والله انا بعد ما بيعت الميجان اللى معايا عشان عملت بيها حادثة فضلت ادور على ميجان كويسة حوالى شهرين او اكتر و شوفت فيهم عدد كبير من العربيات، رغم انى كنت picky اوى فى اختيار الاعلان اللى بكلم صاحبة، و اخر ما زهقت قمت لامم اللى معايا كلة و عملت علية جمعية و جبت 301 زيرو و ريحت نفسى

سوق المستعمل فى الميجان ينطبق علية، كلهم و لا مؤخذة شمال، 98% من الاعلانات نصب و عربيات متبهدلة و متهانة و تشوفها او تجربها، تكرة نفسك، المشكلة ان زى ما حضرتك قلت كلة ملصم العربية على ما يلبس الزبون و يخلع و مش اى حد بيعرف يلقط الكلام دة الا لو كشف فى التوكيل او كان معاة ميجان قبل كدة و عارف يدور فيها على اية