمت العربية كان على حجات تانية فنية اكتر تبان على الطريق زى النقلات و الفرامل ال abs هل مع الفرامل على طريق مستقيم فى حدف مع الفرامل مثلا و حاجات من دى فنية اكتر من موضوع الصاج و الببان لانى مفهمش فى شغل السمكرة

---

علي فكرة انا اللي قلت كدا,, :oh:
وتعليقي دا كان رد علي الاتنين اللي قالو كدا وكانو متحاملين عليك,!
وقلت إن حتي الناس المتعلمة كويس, وفاهمة بتراجع وتددق في التفاصيل كويس وممكن يضحك عليها,, يعني كنت بدافع عنك..!! :L_bhuhhh[1]:

مش عارف أنت قفشت عليا كدا ليه,, :wound13:
حقك عليا يا سيدي,,

بس طالما أنت قفشت كدا وبتقول أنك مهندس ميكانيكا وبتعرفنا بنفسك, فأهلاً وسهلا بيك, :satelite:

وأنا كدا هضم صوتي ليهم وأقولك لو مكنت مهندس ميكانيكا بقي, وراجل بتاع عربيات وبصيت علي الميكانيكا,
أزاي عنيك مهندس مالحظتش الفروق الرهيبة اللي بتتكلم عليها دي,,
وأنت راجل دي مهنتك, سيبك من الناس بتاعت الماجستير اللي أنا قلت عليهم والكلام النظري اللي درسوه,, أنت بتاع العملي والمجال دا.

تحياتي لك..
وربنا يعينك علي حل مشكلتك,:bye2:

الحاجات اللي حضرتك ذكرتها كلها عيوب تقفيل وبتظبط في التوكيل وصدقني العربيه مفهاش حاجه ومتوهمش نفسك حضرتك لو روحت اي معرض هتلاقي من كل 5 عربيات 2 فيها عيوب تقفيل زي اللي عند حضرتك والتوكيل هيظبطهالك وهتبقي تمام ان شاء الله والف مبروك علي العربيه

LeitoSR متشكر جدا يا رايس والله انا مش قافش ولا حاجة بالعكس انا بضم صوتى لصوتك فى موضوع الناس المتعلمين اللى بيضحك عليها اوعى تكون فاكر انى قفشت والله ابدا . و بعدين انا مهندس ميكانيكا و بعيد شوية عن المجال العملى جدا زى موضوع الصاج و الكلام دة , عموما انا اتشرفت بمعرفتك والله و معرفة جميع الاعضاء و مستنى الردود من الاعضاء

الحمد لله وصلت لواحد مسئول فى المعرض و ادانى كلمة ان العربية هتتبدل و على ضمانته الشخصية ان شاء الله رايح يوم الاحد استبدلها , معرض محترم و امين و توكيل و تقفيل سيىء

شكرا للمشاركة و الافادة

اقتباس:

---

المشاركة الأصلية كتبت بواسطة khaledamr.90

LeitoSR متشكر جدا يا رايس والله انا مش قافش ولا حاجة بالعكس انا بضم صوتى لصوتك فى موضوع الناس المتعلمين اللى بيضحك عليها اوعى تكون فاكر انى قفشت والله ابدا . و بعدين انا مهندس ميكانيكا و بعيد شوية عن المجال العملى جدا زى موضوع الصاج و الكلام دة , عموما انا اتشرفت بمعرفتك والله و معرفة جميع الاعضاء و مستنى الردود من الاعضاء

---

الشرف ليا, ومحصلش حاجة. :)

اقتباس:

---

المشاركة الأصلية كتبت بواسطة khaledamr.90

الحمد لله وصلت لواحد مسئول فى المعرض و ادانى كلمة ان العربية هتتبدل و على ضمانته الشخصية ان شاء الله رايح يوم الاحد استبدلها , معرض محترم و امين و توكيل و تقفيل سيىء

شكرا للمشاركة و الافادة

---

ألف مبروك يا باشا,
والله ناس محترمين,, متناساش بقي تبقي تحكي لنا علي باقي التفاصيل لما تستلم عربيتك الجديدة وتبص عليها كويس من كل النواحي وتجرب تكييفك وتبص علي العربية من تحت وعلي حوض موتورك وكل حاجة. :tumb:

إن شاء الله الجاية تبقى كويسة :)

اقتباس:

---

المشاركة الأصلية كتبت بواسطة khaledamr.90

استلمت صنى 2013 الشكل الجديد 5/8/2013 و هرجعها للاسباب التالية,,

الباب ال جنب السواق مفارق حوالى 10 mm عمودى على مستوى جنب العربية , و فى صوت رخم اوى فى الفتح و الاقفل

باب السواق تقيل, يعنى كدة البابين تقال منهم واحد فى صوت فى الفتح و القفل

ضبطة الاكسدام مع الفنوس الشمال مفارقه حوالى 5mm و شكلها باين و رخم

التكيف على واحد و اتنين بيفصل كل 10 ثوانى و بيشتغل تانى بس مش علطول بيعمل كدة

العربية كدا ال يشوفها شكلها مخبوطة و متصلحة عند سمكرى معفن


استلمت عربية معيوبة و انا لسه ملف العربية هاستلمه بعد العيد و العربية مترخصتش ,, العيوب دى تعتبر عيوب تقفيل و ضبط ابواب فقط ولا العربية مخبوطة و متصلحة فى التوكيل و نزلت السوق تانى ؟؟

حاجة سيئة جدا, انا فقدت المصداقية مع الشركة و المعرض عشان يطلعوا عربيات فيها العيوب دى و نايمين مش شايفين شغلهم , انا هابعت شكوى ل نيسان الام بصور العيوب و تقرير كامل بيها .

هل من نصائح ؟

---

ايوه ابعت فيهم عشان يطلعوا عين ابوهم مصريين مينفعش معاهم توكيلات خالص

السلام عليكم يا باشمهندس .. لى بعض النقاط العامة والخاصة بنيسان اود عرضها كالاتى:

1. الافضل فى الشراء التعامل مع الوكيل مباشرة او موزعيه المعتمدين .. لرسمية التعامل معهم لا قدر الله فى حال ظهور عيوب صناعة زى اللى ذكرتها .. لأن معارض كتير جداااا بتتعامل فى العربيات التالفة من النقل والشحن والتفريغ ودى رسميا سعرها بينزل عن اختها اللى بحالة ممتازة من الوكيل وبكده المعرض واخدها باقل من ثمنها وبيبيعها فى نفس الوقت باوفر برايس بحجة الاستلام الفورى او توافر اللون المراد من قبل المشترى
2. كون العربية عدادها اكتر من 90 كم .. تأكد تماما انه كداب لما قالك انه جابها على ساطحة لأن العربية دى جاية سواقة من المصنع فى 6 اكتوبر او اى مكان تانى لحد المعرض .. واى عربية زيرو منقولة على تريلا او كاسحة ما يكونش عدادها ماشى اكتر من 20 كم بأى حال من الاحوال .. والخوف فى الحالات دى هو السواقة المتهورة ليها وعدم الاكتراث بالمشترى اللى ياعينى اول ما يستلم يقعد يحسس ويحافظ وهما بيقرصوا عليها وانا بنفسى باشوفهم طايرين فوق ال100-120 وغرز على الطريق الزراعى والدائرى واكل مطبات ونقر وكل اللى نفسك فيه !!!
3. من حق حضرتك انك ترجع العربية خلال 14 يوم من تاريخ فاتورة الشراء حسب توصيات حماية المستهلك وباسباب طبعا والافضل ان حضرتك كنت فحصت العربية كويس وقت الاستلام ورفضت استلامها مهما كانت الضغوط او الظروف .
4. وارد جدااا ان حضرتك بحكم المهنة - وده عرفته من القياسات اللى ذكرتها اول الموضوع بالمللى قبل ما اكمل قرايته - وانك دافع مبلغ محترم ونازل من مستعمل لزيرو انك تكون موسوس شوية او حساس شويتين جهة الملاحظات دى خاصة ان العربية جديدة عليك عن لو كنت بتشترى انت راكبها قبل كده ومجربها وعارفها .. وده مش عيب ابداااااا .. وكل واحد فينا بياخد وقت على ما يتعود فى الاول وفيه اللى مش بيتأقلم ونفسه بتقفل من العربية وفيه العكس اللى بيزداد اعجابه بيها وبيتمسك بيها مع الوقت مهما حصل
5. ممكن حضرتك تروح اى مركز خدمة معتمد لنيسان قبل الترخيص وتكشف عليها .. وانا متأكد ان فروقات الابواب والصوت ممكن اصلاحهم على الضمان بدون اى تكاليف فى اى وقت او مع اول صيانة تروحها باذن الله
6. نصيحة لا تقارن بين عربيتك القديمة وعربيتك الجديدة لا شكلا ولا موضوعا عشان ما تتعبش والخيرة فيما اختاره الله لك
7. موضوع فصل كومبريسور التكييف طبيعى جداااا فى النيسان عموما والصنى خصوصا .. والعبرة بالتبريد والتأثير على الموتور وليس بالصوت

تقبل تحياتى والف مبروووووك لو رخصت على خير وربنا يعوضك بغيرها لو قررت انك ترجعها فعلا

موضوع التكيف دة عادى جدا النيسان كدا بيفصل كل 10 ثوانى

يا باشا العربية دي فيها حاجة غلط أنا شاري نفس العربية ومستلمها زي المسطرة من سمير ريان ......مترخصش واطلع علي حماية المستهلك وروح المعرض واعمل هليلة.....بس حقك كنت تستلمها منهم صح.....أنا اقعدت استلمها من سمير ريان في 3 ساعات والناس كانوا زي الفل وسابوني اعمل اللي أنا عاوزه قبل مستلمها

السلام عليكم
العربيه مزعلاك فى حاجه لسه
موضوع الباب والدهان
ده عيب تقفيل طبعا وفى فى جميع السيارات النيسان الجديده لازم تلاقى با اما عيب فى مفصلات الابواب يا اما الكابوت
ريح نفسك وقبل ما تطلع على حماية المستهلك لازم تكون متاكد من كلامك روح اى مركز معتمد وامشف على الدهان والصاج ...
لو فى حاجه ساعتها تقدر تتكلم بس اتاكد
بالنسبه للكيلو متر طبعا كتير والعيال اللى بيجبوها للصاله عياله تعبانه بينحر فيها انا شوفتهم
انا مستلم برده العربيه كانت عامله 80 ك .م
لفيت عليها لفه وكان بالنهار الحمد ﻷه كانت معقوله بس انا كنت عارف بن كان فيها فرق من عند الكابوت عادى هعمل ايه انا شوفت كذا عربيه كده
بالنسبه للتكبف عادى كله كده وبعدين انا راكب جوه مالى ومال الفصل وصوته
وبعدين تكيفها هتلاقيه ضعيف فى الاول ومش زي ما انت عاوز متزعلش
هيتظبط بعد فتره ممكن الالف وبعدين انا استعملت التكيف بعد 500 ك
سحب العربيه برده هيبقى مش مظبوط هيتظبط بعد الالف

هو اللى مش مظبوط معايا لحد دلوقتتى استهلاك البنزين
اللى تعبنى دلوقتى بس هو استهلاكها عالى فى البنزين
وقالو ان بعد ال5000 ك هيطظبط هنشوف
الخلاصه ريح نفسك واكشف عليها

والله يا جماعة انا شوفت كذا حد بيقول التكيف ضعيف مع اني شايف انه كويس....مش فاهم موضوع انه بيفصل كل شوية اللي بتتكلموا فيه ....انا كل اللي يهمني ان التكيف شغال كويس ومش محسسني بحر.....موضوع البنزين مرتبط جدا بمشيك بمعني ان العربية بتسحب بنزين جامد في الزحمة بس موفرة جدا لو طريقك طوالي....بعد معديت الخمسة اﻻف ابتديت اﻻحظ فعﻻ ان استعمال البنزين بيقل وبصراحة الموضوع ده مكيفني

ابعد عن النيو صنى معظم ملاكها مش مبسوطين منها والله اعلم