الموضوع: تقرير حصرى عن هيونداى ix35 هاى لاين

الف شكر لحضرتك ولصاحب الموضوع انا معايا النترا وبفكر مجرد تفكير مبدئى انى اجيب العربية دى وارائكم شجعتنى.. تنصحونى انفذ واتحمل فارق السعر؟؟؟؟

توكل على الله .. حقيقي سيارة رائعة

تحديث ....

تقرير مختصر عن IX 35 Full Loaded الفئة الاعلى ..

املك السيارة منذ عام .. وهذه ملاحظاتي ووجهة نظري في السيارة في منتهى الامانة وبتأكيد اصدقاء لي تم تجربة السيارة من خلالهم للرغبة في شراء IX 35 ..

1- الشكل العام للسيارة .. جيد جدا
2- العفشة .. جيده جدا
3- الإضاءة الداخلية والخارجية .. جيده جدا
4- الكلاكس .. الصوت ضعيف وغير مناسب لحجم السيارة
6- المساحة الداخلية للركاب والشنطة .. جيده جدا
7- كونسول الميديا .. جيد ( كنت افضل ان يكون الكونسول DVD باللمس )
8- المقاعد ومساند الرأس .. فاخرة
9- التكييف .. جيد جدا ( علما بأنه لا يوجد خرج للمقاعد الخلفية ولكن الفتحات الامامية كافية للتوزيع لمساحة السيارة .. بشهادة الجالسين بالمقاعد الخلفية )
10- كونسول القيادة .. جيد جدا
11- كاميرا خلفية .. ممتازة
12- مثبت سرعة
13- مرايات كهربائية خارجية قابلة للطي
14- مراية كهربائية داخلية للتعتيم
15- جنوط سبور 17
16- التشغيل باللمس
17- المفتاح الذكي
18- استهلاك البنزين .. جيد جدا
19- الثبات .. جيد جدا ( طريق السخنة الغردقة .. تم الوصول الى سرعة 180 كم .. وكانت هذه اقصى سرعة للسيارة .. بمعنى الضغط الكامل على دواسة البنزين .. علما بأن اقصى سرعة للسيارة هى 220 كم .. وبالرجوع للتوكيل افادوا بأن هذه السرعة فعلا هى اقصى سرعة للأمان .. ولكن للوصول للسرعة 220 كم .. يوجد قطعة من الجلد اسفل دواسة البنزين يمكن نزعها .. ولكن على مسئوليتك )
20- اوبشن السيارة .. جيدة جدا ( وكنت اتمنى ان يكون هناك ماكينة الرفع للزجاج وايضا غلق الابواب أوتوماتيكيا عند تشغيل السيارة والعكس Center Lock .
21- بالنسبة لوضع التربو .. وهو زيادة السرعة بشكل لحظي لتخطي سيارة ما .. لم يكن واضح بالنسبة لي .. وبالرجوع للتوكيل .. افادوا بأن وضع التربو هو تحويل عصا الفتيس من الوضع الاوتوماتيك الى الوضع الرياضي ( اليدوي 6 سرعات ) وتحريك العصا الى الوضع السالب ( الاسفل ) .. وبصراحة لم يتم تجربة هذا الوضع حتى الان ؟؟؟

هذه وجهة نظري الشخصية .. اما بالنسبة للسيارات الأخرى .. الله اعلم

مع تحياتي ..

الف الف مبروك على العربيه ويارب ربنا يسعدك ويكفيك شرها وشر الطريق يارب والشكل جديد نازل مصر شهر 2 2016 وشكل جديد حيكون جامد اوى من الى عندك بكتير اوى

بما إن أغلبنا معاه العربية من وقت مش قليل، إيه رأيكو فى إستهلاك البنزين مقارنة بنفس العربيات من نفس الفئة ومهم جدا اللى هايدى إفادة يكون بناءا على إستخدام فعلى أو على الاقل عارف المعلومة من حد إستخدمها ومايكونش بيبالغ.
أنا هابدأ بنفسى : العربية فى العموم بتاكل بنزين مقارنة بالسيارات الاقل حجما ودا طبيعى خصوصا جوا المدينة بمتوسط 12 لتر/100كم أما على الطرق السريعة فممكن يوصل لـ 6.5لتر/100 كم وبصراحة أنا مجربتش عربية من نفس الفئة زى سبورتاج وقشقاى أو xv.... الخ.

بما إن أغلبنا معاه العربية من وقت مش قليل، إيه رأيكو فى إستهلاك البنزين مقارنة بنفس العربيات من نفس الفئة ومهم جدا اللى هايدى إفادة يكون بناءا على إستخدام فعلى أو على الاقل عارف المعلومة من حد إستخدمها ومايكونش بيبالغ.
أنا هابدأ بنفسى : العربية فى العموم بتاكل بنزين مقارنة بالسيارات الاقل حجما ودا طبيعى خصوصا جوا المدينة بمتوسط 12 لتر/100كم أما على الطرق السريعة فممكن يوصل لـ 6.5لتر/100 كم وبصراحة أنا مجربتش عربية من نفس الفئة زى سبورتاج وقشقاى أو xv.... الخ.

تقريبا مثل حضرتك ما كتبت .. السيارة فعلا في المدينة بتسحب مش هقول كتير ولكن في حدود المعقول وعلى حسب الزحمة .. وده شىء تقريبا طبيعي .. ولكن على الطرق السريعة .. السحب ممتاز

العربية دي في الخليج حكاية واسمها توسان وليس ix35 وهي حاليا 2000cc طبعا جبارة ف الجمارك ولو نزلت 1600 cc: هتكسر الدنيا هي حكاية بصراحة حلوة ماشاء الله