-
الكهربا رجعت تلعب تانى
السلام عليكم
معلش أنا عارف أسئلتى كتيرة, بس العربية مطلعه عينى والله
من شهر ونص كده, كان عندى سفرية بره مصر, اسبوعين, المهم سافرت ورجعت لقيت البطارية نايمة تماما ومش بتكمل 4 ساعات وتفضى, المهم, روحت جبت بطارية جديدة ايطالى والحمد لله اشتغلت 100 100
بس الكهربا كانت ابتدت تلعب, يعنى وأنا سايق, الاقى الار بى ام بيزيد لما أدوس بنزين, ومش بينزل, او ينزل لما ادوس بنزين تانى, بس دوسه أقل, أنا كنت مشغول الصراحة ونفضت, بس بعد كده بأسبوع لقيت بقى الأر بى ام بيعلى لوحده وأنا ممور, ويوطى ويقعد يلعب فوق وتحت وصوت العربية يزيد قوى حتى وانا واقف, وابطل العربية مش عايزة تبطل, بتقعد تنتش جامد, مابطلتش غير لما اديتها غيار وسبت دبرياش (طبعا كده ممكن الغيار يتكسر - الترس - بس هاعمل ايه
كان عندى سفرية تانى - 15 يوم, فركنت العربية على حالها كده, وفصلت البطارية - الجديدة - وسافرت , رجعت امبارح, وصلت البطارية, لقيتها مش فاضية, بص ضعيفة جدا ومش قادرة تقوم المارش, هل كده البطارية بايظة ؟؟
اروح اوديها الضمان ؟؟
واعمل ايه فى مشاكل الكهربا, هل ده الكنترول ؟؟ ولا الاسبراتير عايز ظبط ولا ايه بالظبط ؟؟
العربية ابيزا 94 1300سى سى هاف انجيكشن
-
اولا بالنسبة للبطارية المفروض توديها الضمان يكشفولك عليها
بس انت ماقولتش هي جافة ولا سائلة ؟
لوو جافة يبقي كدة فيها حاجة ولازم تروح الضمان يقولك فيها ايه
لو سائلة - اعتقد هيحطها شوية علي الشحن
بس في كل الأحوال لازم ترجع للضمان
اما عن الأر بي أم فدة اولا سيرفيس (فلاتر وتنظيف بوابة) وثانيا ضبط كهرباء طالما مش بتبطل لما بتقفل كونتاكت
تحياتي
-
شكرا يا باشا على الرد
البطارية جافة
اللى حص, انى زقيت العربية أنا وواحد صاحبى ودارت تمام, ولخدنا لفه بيها والكهربا كانت مظبوطة بالمسطرة
وبطلت ودورت كذا مرة, شغال تمام, هاجرب بكره الصبح وربنا يكرم
أنا عمرى ما عملت تنظيف البوابة ده, واصلا اصلا, اعتقد ان طرمبة البنزين عندى بتودع
هو ينفع اركب طرمبة ابيزا 98 على التانك ده ولا لازم اغير التانك كمان ؟؟
-
الموضوع عندك سرفيس عاوز يتعمل بوجهات فلات تشيك على كله
تنضيف البوابه اسهل مايكون بس لو ليك فى موضوع الصيانه ملكش توديها لحد يظبطها
انتا طرمبة البنزين عندك قدام تحت العمه الأبيزا 98 فى التنك فلازم هتشترى تنك بالطرمبه بتعته بموسيره
طيب ليه ماتشترى طرمبه إستيراد
-
البطاريه تخدها على التوكيل مفيش كلام يشوفوا فيها ايه
ولو العمليه مزنقه معاك فى حل تانى ان تركب طرمبه كهربا خارجيه تجبها يابانى كورى صينى كده
-
متهيألي الهاف انجيكشن بتبقي الطرمبة كهرباء غاطسة زي ال98
بس جرب الأول موضوع تنظيف البوابة وتغيير الفلاتر وبعدها نشوف قصة الطرمبة
شوف الموضوعين دوول - بيتكلموا عن تنظيف البوابة - الأسهل فيهم بالنسبالك اعمله
http://www.nilemotors.net/Nile/26750...post3874060499
http://www.nilemotors.net/Nile/29841...post3874421273
تحياتي
-
الطرمبة عندى ورا, تحت الكنبه
والحوار مش مسألة زنقة فلوس, الفكرة انى مركب طابلوه بولو 98, فعشان عداد البنزين يشتغل تمام, محتاج أجيب طرمبة بعوامة بتاعت بولو 98, بس بصراحة فاكس يعنى, مبقاش يفرق معايا الحاجات دى
ان شاء الله هاشوف حوار تنظيف البوابة ده واقلكم الاخبار
10000000000 شكر بجد
Content Relevant URLs by
vBSEO 3.6.0 PL2