الموضوع: عايز اعرف الفرق بين موديلات لوجان ؟؟

و الله بامانه كان نفسي اجاوب حضرتك بس معلوماتي عنها قليله بس بامانه انا اعرف العربيتين معرفه سطحيه بس سيبك من الانوس لو هتفكر خليك في اللوجان و الفيرنا بس ارشحلك اللوجان عربيه واسعه و مريحه و انتشرت في مصر معنى كده قطع الغيار و الصيانه هتنتشر و التوكيل ناس كتير بتشكر فيه و ابعد عن توكيل غبور لو هتشتري الفيرنا غير كده اللوجان مواصفات امان و صاج احسن و عربيه عائليه جميله و ربنا يكرم و صلي صلاه استخاره و نصيحه لو هتشتري و عندك شوارع زحمه خليك في الاوتوماتيك و سيبك من اللي يقولك المانيوال هو الاصل انا قرفت من المقوله دي و مستني اغير العربيه مع والدي علشان اجيب اوتوماتيك راحه و حلوه للكسلانين عيد سعيد انشاء الله و اسف على الاطاله

فين الخبراااااااااااااااااااا اااااااء

الاستاذ جبريل : كل سنه وهو طيب والمسلمين اجمعين والاستاذ جبريل خير من يعمل المقارنه واتمنى انه هيعطينى تقرير فوق الممتاز بس اظاهر شوية الاصلاحات اللى فى سيارته معكساه شويه ربنا يسهلوا الحال

الفرق بين الهاف اوبشن والفول اوبشن
شكل العربية من بره ... شريط نيكل خلفي في الشنطة في الفول اوبشنز بس
مرايات ومقابض بلون العربية ... الهاف بيبقي اسود
فوج لايت امامي وخلفي في الفول اوبشنز بس
من جوه ... قفل السنتر مع الشنطة في الفول بس
ظبط مرايات كهربا في الفول بس
زجاج كهربائي خلفي في الفول بس
نواكل في الكونسول والبيبان الفول بس
ايرباج سائق للفول بس
كمبيوتر رحلات وشكل عدادات مختلف في الفول بس
فرش كراسي مختلف في الفول بس
تحكم في كرسي السائق تعلية وتوطية في الفول بس
تحكم في الطارة تعلية وتوطية الفول بس
كاسيت بلوتوث مالتي فانكشن في الفول بس
مفتاحين واحد بريموت والتاني عادي للفول بس
لمبة بيان غلق ابواب في الفول بس
الاتنين نفس العفشة ونفس الميكانيكا ونفس الموتور اللي هو 8 صبابات 1600 سي سي 90 حصان
الاوتوماتيك نفس امكانيات الفول اوبشنز باختلاف وجود عمود اتزان في العفشة ... وموتور 16 صباب 1600 سي سي 110 حصان جيربوكس ستيب ترونيك ... اعتقد ده كله الفروقات لو حد من الاصدقاء يحب يضيف حاجة انا ناسيها يقدر يفيدك بقي