العجلة الخلفية يمين قفشت (نيسان تيدا 2012)

السلام عليكم:
النهارده الصبح جيت أطلع بالعربية كانت ماشية كويس بس تقيله حاجة بسيطه في السحب قلت ممكن الكاوتش مهوى شويه. باليل جيت أطلع بيها لقيتها تقيلة و فيه صوت خبط لما أدوس بنزين و لما تكون على ال d ما بتتحركش. و قفت على طول . صاحبي قالي أرفع العربية و خليها على n يو لف كل عجلة. لقيت العجله اللي ورا شمال واقفة و مش بتتحرك. قاللى كده الفرامل قافشة.

أنا مش عارف أعمل إيه هل أخلي ميكانيكى يشوفها ولا أوديها على ونش للوكيل (بس كده هدفع حوالى 400 جنيه للونش) .

مع العلم انا لسه عامل صيانة ال 25 ألف من حوالى أسبوع و مشيت بالعربية حوالى 200 كيلو.

و الله لو فى ميكانيكى كويس و مضمون رحله بس لو حسيت انه حيعك بلاش عموما الموضوع بسيط

فرامل اليد قفشت عايزه تتفك ويتعملها رجلاش

اموضوع بسيط ومش مستاهل ال 400 جنية بتوع الونش

باشا الموضوع بسيط جدا جدا ان شاء الله

محتاجه مكيانيكي او عفشجي الاقرب ليك
يفك العجله ويظبط رجلاش الفرامل

تحياتى لك

لو كان فى الصيانه السابقه ليك عملوا حاجه فى العربيه خاصة بالفرامل يبقى اتصل بالتوكيل وخليهم يجيبوا الونش على حسابهم علشان لو كانوا عمولوا حاجه فى الفرامل هتلاقى ده عيب من الصنايعى اللى كان شغال فى العربيه والله اعلم

جزاكم الله خيرا. امبارح الميكانيكي جه و فك العجله و كانت المشكله في الرجلاش بتاع الفرامل . بس دلوقتى بحس ان الفرامل أخف (ما بترملش زي الأول) و كمان فرامل اليد بقت أخف.

ممكن تروح التوكيل دلوقتى وقولهم ان بدئت تلاحظ ان الفرامل خفيفه....بس راى متقولش حاجه على موضوع الميكانيكى ولا غيروا