فضيحة مجموعة طلعت مصطفى

**خالدابوالنجا** · 03-09-2008 09:02 PM

الى ناوى يشترى فى سهم طلعت مصطفى لازم يصبر شويه لحد متبان الصوره ونعرف اتجاه السهم
لان الى حصل اليوم غير طبيعى
السهم اتسند جامد من شراء اسهم الخزينه مش من شراء افراد او مؤسسات ورفعوا السهم لاكتر من 6.5 ومع ذلك ريح السهم اخر الجلسه ل 5.4
فلازم نصبر شويه لان الحبسه فى السهم هتكون طويله لو ريح اكتر من كده
تحياتى للجميع

**M_HaFeZ** · 03-09-2008 09:51 PM

أسهم الخزانه برضوا حرام

**خالدابوالنجا** · 05-09-2008 01:13 AM

المشاركة الأصلية كتبت بواسطة M_HaFeZ

أسهم الخزانه برضوا حرام

ليه حرام استاذ/حافظ
ده راجل بيشترى اسهم شركته من السوق
وبتظل ملكيه الاسهم لمدة عام
اما انه يعدمها بعد ذلك
او انه يعيد بيعها فى السوق
يبقه فين الحرام
يمكن قصد حضرتك سندات الخزينه (التى تصدرها الحكومه لمده معينه فى مقابل فائده تكون اعلى من فائدة البنك اى ان الحكومه تستدين من الداخل بدل الخارج ويسمى دين عام )
تحياتى للجميع

**GoldenManEye** · 05-09-2008 02:36 PM

لماذا تم تسجيل هذه المكالمة!
===
المكالمة الأولى جاء فيها
هشام: آلو، ازيك،محسن عوزك النهاردة ضروري.
محسن: فيه حاجة.
هشام: لا في مهمة عبارة عن مسألة حياة أو موت.
محسن: هجيلك النهارده
===
هذه المكالمة لا تدل على أى شىء سوى إتصال عادى جداً، إذا لماذا قام السكرى بتسجيلها!
--
وأوضح السكري في تحقيقات النيابة أنه عمد إلى تسجيل هذه المكالمات لتأمين نفسه، وقال: عشان ما أروحش فيها لوحدي.
--
إذا كان هذا صحيحاً يفترض أن يقوم بتسجيل المكالمات التالية وليس هذه المكالمة لانه لا يعرف الامر الذى يطلبه هشام فيه!؟

أليس ذلك غريباً!!!؟

هل هناك طرف رابع فى القضية!؟

**Hondawy_2008** · 05-09-2008 04:02 PM

أنا في واحدة في الشركة اللي بشتغل فيها كانت شغالة في المجموعة بتاعته و قالتلي انه معروف عنه انه بتاع ***** غير انه في الاجتماعات بتاعته بيشتم الموظفين بأقبح الألفاظ وبصراحة هو شكله غير عاطفي بالمرة شكله ******** سبحان العاطي الوهاب!!!

تخيلوا انه كان شاري للمطربة رفيقته دي الشقة اللي في دبي ب 750 ألف دولار ورغم كده خانته!!!!!!!!!

بس الغريب بقه واحد زي ده بتاع ****** و ملتي ميلياردير و يقدر يجيب أجمل جميلات العالم بفلوسه اشمعنه دي اللي علقت معاه ولا هي مسألة كرامة لأنها خانته فحب ينتقم وهو بصراحة بشكل **** ده أي واحدة تخونه

وازاي السكري اللي كان عميد أمن دولة مفصول :) و كان مدير أمن شركة عراقنا بتاعت ساويرس في العراق والمعروف انه قلب من ساويرس 3مليون دولار لما ادعى ان جماعة ارهابية خطفته في العراق و ساويرس فصله بس بعد ما هبر الفلوس (ابن الجننية) ازاي يقتل بالطريقة الساذجة دي!!!!!!! وهل هو محتاج 2 مليون دلار طب ما هو عنده ال3 بتوع ساويرس ده غير انه كان مدير أمن فنادق شرم الشيخ ولا هوه المال الحرام عامل زي المية المالحة ميتشبعش منه!!!!!!!!!!!!

أنا حاسس ان هشام ده أكيد مش بريء بس طبعا كلي ثقة في نزاهة القضاء المصري يعني هو هيكون أكتر من ممدوح اسماعيل بتاع العبارة عل الأقل ده قتل واحده مش ألوف يبقى مبروك عليه البراءة إن شاء الله

================
تنبيه للعضو الكريم
من استخدام اي ألفاظ جارحه او خارجه
وشكرا

الأدارة 3

**خالدابوالنجا** · 05-09-2008 05:03 PM

المشاركة الأصلية كتبت بواسطة Hondawy_2008

و قالتلي انه معروف عنه انه بتاع ***** غير انه في الاجتماعات بتاعته بيشتم الموظفين بأقبح الألفاظ وبصراحة هو شكله غير عاطفي بالمرة شكله ******** سبحان العاطي الوهاب!!!

وهو بصراحة بشكل ***** ده أي واحدة تخونه

ده كلام يا راجل يا طيب

**Hondawy_2008** · 05-09-2008 06:13 PM

حد يقولي ايه الألفاظ الخارجة اللي أنا استخدمتها احنا في مدرسة أطفال ولا أايه!!!!!!!!!!!!!!!!!!!!!!

**Ahmed Samy** · 05-09-2008 07:09 PM

المشاركة الأصلية كتبت بواسطة Hondawy_2008

حد يقولي ايه الألفاظ الخارجة اللي أنا استخدمتها احنا في مدرسة أطفال ولا أايه!!!!!!!!!!!!!!!!!!!!!!

لا مش مدرسة أطفال ولا حاجة
بس مش لازم نسب الناس علشان نبقى كبار :)
احنا هنا لو اخدت بالك بنحاول نستعمل اسلوب الحوار الأكثر تهذيبا ..مش العادي حتى

كل سنة وحضرتك طيب

**Hondawy_2008** · 05-09-2008 08:36 PM

المشاركة الأصلية كتبت بواسطة Ahmed Samy

لا مش مدرسة أطفال ولا حاجة
بس مش لازم نسب الناس علشان نبقى كبار :)
احنا هنا لو اخدت بالك بنحاول نستعمل اسلوب الحوار الأكثر تهذيبا ..مش العادي حتى

كل سنة وحضرتك طيب

يا باشا أنا معاك بس أنا مكتبتش أي لفظ خارج خالص والله هي كلمة" بتاع" دي عيب؟؟؟
ولا كلمة" ستات" عيب؟؟؟ ولا يمكن كلمة " أمه" هي اللي عيب وزعلتكم كده؟؟؟؟؟؟
هما دول الكلمات اللي اتحذفوا اي اللي هيعرف الكلمة العيب هياخد جايزة البرنامج قصدي المنتدى

يلا اللي يعرف الحل يبعتلي على الخاص

**emadkamel** · 05-09-2008 09:34 PM

المشاركة الأصلية كتبت بواسطة Hondawy_2008

حد يقولي ايه الألفاظ الخارجة اللي أنا استخدمتها احنا في مدرسة أطفال ولا أايه!!!!!!!!!!!!!!!!!!!!!!

المشاركة الأصلية كتبت بواسطة Hondawy_2008

يا باشا أنا معاك بس أنا مكتبتش أي لفظ خارج خالص والله هي كلمة" بتاع" دي عيب؟؟؟
ولا كلمة" ستات" عيب؟؟؟ ولا يمكن كلمة " أمه" هي اللي عيب وزعلتكم كده؟؟؟؟؟؟
هما دول الكلمات اللي اتحذفوا اي اللي هيعرف الكلمة العيب هياخد جايزة البرنامج قصدي المنتدى

يلا اللي يعرف الحل يبعتلي على الخاص

يا هونداوى باشا احنا مش فى مدرسة اطفال ولا حاجة ...بس على فكرة مش الكبار هما اللى يقولوا الكلام ده برضه ... كل ماهنالك ان المنتدى والقائمين عليه بيحاولوا يكون ليه روح واحدة واطار عام من الكلام المهذب .... الكلمات بتاعتك كل واحده لوحدها مافهاش حاجة انما لما يتحطوا على بعض بيكونوا جمل "مش ظريفة" :):)

وبره جزئية إصدار احكام على شخص مهما كان هو لسه تحت التحقيق وقد يكون برئ ... لازم برضه تحط فى ذهنك وانت بتكتب ان اللى بيقرا شباب وكبار ورجاله وسيدات افاضل ...برضه يكون الاسلوب افضل من كده .... وللا ايه؟

الموضوع: فضيحة مجموعة طلعت مصطفى

LinkBack

أدوات الموضوع

عرض

-

-

-

-

-

-

المواضيع المتشابهه

هشام طلعت مصطفى

محاكمة طلعت مصطفى على الهواء الآن

مجموعة من المقالات فى الصحف الغربية عن فضيحة بنجالا - ويل يا ويل هيييه

اللهم اجعلني طلعت مصطفى !!! (وائل عطية)

يا ريتني كنت أشتريتك يا طلعت يا مصطفى!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة