عضو جديد محتاج مساعده ضروري اوبترا

**القيصر المصري** · 10-08-2013 08:18 AM

ا انا عضو جديد ثانيا لأن لسا حاشتري عربيه لي أول مره
ثالثا انا محتار بين النيسان صني الشكل الجديد والشيفروليه أوبترا
وصراحه انا ميال للصني

عايزكو تنصحوني اجيب الصني ولا الاوبترا
عشان انا خبرتي صفر في العربيات
ولما اقرر اشتري من عند ميين لاني سمعت ان في معارض سيارات مش مظبوطه

**subzero_freez** · 10-08-2013 11:05 AM

الاوبيترا احسن فى الثبات و الموتور اقوى و كمان الشكل احلى من الصنى ، الصنى عربية خفيفة جداً ..

**Lifz_Good** · 10-08-2013 11:47 AM

خليك في أوبترا زيرو أحسن
هيا أحسن من الصني في حاجات كتيييييييييير جداً
بس يا سلام لو لاقيت منها خليجي
علشان يكون متوفر فيها فرامل abs
تبقى هاتها بدل الصني وانت مغمض :)

وبالتوفيق وابقى قولنا عملت إيه ؟؟؟

**د.عماد صلاح** · 10-08-2013 12:36 PM

انا كنت زيك ..معاي بتاع 120 الف وبدور علي زيرو
في الاخر كان الاختيار بين صني قديم وجديد و ااوبترا
صني الجديده كلها مشاكل و الحاجه الوحيده الياباني فيها الفتيس ..الموتور طلع هندي و الكمبروسر كذلك ..والباقي مصري بالاضافه لانها تقفيل مصري العيوبالرئيسيه الثبات مشكله فصل التكييف كل 10 ثوان الفرامل فيها مشكله عصيه الحل المميزات و سع الصالون بالطول مش بالعرض استهلاك بنزين موفر ...ففطلعتها اوت لاني مش عايز وجع دماغ في الصيانه
الصني القديم موتور قوي وثبات هايل و تكييف احسن ..الفرجن الجديد مفيش فيه اي بي اس فالفرامل ضعيفه جدا غول بنزين صالون ضيق وللاسف التكييف بدا يبقي فيه مشاكل
الاوبترا ..ثبات ووسع صالون عربيه كلها مستورده موتور قوي فتيس استجابته هايله و العربيه قطع غيارها في اي كشك سجاير و مشاكلها قليله فراملها ضعيفه شويه لكن احسن من الصني البنزين استهلاكه يقال عليه عالي بس انا سافرت الساحل 263 كيلو و التكيف شغال طول الوقت علي سرعه بين 120 الي 140 و اخدت في الاخر 19 لتر ...بصراحه اتوهمت بيها
نصيحتي ليك خليك في الاوبترا
وربنا يوفقك

**ahmedhilmy** · 10-08-2013 04:59 PM

انا رايي خليك في الاوبترا احسن عربيه بقالها تقريبا 7 -8 سنين ثبتت نجاحها قطع غيار متوفره مراكز صيانه منتشره اعتماديه اسعار قطع الغيار مقبوله سعر اعاده بيع جيد جدا بس طبعا خلاف ان استهلاكها للبنزين عالي يعيبها ايضا ان شكلها من 8 سنين متغيرش فتحسها قدمت انا الصني القديمه و الجديده اللحقيقه مش بقبلهم