التكييف زهقني ...... مفيش حل ؟

**yaserbasha2000** · 09-08-2013 06:10 PM

انا معايا عربيه كورولا 97 1500 سي سي انجيكشن
التكييف فيها فيه مشكله خبيثه مغلباني من اكتر من 3 سنين محدش عارف يحلها

التكيف لما بيتكبس هواء مش بيسرب خالص و بعد شحن الفريون التكييف بيكون كفائته 60 % لكن المشكله ان ان بعد اسبوع او اتنين الشحنه بتفضى خالص ..... انا جربت اكتر من صنايعي بدون حل

كله بيكبس هواء ميلقيش تسريب يشحن فريون و تتكرر المشكله .... السنه دي غيرت فلتر الفريون و شحنت و حصل نفس الموضوع

هل فيه امل اني اخد تكييف تلاجه و يفضل شغال طول الصيف حتي لو اشحنه كل صيف

**tmz9111** · 09-08-2013 06:43 PM

حصلت معايا نفس المشكلة وطلعت فى الاخر فى الكويل

**midofarh** · 09-08-2013 11:55 PM

خلى صنايعى ابن حلال يفك الكباس برا ويضغطه هوا ويحطه فى ميه.....غالبا مكان التسريب بيكون معرق زيت

**eleanor** · 10-08-2013 12:50 AM

انا كان عندى المشكله دى فى عربيه بيجو وطلع التسريب من كويل الراجع ومن السربنتينه مكان المروحه فامكنش باين

**corolladestroyer** · 10-08-2013 08:04 AM

المشاركة الأصلية كتبت بواسطة yaserbasha2000

شكرا للزملاء
المشكله ان الصنايعي لما بيكبس هواء و يفضل ساعه و الضغط مش بينزل و كمان بيكشف بالصابون مفيش حاجه

ربنا يسهل اشوف حد امين و صبور يشوفه تاني الصيف ده

انا شبه مصلح كل حاجه في تكييف كورولا 93 نفس عربيتك تقريبا عند واحد كويس جدا بس غالي حبتين انت ساكن فين عشان لو قريب تروحله وان شاء الله يحللك المشكله هو في مدينة نصر

**aldesha989** · 10-08-2013 08:34 AM

هو التكيف زعله وحش للاسف بس حاول تشوف الكباس فعلآ هتكون المشكلة منه وهقولك ليه
لما بتكبس هواء انتا مش بتشغل التكيف يعنى الكباس ما اشتغلش فالهواء لسه جوا لانه مش بيدور ولا اى حاجه لكن لما بتشحن فريون بتشغل التكيف فبيبتدى يلف وبيهرب من الكباس وان شاء الله يكون ده العيب وحاول تعمله طقم اصلاح لو ما تقدرش تجيبه جديد

**Lifz_Good** · 10-08-2013 11:56 AM

أنا شاكك في الكويل
السربنتينة الداخلية
اللي بتبقى تحت التابلوه في سدر العربية من جوا الكابينة

شوف خليه يكشف عليها وابقى عرفنا عملت إيه

ربنا يوفقك

**أشرف العدوي** · 10-08-2013 12:36 PM

في مركز متخصص في شارع متفرع من شارع التحرير في الدقي
أسمه اوتو سكان
انا بتعامل معاهم هو غالي شوية بس نظيف جداً
حتى الفريون بتاعه نظيف جدا جدا
انا عندي نفس المشكلة في عربيتي افيو و بعد الكشف و مافيش تسريب بردو
قالي هنغير فلتر سربنتينة و بعض قطع في الكباس و التكلفة هتبقى حوالي 500 بالشحن
انا ما كنتش عامل حسابي ساعتها فشحنت بس بـ 150 و الصيف الي جاي هبقى اظبط القصة دي
و الفريون بتاعه فارق فعلاً عن اي حد شحنت عنده قبل كدة و هو بيشحن بجهاز مش بموتور تلاجة
ممكن حضرتك تروحلهم

اوتو سكان, الدقى, الجيزة, مصر | سيارات - مراكز اصلاح وخدمات ومعدات وموردون | Yellow.com.eg | 47 ش الكشافة متفرع من ش دكتور السبكى

-

-

الموضوع: التكييف زهقني ...... مفيش حل ؟

LinkBack

أدوات الموضوع

عرض

التكييف زهقني ...... مفيش حل ؟ - انشر الموضوع فى :

-

-

-

-

-

المواضيع المتشابهه

تأخير الدواره في الأوبترا زهقني

نوكيا 5800 زهقني

السنتر في 2009 زهقني

الكلمات الدلالية لهذا الموضوع

المفضلات

المفضلات

ضوابط المشاركة