عرض للطباعة
انا محتار بين نيو سيراتو Ex full option ولا استرا الفئه الاولي
السيراتو
مميزات :
ارخص و بيقولوا الكوري النكييق احسن و ما بيسخنش و احسن في الريسال ...
المخوفني:
مشكله السرقه
الاسترا: ممكن أضغط علي نفسي شويه في السغر
مميزات :
الماني
ESP
المخوفتي:
التوكيل
هل التجميع البولندي كويس ولا لأ
مشكله ان الاوربي بيسخن
أرجو النصيحه
شكرا
سيراتو كل الفئات دلوقتى فيها ايموبيليزر اساسى
هات السيراتو طبعا
لو عايز تشتري وتبيع بعد شوية وميكونش ليك في السرعات العالية يبقى سيراتو...
انما الاسترا افضل منها بمراحل كعربية على الطريق...
وانا (فصصت) الاسترا حتة حتة لاني كنت هشتريها وتقفيلها ممتااااز خصوصا من جوة.... بصراحة انا شايف اكبر ميزة في العربية دي تقفيلها وجودة خاماتها...
استرا طبعا احسن بمراحل كفاية انها الماني
إيه أكتر حاجات تهمك فى العربيه وإيه الحاجات اللى ممكن تستغنى عنها ؟
ألحيره الابدية
الاوروبى ركوبه وسواقه امتع
الكورى سوقه حلو (على ايه معرفش)
اقتباس:
المشاركة الأصلية كتبت بواسطة ahmed travco
كلام من الاخر
+
جه اليوم اللى بنقارن فيه الالمانى بالكورى
هوة دة الشعب المصري يهمة اكتر حاجة الشكل و الاوبشن وميهموش الامان ولا الجودة عشان كدة التجار خلو الكوري بنفس سعر الالماني و للاسف الشعب بيروح يشتري الكوري ويسيب الالمانياقتباس:
المشاركة الأصلية كتبت بواسطة ahmedteam
حلو أوياقتباس:
المشاركة الأصلية كتبت بواسطة m i d o
طب تعالي بقي كلمني ف الفنيات وسيبك من الشكل والكماليات وسعر إعادة البيع والإعتمادية ف السوق المحلي وكلها حاجات بتتفوق فيها السيراتو الحقيقة وهي حاجات محدش يقدر يقول مش مهمة وخصوصا إن الفئة السعرية للعربيتين فوق ال 150000. رقم مش قليل !!
العربيتين تقريبا المواصفات الفنية للموتور ميفرقوش عن بعض كتير
الأسترا
- العزم الأقصى ( نيوتن.متر/لفة.دقيقة)
- 155/4000
- قوة المحرك (حصان/لفة.دقيقة)
115/6000
السيراتو
- العزم الأقصى ( نيوتن.متر/لفة.دقيقة)
- 156/4850
- قوة المحرك (حصان/لفة.دقيقة)
130/6300
السيراتو عوامل الأمان بها زي الأسترا وإن كانت الأسترا فيها 2 إيرباج زيادة (فئة الإنجوي) + esp لكن مش دي الحاجة اللي تخليني أضحي بموتور أقوي ب 15 حصان كاملين زي موتور السيراتو
الناس قالت إن في غربلة خفيفة ف الطارة وبتتعالج بعمل تحديث للسوفت وير بالنسبة للأسترا وبالنسبة للتسارع ف الأسترا يقال برضه إنها بطة شوية شأنها شأن الأوروبي وده مش عيب في مقابل الثبات ع السرعات العالية اللي أكيد السيراتو هتفتقده وخصوصا بنظام تعليقها الخلفي التورشن بيم اللي يقال إنه تم تحسينه مقارنة بالنظام اللي قبليه
قطع الغيار ف الأسترا أغلي طبعا ولكن التحمل مع الزمن لهذه القطع أعلي بكتير من قطع الغيار الكوري ف دي ميزة وعيب ف نفس الوقت
الخلاصة الn-shape الجديدة لا يجوز أن نتجاهلها كعربية تكاد فنيا مش هاقول طبعا تنافس الأوروبي في جودة خاماته ولكن بتجمع الكثير من المميزات اللي سوق زي السوق المصري ممكن يكون محتاجها, وف نفس الوقت الأسترا عربية ممتازة ولكن الناس برضه حملتها أكثر مما تستحق كعربية أوروبية ويبقي السؤال: إنت عايز إيه, وإيه هي أولوياتك؟
هتبيع كمان سنتين وعايز موتور قوي بس ممنوع الجري فوق ال 140 ويهمك الصالون الأوسع والشكل والكماليات أكتر ,,, سيراتو
مش ناوي تبيع دلوقتي وعايز عربية متصرفش عليها غير تمن الصيانات الدورية + ثبات أعلي ,,, أسترا
لو انت بتسافر ,, يبقى استرا طبعا
لو السيراتو مفهاش ايمبوليزر يبقى هات استرا طبعا
لو كلمة esp مبهرتكش يبقى هات سيراتو
لو بتحب الاوبشنز يبقى هات سيراتو
الاسترا محققة نجاح و مطلوبة جدا و بالتالى سعر اعادة بيعها مش زى باقى الاوروبى
و اتوقع لها انها تكون خليفة الفانتازيا اللى حسنت صورة الاوروبى بعد ما كان قرب ينقرض
كراي فقط كيا