الاستيكر بتاع العدادات

**HeMa_LanCeR** · 17-09-2008 04:32 PM

المشاركة الأصلية كتبت بواسطة kemo_snoopy

أنا عندى عداد لانسر 99 و لانسر 2007 و هوندا 92 و هوندا 98 و اوبل فيكترا

طيب ممكن اعرف سعر عداد الانسر الكريستاله ال 99 بكام
مع العلم انه من غير rpm
يعني حراره وسرعه وبنزين فقط
وطبعا حضرتك تقصد البلازما مش كده ؟

**Tam** · 24-09-2008 07:11 AM

السلام عليكم يا جماعة..معقول مافيش حد عارف الأستيكر دة بيتعمل إزاي؟
بصوا يا رجالة..أخ ghost بالنسبة لعربيتك الشاهين بالذات أنا كان لي واحد صاحبي عامله..بس ما كانش ستيكر..هاحاول أشرح بالتفصيل بس ماحدش يزعق ويخضني..خصوصا إن الموضوع دة عايز طولة بال حبة..مش كتير بتاع نص يوم
أول حاجة بتفك العداد بتاعك وتطلع لوحة العدادات بس..من غير أي مؤشر
بعدين بتروح لمطبعة من بتوع الدعاية والإعلان دول اللي بيكون عندهم سكانر كبييييييرة كدة وبرنترات عجيبة
بتديله لوحد العداد وتقول له عايز أعمل سكان..طبعا الراجل هيستغرب ويقول إيه الواد العبيط دة؟قول له ربنا يسامحك وبعد مايخلص موته ضرب!
بعد ميعمل سكان هيقوللك وبعدين؟
بالنسبالك إنت عندك لوحة العدادات أسود والشرط بيضاء..وعايز العكس زي الصورة بتاعة الجولف دي.صح؟
قول له بقى إعمل invert يعني هيعكسلك الألوان..هتلاقي شكله بقى بالظبط زي اللي في الصورة
بعد كدة تخليه يطبعهولك..وتقعد تفتح أماكن المؤشرات ب cutter بس بشويش كدة عشان الشكل مايبوظشي..
وتيجي بعد كدة تدهن المؤشرات أسود بدل ما هي بيضاء..
صاحبي بعد ماغمل الليلة دي راح مغلف الورقة ولزقها بنوع صمغ كدة على لوحة العدادات..ودي أقوى بكتييييييير من الستيكر..والشكل فوق الجيد جدا..
بس المشكلة إن الموضوع دة مكلف جدااااااااااااا
يعني أنا شفت ناس بتقول الإستيكر ب 200 و 300 وحاجات تافهة كدة..إنسى
الحوار دة لازم تكون عامل له ميزانية جامدة أويييييييييييي
لأنه إتكلف 10 جنيه
أيوة ماتتخضش..10 جنيه..ممكن تستلف من أصحابك وكدة وتكمل وتعمله..
والموضوع دة ممكن يتعمل في أي عربية..أنا أعرف واحد حاليا عاملها بنفس الطريقة في ميتسوبيشي قديمة أوي..لو تحب ممكن أصورهالك..
أرجو إني ما كنش زهقتكوا..لولا إن معاك ريتمو ماكنتش رديت
وممكن تبقى تشوفها قبل ما أبيعها إن شاء الله عشان لو عوزت تعرف حاجة
يا ريت أكون قدرت أفيدكم ولو حد حب يعمل الطريقة دي يجيلي بالعداد بس وأنا أروح معاه..السلام عليكم

**MoMohsen** · 24-09-2008 11:46 AM

يا باشا شكرا على شرحك بس فيه حاجة بسيطة بس احنا بنتكلم على العدادت البلازما و دة بتكون عبارة عن ورقه بتتوصل كهرباء و تنور الورقة كلها اكنها فوسفور و اضائنها illumination زى الاضاءة بالظبط بتاعت الساعات G-Shock و دة اعتقد انه حوار تانى غير مجرد الشكل او ممكن يكون يطبع على نوعيه معينة من الورق.
بس بجد انا عجبانى الفكرة و فعلا هحاول اجربها بس على نوعية ورق ممكن تكون احسن و لو عدلت حاجة تانية هبقى اقولكو ان شاء الله.

**Tam** · 24-09-2008 12:28 PM

هو الموضوع جت فيه سيرة البلازمة و في نفس الوقت العادي..بالنسبة للناس اللي لتركب لمبات عادية في التابلوه..أنا عارف البلازما بس أنا كنت باشرح بالنسبة للحجات العادية اللي ماتكلفش وفي نفس الوقت شكلها حلو وكمان عملية لأن العداد بيظهر جدا..خاصة إن البلازما مش موجود لكل العربيات..وشكرا ليك :shocked:

**MoMohsen** · 24-09-2008 03:13 PM

طب يا ريت لو عندك صور للعدادات بعد التعديل ترفعها

**mrghost** · 24-09-2008 03:26 PM

المشاركة الأصلية كتبت بواسطة damned_t

السلام عليكم يا جماعة..معقول مافيش حد عارف الأستيكر دة بيتعمل إزاي؟
بصوا يا رجالة..أخ ghost بالنسبة لعربيتك الشاهين بالذات أنا كان لي واحد صاحبي عامله..بس ما كانش ستيكر..هاحاول أشرح بالتفصيل بس ماحدش يزعق ويخضني..خصوصا إن الموضوع دة عايز طولة بال حبة..مش كتير بتاع نص يوم
أول حاجة بتفك العداد بتاعك وتطلع لوحة العدادات بس..من غير أي مؤشر
بعدين بتروح لمطبعة من بتوع الدعاية والإعلان دول اللي بيكون عندهم سكانر كبييييييرة كدة وبرنترات عجيبة
بتديله لوحد العداد وتقول له عايز أعمل سكان..طبعا الراجل هيستغرب ويقول إيه الواد العبيط دة؟قول له ربنا يسامحك وبعد مايخلص موته ضرب!

بعد ميعمل سكان هيقوللك وبعدين؟
بالنسبالك إنت عندك لوحة العدادات أسود والشرط بيضاء..وعايز العكس زي الصورة بتاعة الجولف دي.صح؟
قول له بقى إعمل invert يعني هيعكسلك الألوان..هتلاقي شكله بقى بالظبط زي اللي في الصورة
بعد كدة تخليه يطبعهولك..وتقعد تفتح أماكن المؤشرات ب cutter بس بشويش كدة عشان الشكل مايبوظشي..
وتيجي بعد كدة تدهن المؤشرات أسود بدل ما هي بيضاء..
صاحبي بعد ماغمل الليلة دي راح مغلف الورقة ولزقها بنوع صمغ كدة على لوحة العدادات..ودي أقوى بكتييييييير من الستيكر..والشكل فوق الجيد جدا..
بس المشكلة إن الموضوع دة مكلف جدااااااااااااا
يعني أنا شفت ناس بتقول الإستيكر ب 200 و 300 وحاجات تافهة كدة..إنسى
الحوار دة لازم تكون عامل له ميزانية جامدة أويييييييييييي
لأنه إتكلف 10 جنيه
أيوة ماتتخضش..10 جنيه..ممكن تستلف من أصحابك وكدة وتكمل وتعمله..
والموضوع دة ممكن يتعمل في أي عربية..أنا أعرف واحد حاليا عاملها بنفس الطريقة في ميتسوبيشي قديمة أوي..لو تحب ممكن أصورهالك..
أرجو إني ما كنش زهقتكوا..لولا إن معاك ريتمو ماكنتش رديت

وممكن تبقى تشوفها قبل ما أبيعها إن شاء الله عشان لو عوزت تعرف حاجة
يا ريت أكون قدرت أفيدكم ولو حد حب يعمل الطريقة دي يجيلي بالعداد بس وأنا أروح معاه..السلام عليكم

شكرا ياباشا على الفكره دى وان شاء الله قيد التنفيذ

**ZOZ** · 24-09-2008 09:41 PM

طيب لو عايز اغير شكل العداد عندي في الفيرنا اغيره خالص عايز اخليه لون ابيض زي النيون وشوية حركات ازاي؟؟؟ بس يا ريت تقلولي على واحد كويس
ويا ترى ده بيطلعني برا الضمان ولا ايه؟؟ معلش هتعبكم معايا