العجلة الخلفية يمين قفشت (نيسان تيدا 2012)

**essamcne** · 09-08-2013 11:51 PM

السلام عليكم:
النهارده الصبح جيت أطلع بالعربية كانت ماشية كويس بس تقيله حاجة بسيطه في السحب قلت ممكن الكاوتش مهوى شويه. باليل جيت أطلع بيها لقيتها تقيلة و فيه صوت خبط لما أدوس بنزين و لما تكون على ال d ما بتتحركش. و قفت على طول . صاحبي قالي أرفع العربية و خليها على n يو لف كل عجلة. لقيت العجله اللي ورا شمال واقفة و مش بتتحرك. قاللى كده الفرامل قافشة.

أنا مش عارف أعمل إيه هل أخلي ميكانيكى يشوفها ولا أوديها على ونش للوكيل (بس كده هدفع حوالى 400 جنيه للونش) .

مع العلم انا لسه عامل صيانة ال 25 ألف من حوالى أسبوع و مشيت بالعربية حوالى 200 كيلو.

**aliabdo** · 10-08-2013 12:18 AM

و الله لو فى ميكانيكى كويس و مضمون رحله بس لو حسيت انه حيعك بلاش عموما الموضوع بسيط

**eleanor** · 10-08-2013 12:44 AM

فرامل اليد قفشت عايزه تتفك ويتعملها رجلاش

**m_love4me** · 10-08-2013 09:53 PM

باشا الموضوع بسيط جدا جدا ان شاء الله

محتاجه مكيانيكي او عفشجي الاقرب ليك
يفك العجله ويظبط رجلاش الفرامل

تحياتى لك

**amr011111** · 10-08-2013 10:31 PM

لو كان فى الصيانه السابقه ليك عملوا حاجه فى العربيه خاصة بالفرامل يبقى اتصل بالتوكيل وخليهم يجيبوا الونش على حسابهم علشان لو كانوا عمولوا حاجه فى الفرامل هتلاقى ده عيب من الصنايعى اللى كان شغال فى العربيه والله اعلم

**essamcne** · 13-08-2013 09:25 AM

جزاكم الله خيرا. امبارح الميكانيكي جه و فك العجله و كانت المشكله في الرجلاش بتاع الفرامل . بس دلوقتى بحس ان الفرامل أخف (ما بترملش زي الأول) و كمان فرامل اليد بقت أخف.