الحمدلله اشتريت فيكترا بي موديل 96

**ahmed.tayeh** · 11-08-2013 12:38 PM

الحمدلله اشتريت عربية فيكترا بي موديل 96 لونها زيتي وكاملة اوتوماتيك 2000 سي سي والعربية كانت بتاعت واحدة ست ياعني ماكنتش مهتمة بيها اوي المهم عشان ما اطولش عليكم العربية فيها حبة ملاحظات عاوز اخد رايكم فيها
العربية وهية علي ال d ودايس فرامل بحس ان في رجة جامدة في العربية وخصوصا لما بشغل التكييف الرجة بتزييد اوي ولما رفعتها قبل ما اشتريها الميكانيكي قالي دي عاوزة قاعدة موتور وقالي بردو انها عاوزة جراب للفتيس لان عصاية الفتيس سايبة شوية والحاجة التالتة اني لاحظت اني لما بركن العربية وتاني يوم الصبح بلاقي تحتها زيت هوة طبعا مش كمية كبيرة بس معني كدة ان في حاجة غلط او مش متظبطة في الموتور والعفشة بردو محتاجة شوية تظبيط ياعني حبة جلب والكلام ده
والمفروض اني ان شاء الله هنزل القاهرة يوم الجمعة الجاية بالعربية عشان اروح بيها الحرفيين عشان اعمل الشغل ده فكنت عاوزكم ترشحولي حد كويس اروحله ويكون صنايعي وحنين في الحساب وكنت عاوز اعرف بردو تكلفة الحاجات اللي انا قلتها دي تعمل تقريبا كام فلوس ؟
وهل الحاجات اللي انا قلتها دي تقلقني ولا دي حاجة طبيعية

**loda80** · 11-08-2013 08:31 PM

احب أكون اول المهنئين ألف مبروك وربنا يكفيك شرها غالبا دى فعلا قواعد الموتور ممكن تشوف طنانى باشا اذا كان فتح المركز يبقى توكل على الله وربنا يباركلك فيها و الزيت دا لازم تغشل العربيه الاول من تحت علشان تعرف الرشح جاى منين جبتها بكام وايه مواصفتها؟؟

**ahmed.tayeh** · 12-08-2013 12:11 PM

المشاركة الأصلية كتبت بواسطة loda80

احب أكون اول المهنئين ألف مبروك وربنا يكفيك شرها غالبا دى فعلا قواعد الموتور ممكن تشوف طنانى باشا اذا كان فتح المركز يبقى توكل على الله وربنا يباركلك فيها و الزيت دا لازم تغشل العربيه الاول من تحت علشان تعرف الرشح جاى منين جبتها بكام وايه مواصفتها؟؟

شكرا علي الرد يا باشا
العربية كاملة اوتوماتيك ماشية 209000 الف كيلو فابريكة دواخل واخدها من المالك الاول وطبعا 2000 سي سي اوتوماتيك وكفاءة الموتور 70 % واشتريتها ب 47 الف

وبالنسبة لمركز طناني ده هوة كويس ولا اطلع علي الحرفيين عشان قطع الغيار بالمرة تكون متوفرة وبسعر رخيص ؟

**hilal** · 12-08-2013 12:23 PM

الف مبروك
وما تقلقش كلها حاجات بسيطة
الحاج طناني يحلهالك على طول ، واعتقد انه فتح خلاص

**ahmed.tayeh** · 12-08-2013 02:01 PM

المشاركة الأصلية كتبت بواسطة hilal

الف مبروك
وما تقلقش كلها حاجات بسيطة
الحاج طناني يحلهالك على طول ، واعتقد انه فتح خلاص

الله يبارك فيك
بس انا كلمت مركز طناني في التليفون وقالولي انهم هيفتحوا يوم الاثنين اللي جاي وانا عاوز انزل القاهرة يوم الجمعة
فياريت لو حد يعرف مركز صيانة كويس في الحرفيين وتكون اسعاره كويسة ياريت يقولي

**tananybasha** · 13-08-2013 12:53 AM

الف مبروك يا باشا
و اللى عندك على حاله العربية مش كتير ما شاء الله
ممكن فى الحرفيين تجرب الشيخ هيثم او محمد علام
و فى صقر قريش ممكن محمد عبد الراضى

و انا اسف انى مقدرتشى افيدك فى عربيتك
بس تتعوض ان شاء الله