التحرش في العيد

**mr.foxman** · 10-08-2013 04:52 PM

فتش عن الاسره المربيه و القدوه
فتش عن البيئه التى ينشاء بها
فتش عن المدرسه و الاصدقاء و الزملاء المخالطين لهم
فتش على ما يشاهده فى التلفاز و ما يسمعه
اعلم انك لو تتقى الله و الله سيعينك الله على تربيتهم

**mr.foxman** · 10-08-2013 05:00 PM

رساله الى الاعلام و منتجين السينما و القنوات الفضائية
و الممثلين و المطربين و النخبه

إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة

**dede_dodo88** · 10-08-2013 05:14 PM

المشاركة الأصلية كتبت بواسطة shaddadfalcon1

ده نتاج الأعلام الزفت والوضع المنيل اللي خلي رب الأسره مطحون ومش فاضي يربي عيالي والعادات المهببه اللي خلت ربة البيت تشجع بنتها انها تبقي حركه ومدحدحه وتلبس وتتشيك عشان تتجوز بسرعة

اعلام فاشل وسافل
اولاد مش متربيه ومعندهاش نخوه
بنات مش محترمه ولبسها زي الزفت (الله يكرمكم بلاش كلمة ماهو في منتقبات بتتعاكس يبقي الموضوع ملوش علاقه باللبس)

كل ده لازم يبقي في تحرش

يبالمناسبة حملة منع التحرش دي لو فيها واحد ملتحي كان زمان اتعمل عليها فرح :)

مع أحترامي لرأيك لكن بختلف معاك شويتين..
أحنا في عالم مفتوح دلوقتي, كل اللي عايز يشوف حاجة بيشوفها و ببلاش, فبفرض حتى أنك معندكش الأعلام "السافل" ده ففي وسائل تانية كتيرة متاحة في أماكن تانية الواحد ممكن يتأثر بيها لو هو عايز كده..
فالموضوع كله رغبة شخصية, لو أنت عايز تشوف حاجة معينة فالريموت موجود في أيدك و عندك القدرة أن تبحث عما تريد و عندك القدرة كمان أنك تـShut-Down خالص..
حتة الوضع المنيل اللي مخلي رب الأسرة مش ملاحق على تربية عياله ده, فهي دي الحقيقة مشكلة رب الأسرة مش مشكلة الوضع المنيل.. مشكلة رب الأسرة أنه أقدم على خطوة هو مش على قدر مسئوليتها.. مشكلة رب الأسرة اللي راسخ في عقليته أن العيل بيجيب رزقه معاه و نسي تماماً أن الرزق مش هيجيب تربية جاهزة معاه..
أتفق معاك في نقطة العادات الأجتماعية بتاعتنا دي اللي عاملة مشاكل كتير في حياتنا عموماً..

**shaddadfalcon1** · 10-08-2013 07:25 PM

المشاركة الأصلية كتبت بواسطة dede_dodo88

مع أحترامي لرأيك لكن بختلف معاك شويتين..
أحنا في عالم مفتوح دلوقتي, كل اللي عايز يشوف حاجة بيشوفها و ببلاش, فبفرض حتى أنك معندكش الأعلام "السافل" ده ففي وسائل تانية كتيرة متاحة في أماكن تانية الواحد ممكن يتأثر بيها لو هو عايز كده..
فالموضوع كله رغبة شخصية, لو أنت عايز تشوف حاجة معينة فالريموت موجود في أيدك و عندك القدرة أن تبحث عما تريد و عندك القدرة كمان أنك تـshut-down خالص..
حتة الوضع المنيل اللي مخلي رب الأسرة مش ملاحق على تربية عياله ده, فهي دي الحقيقة مشكلة رب الأسرة مش مشكلة الوضع المنيل.. مشكلة رب الأسرة أنه أقدم على خطوة هو مش على قدر مسئوليتها.. مشكلة رب الأسرة اللي راسخ في عقليته أن العيل بيجيب رزقه معاه و نسي تماماً أن الرزق مش هيجيب تربية جاهزة معاه..
أتفق معاك في نقطة العادات الأجتماعية بتاعتنا دي اللي عاملة مشاكل كتير في حياتنا عموماً..

ماهي مشكله مركبه
يعني لو الوضع كويس الاب مش هيضطر ينطحن وهيخلي باله من العيال(مش شرط لكن بفرض حسن النيه)
ولو الاب مطحون ومفيش مؤثرات خارجيه فميش بالتالي حاجات العيل يختلط بيها ويشوفها غصب عنه

يعني قارب بين طفلين ابوهم مطحونين بس الأول في مدرسة حكومه في مكان معفن وساكن في منطقه شعبيه والتاني في مدرسة لغات وساكن في مكان راقي
هتلاقي مشاكل التاني حاجات زي ضعف الشخصيه ومشاكل نفسه لكن الأول هيصيع ويبقي منحرف

**emad_2020** · 10-08-2013 07:38 PM

عايز ايه من شباب مفيش فى حياتة غير حشيش وبانجو وقعده على القهوة 24 ساعة وبعد كل البعد عن ربنا لا صلاة ولا اى حاجة منتظر منه ايه

**AhMeD EzZ** · 10-08-2013 07:58 PM

الناس الي بتتكلم عن لبس البنات دي بتهرب من الحقيقة

بالمنطق دة يبقي عادي نفطر رمضان عشان الجو حر

**mr.foxman** · 10-08-2013 09:25 PM

ده اللى وصلنا اليه السبكى وافلامه , صنع جيل السلاح الابيض والمطاوى والحشيش !!

بالفيديو.. شباب يرقصون بالمطواة أعلى كوبرى قصر النيل بعد مشاهدتهم فيلم «قلب الأسد»

لينك الفيديو :
‫بالفيديو.. شباب يرقصون بالمطواة أعلى كوبرى قصر النيل بعد مشاهدتهم فيلم «قلب الأسد»‬&lrm; - YouTube

**mr.foxman** · 10-08-2013 09:28 PM

كمان كام سنة يبدء التثبيت و السرقة بالاكراه علشان ياكلوا ويشربوا
اجيال بتضيع

**eslamrace** · 10-08-2013 10:41 PM

بعد تحقيق فيلم قلب الاسد لاعلى ايرادات فى تاريخ السينما المصريه فانتظروا فالقادم اسوأ.....
كان نفسي اول حاجه تتصلح فى البلد فى اى عهد سايق التعليم ثم الرقابه على الافلام والتحول للانتاج القومى الضخم لاعطاء بدائل جيده .
ربنا يرحمنا ويصلح الحال ويولى من يصلح .

**cosmo** · 10-08-2013 11:33 PM

كل سنة وانتم طيبين جميعا
انا شايف موضوع التحرش ده من منظور اوسع والكلام فيه يطول اوى
ان المجتمع كله مريض واكتر حاجة متفشية فيه هى التحرش
زى مايكون واحد عندة انفلونزا و فيرس كبدى و سرطان اكيد السرطان هو اللى اخطر بس منقدرش نقلل من خطورة الفيرس
اما بالنسبة للتحرش انا شايف كل الاطراف مدانة من الاسرة للتعليم للمتحرش والمتحرش بها والاعلام الخ
كل دى اطراف مسؤله بس بنسب غير متساوية